مستجدة كيمياء

[Dr.Basso0om]

السلام عليكم ورحمة الله وبركاته

في البداية انا نسبتي ترشحني اتسكن بكلية العلوم الفيصلية وانا ابغى اقتصاد وادارة
ففكرت اني اخد ترم علوم وارفع معدلي و احول بعد ترم
بس ماني عارفه اللي بسويه صح او لأ
اول شي بتخصص كيمياء بما أنها الأقرب لقلبي


و حنزل في الجدول
ثقافه 1
عربي 1
مادتين حرة
ممكن سيرة نبوية والثانية ماتي عارفه
وكمان كيمياء عامة2 على اساس لو فرضا ما اتحولت اكون ماخذه شي من مواد التخصص اخفف يعني..
المهم يصير جدولي كذا 16 ساعه

ماني عارفه الحوسه هذه صح ولا ما تجي أصلا
ساعدوني بليز ونورني انا باقي مو عارفه نظام الجامعه
كويس

وكمان حاجة اذا اللي قلته تمام ايش ترشحولي مواد حرة؟

معدلي 3.50
كم اكثر شي ممكن يترفع في حالة اخذت 16 او 17 ساعة؟

كمان اخر شي ممكن اضيف مادة امن وسلامة لظن كذا اسمها اللي بساعة وحدة؟
ولا كيف!!

آسفه اسئلتي كثيرة بس عنجد حايسة

[LeLou]

المشاركة الأصلية كتبت بواسطة Dr.Basso0om السلام عليكم ورحمة الله وبركاته في البداية انا نسبتي ترشحني اتسكن بكلية العلوم الفيصلية وانا ابغى اقتصاد وادارة ففكرت اني اخد ترم علوم وارفع معدلي و احول بعد ترم بس ماني عارفه اللي بسويه صح او لأ اول شي بتخصص كيمياء بما أنها الأقرب لقلبي

و عليكم السلام و رحمة الله و بركاته..
إللي بتسويه دا عادي جدًا,,
ما في نظام يمنع دا الشي..

و حنزل في الجدول ثقافه 1 عربي 1 مادتين حرة ممكن سيرة نبوية والثانية ماتي عارفه وكمان كيمياء عامة2 على اساس لو فرضا ما اتحولت اكون ماخذه شي من مواد التخصص اخفف يعني.. المهم يصير جدولي كذا 16 ساعه ماني عارفه الحوسه هذه صح ولا ما تجي أصلا ساعدوني بليز ونورني انا باقي مو عارفه نظام الجامعه كويس

تمام كذا و عادي جدًا..
إنت قولي للمرشدة الأكاديمية أنك بتحولي عشان تساعدك..
بس ما أعرف كيف مستوى صعوبة كيميا 202,, لأني فيزياء في الأساس..

وكمان حاجة اذا اللي قلته تمام ايش ترشحولي مواد حرة؟

أنا أخذت مادة أيوبيون و مماليك..
كانت حلوة و سهلة بس محتاجة حفظ..
بس اللي تحفظيه ما يخرج عن اللي تقوله الدكتورة في المحاضرة..
و لو حفظت تمام تجيبي درجة حلوة و إنتِ مغمضة..
غير كذا ما أعرف،، أنا دي المادة إللي أخذتها..
في مادة تاريخ العلوم العربية يقولوا حلوة..
و فلك يقولوا محتاج مذاكرة شوي لكن سهل..

معدلي 3.50 كم اكثر شي ممكن يترفع في حالة اخذت 16 او 17 ساعة؟

و الله أنا ما أبغى أتنبأ و ما في حيلي أحسب..
حأديكِ دا الموقع:~
http://www.yicf.com/gpa.php
أدخليه و حطي فيه عدد الساعات اللي اجتزتيها و معدلك و عدد المواد للفصل الحالي..
و اختاري نوع المعدل 5..
و دخلي درجات افتراضية و شوفي كيف راح يصير معدلك..

كمان اخر شي ممكن اضيف مادة امن وسلامة لظن كذا اسمها اللي بساعة وحدة؟ ولا كيف!!

طبعًا تقدري تضيفيها..
لكن المادة إللي بساعة دي ما راح تأثر في المعدل كثير..
و هي عمومًا سهلة،، و محاضرة في الأسبوع..
بس كل يوم غياب فيها بدرجة..

