طالب مستجد وعندي كم سؤال

[معااذ]

سلام عليكم

الحمدلله انا انقبلت في هذه الكلية انتظام علمي وهذه الكلية كانت رغبتي بعد الهندسة والحاسبات

عندي كم سؤال بس

معدلي 3 اقدر ارفعه ل4.50 في خلال سنة ونص ؟ لاني قريت في بعثات بعد ما اكمل المواد العامة

كم المعدل المطلوب لدخول تخصصات المحاسبة ونظم المعلومات الادارية ؟ ((يعني حقت السنة هذه كم اقل معدل قبلوه))

ايش هي كل المواد اللي راح ندرسها خلال الثلاثة اترام الجاية؟

هل ممكن اخذها ترمين وترم صيفي واخلص منها في سنة واتخصص ؟

بالنسبة للانجليزي حسب ما قريت انها 3 مستويات ,, طيب المستوى الواحد نخلصه في شهر واسبوعين زي التحضيري ولا نقعد فيه ترم كامل ؟

ومحاضرة الانجليزي مدتها 50 دقيقة زي باقي المواد ولا 3 ساعات زي التحضيري((الله لا يعيدها))

وشكرا......

[يارب افرجها من عندك]

لو 3 بدون فواصل ما اظن تقدر

بس لو 3 وشي عالي بإذن الله تقدر

في بعثات بس سووها لنا احنا اول دفعة وما ادري عن الدفعات اللي بعد كدة

وممكن تاخد ترم صيفي بس الترم الصيفي بس ثلاثة مواد وماحتقدر تخلص كل المواد في سنة

ايوة الانجليزي 3 مستويات

بس كل مستوى مادة كاملة في ترم كامل

ودراسته كل يوم ساعتين

وان شاءالله احد يفيدك اكثر

[معااذ]

المشاركة الأصلية كتبت بواسطة يارب افرجها من عندك لو 3 بدون فواصل ما اظن تقدر بس لو 3 وشي عالي بإذن الله تقدر في بعثات بس سووها لنا احنا اول دفعة وما ادري عن الدفعات اللي بعد كدة وممكن تاخد ترم صيفي بس الترم الصيفي بس ثلاثة مواد وماحتقدر تخلص كل المواد في سنة ايوة الانجليزي 3 مستويات بس كل مستوى مادة كاملة في ترم كامل ودراسته كل يوم ساعتين وان شاءالله احد يفيدك اكثر

مشكورة اختي

لا والله هو 3 بس

بس في سؤالين اذا عندك جوابهم

ايش هي كل المواد اللي راح ندرسها خلال الثلاثة اترام الجاية؟

وكم عددها كلها ؟

كم المعدل المطلوب لدخول تخصصات المحاسبة ونظم المعلومات الادارية ؟ ((يعني حقت السنة هذه كم اقل معدل قبلوه))

وشكرا

[باور هورس]

اولا رفع المعدل ل 4ونص بالنسبة لك يعتبر معجزة << باين من معدلك ان مستواك مو قد كذا
لكن تقدر ترفعه فوق 3ونص



عموما المعدل في التخصص يكون حسب معدلات الطلاب اللي معاك

و كل تخصص له عدد معين فياخذو الاعلي الى ان يكتمل العدد

وناسي صراحة كم المعدلات كانت

لكن اتذكر ان اللي معدلاتهم فوق 3 ونص دخلوا التخصصات اللي يبغوها

والمحاسبة فيها اكبر عدد مقاعد
وباقي التخصصات تقريبا زي بعض

باختصار

فوق 3 ونص ان شاء تدخل التخصص اللي تبغاه


بالنسبة لعدد المواد في السنو والنصف اعتقد 15 مادة

والمواد تقدر تخش موقع كلية الاقتصاد والادارة - الاقسام العلمية - وشوف اي تخصص محاسبة او نظم اوو<< كلها زي بعض - الخطة الدراسية
تحصل مواد السنة والنصف من المستوى الثالث الى الخامس

[معااذ]

المشاركة الأصلية كتبت بواسطة باور هورس اولا رفع المعدل ل 4ونص بالنسبة لك يعتبر معجزة << باين من معدلك ان مستواك مو قد كذا لكن تقدر ترفعه فوق 3ونص عموما المعدل في التخصص يكون حسب معدلات الطلاب اللي معاك و كل تخصص له عدد معين فياخذو الاعلي الى ان يكتمل العدد وناسي صراحة كم المعدلات كانت لكن اتذكر ان اللي معدلاتهم فوق 3 ونص دخلوا التخصصات اللي يبغوها والمحاسبة فيها اكبر عدد مقاعد وباقي التخصصات تقريبا زي بعض باختصار فوق 3 ونص ان شاء تدخل التخصص اللي تبغاه بالنسبة لعدد المواد في السنو والنصف اعتقد 15 مادة والمواد تقدر تخش موقع كلية الاقتصاد والادارة - الاقسام العلمية - وشوف اي تخصص محاسبة او نظم اوو<< كلها زي بعض - الخطة الدراسية تحصل مواد السنة والنصف من المستوى الثالث الى الخامس

المشكلة في السنة التحضيرية المواد العلمية
انا رسبت في الكيميا واخذتها ثاني وجبت c+ وجبت في الاحياء والفيزيا 60 هذا اللي طيح لي المعدل

ودحين في كلية الادارة مافي مواد زي الكيميا والفيزيا والاحياء وهذا احلى شئ

بالنسبة لرفع المعدل ل 3.5 هذا شي اكيد ان شاء الله

اغلب الطلاب بعد التحضيري ترتفع معدلاتهم

يعطيك العافية

[معااذ]

دحين لمن نبدا الترم الجديد في الكلية

راح يبدا المعدل من جديد ولا راح نكمل على معدل السنة التحضيرية ؟؟

وكيف اعرف رموز المواد؟؟

وفتحت الحذف والاضافة ولا لا؟

[RHF]

حتمشي على معدل التحضيري

الحزف والاضافة بنستناه يفتح ،،

وهنا مواد الخطة تبع ال 3 اترام ،، موجود الرمز جنب كل مادة ، ومعليش عالشخاميط ههه

[esraa.kh]

المشاركة الأصلية كتبت بواسطة معااذ دحين لمن نبدا الترم الجديد في الكلية راح يبدا المعدل من جديد ولا راح نكمل على معدل السنة التحضيرية ؟؟

من الطبيعي في كل الجامعات انو المعدل يكون ترآآكمي من أول سنة للتخرج! ترا موضوع بسيط
ويحسبو المعدل الفصلي زي التحضيري آخر كل سمستر لكن في الاخير المعدل التراكمي هو االلي يمشو عليه

عشن كده يقولو اللي يتعب اول سنتين ويكون معدلو عالي يمشي وهوا مرتاح
اما اللي يكون معدلو واطي من البدايه ومايشد حيلو في اول سنتين صعب يرفع معدلو في السمسترات الأخيرة..