آسفه اسئلتي كثيرة بس عنجد حايسة

عادي حياكِ الله في أي وقت..
بالتوفيق||~

[ساعدوني رايكم يهمني]

المشاركة الأصلية كتبت بواسطة dr.basso0om السلام عليكم ورحمة الله وبركاته في البداية انا نسبتي ترشحني اتسكن بكلية العلوم الفيصلية وانا ابغى اقتصاد وادارة ففكرت اني اخد ترم علوم وارفع معدلي و احول بعد ترم بس ماني عارفه اللي بسويه صح او لأ اول شي بتخصص كيمياء بما أنها الأقرب لقلبي حياك الله في قسمنا ^^ ما ابغى احبطك بس ما اتوقع تقدري تحولي ادارة الا بمعدل جداا مرتفع ويمكن 5 كمان اسالي مجربه بس حاولي وان شاءالله يصير اللي تبغيه اهم شي شدة الحيل و حنزل في الجدول ثقافه 1 عربي 1 مادتين حرة ممكن سيرة نبوية والثانية ماتي عارفه وكمان كيمياء عامة2 على اساس لو فرضا ما اتحولت اكون ماخذه شي من مواد التخصص اخفف يعني.. المهم يصير جدولي كذا 16 ساعه ماني عارفه الحوسه هذه صح ولا ما تجي أصلا ساعدوني بليز ونورني انا باقي مو عارفه نظام الجامعه كويس عموما ثقافه وعربي حلوه ومو مره صعبه .. بالنسبة للمواد الحره انا اخدت فلك بس محتاجه حفظ شويتين .. وكيمياء عامه 2 محتاجه مذاكره اول باول وحفظ قوانين وكمان حاجة اذا اللي قلته تمام ايش ترشحولي مواد حرة؟ معدلي 3.50 كم اكثر شي ممكن يترفع في حالة اخذت 16 او 17 ساعة؟ ردت عليك قبل شوي lelou الله يجزاها بالخير كمان اخر شي ممكن اضيف مادة امن وسلامة لظن كذا اسمها اللي بساعة وحدة؟ ولا كيف!! تقدري تضيفيها بس ما حتفرق فالمعدل كثير لانها بساعه آسفه اسئلتي كثيرة بس عنجد حايسة

خدي راحتك الشيء اللي نسعى له في المنتدى اننا نفيد ونستفيد

[تذكار غموض]

اممم كيمياء 202 ماده بصراحه سهله بس اكيد يبالها مذاكره وتركيز

[Dr.Basso0om]

اول شي ممرة شكرا عالنصايح
Lelou. تذكار. ساعدوني رايكم يهمني
وو بما أنه اقتصاد وادارة يبغوا شي مرة عالي
ومعدلي ماراح يتعدى 4
فشكلو امشي على خطة الكيمياء زي ماهي..
وبلاش تحويل

[تذكار غموض]

كم معدلك ...وسوري ع اللقافه
واممم قسم الكيمياء بصراحه موادها مو صعبه وممتعه
بالتوفيق لكي واي خدمه حاضرين

[Dr.Basso0om]

لا ابدا مو لقافة
يكفي انكم بتساعدوني
3.50

[تذكار غموض]

طيب حلو ماشاءالله
بدايه تخصصك شدي حيلك عشان يترفع المعدل كل ماكانت عدد الوحدات اكتر كل مايزيد المعدل بس الواحد مايحط عدد وحدات 4 ويجيب العيد فيها لانو راح ينزل المعدل
واي خدمه حاضرين

[Dr.Basso0om]

خلاص ان شاء الله بنزل
عربي1 بثلاث ساعات
ثقافة1 ثلاث ساعات
كيمياء202 اربع ساعات
أمن وسلامة ساعة
مادة حرة1 ثلاث ساعات
مادة حرة2 ثلاث ساعات

يصير 17 ساعة كذا كويس؟؟
وفي حالة ما اتحولت برضو يمشس الحال صح!

[تذكار غموض]

الله يوفقك
بس لاتنسي المواد الحره تدخل بعدد الساعات لين تتخرجي
محدوده اللي هيا 6 ساعات بس
مثلا ذحين درستي مادتين حره ب 6 ساعات
لو درستي ماده حره مثلا ب 4 مراح تدخل بالساعات المكتسبه
بس راح تنحسب بالمعدل فقط ...ان شاءالله فهمتي كلامي خخخ