شوف كم صرفيتك في السنه والله حرام لطلاب الانتساب

[كروز1]

اخواني الطلاب
السلام عليكم ورحمة الله وبركاته وبعد

انا ودي اشكيلكم شوي وودي بمن يجيب العلم ويريحني
ودي اشكيلكم من مصاريف الجامعة اللي كسرت ظهري والله ياعالم تعبت , تعبت نفسيا , وماديا والله اني اهتم من الصرفية اكثر من الدراسة .
يا اخوان انا تخصصي ( ادارة عامة ) كلية الاقتصاد والادارة وطبعا تعرفون ان كلية الاقتصاد ما تتم اختباراتهم الا في جده وطبعا انا من سكان الرياض ورب اسره والراتب زهيد .

ابي احسب وياكم كم اصرف في السنه :

1_ رسوم الدراسة لكل فصل دراسي 3000 ريال يعني في السنة = 6000 ريال

2_ اروح لجدة لاتمام اختباراتي في السنه مرتين وكل مره اصرف مالايقل عن 3000 ريال لي انا واسرتي , طبعا يمكن يطلع واحد ويقول ليش تتعنى وتاخذ اهلك معك ؟ والجواب / انني ما اقدر اترك اسرتي بلحالهم في الرياض لمدة اسبوعين .
يعني تبلغ صرفيتي في جدة في السنة نقول تقريبا = 6000 ريال

3_ كل جدول في الفصل الدراسي لا يخلى من مادة رياضية وطبعا ماراح تتجاوز هالمادة الا اذا احضرت لنفسي معلم رياضيات او محاسبه او انجليزي .
نقول في الفصل الدراسي الواحد مدرس واحد على الاقل وتكاليف تدريسه 1500 ريال
يعني في السنة تكاليف المدرسين الخصوصيين 3000 ريال على الاقل .

المجموع يا اخوان لصرفيتي في السنة = 15000 ريال ضرب اربع سنوات = 60000 ريال ويمكن اكثر على حسب مدة الدراسة .
كأنك تصرف في الشهر 1500 ريال لمدة عشره اشهر مدة الدراسة
والله حرام والله حرام والله تعبت

طيب نبي نختبر في مناطقنا على الاقل ايش معنى كلية الاداب وكلية رابغ هم اللي يختبرون في مناطقهم !!!
يامن يجيب العلم
يا من يوصل صوتي وصوت الكثير من طلاب الانتساب لأعلى مسؤول .

تدرون من هم اكثر ناس كاسرين خاطري هم طالبات الانتساب لجميع التخصصات دون استثناء واللي يختبرون في جده طيب وش ذنب اهلها وش ذنبهم يمرمطون بعوايلهم وشيبانهم في هالخطوط والشقق وكل هالمشقة .


حسبي الله ونعم الوكيل
حسبي الله ونعم الوكيل

يا اخوان كل واحد يدلي بدلوه واللي عنده علوم او اخبار ساره يبشرنا وآسف على الاطاله ولكن كل ذا من حر ما فيه .

[غريب الحياه]

والله توني مقدم وشايل همها فلوس وتعب ولا ازيدك من الشعر بيت ما معي سياره
^_^

[دلووعة حبيبي]

الله يعينك اخوووي ويفتحهاا بوجهك وييسرلك امووورك ... ماظن احد بيسمعك الكل يعاني من هالشي وتكلموو ولكننن ~~> ( دوووون جدوووى )

[عبدالله الاحمدي]

اختبار المناطق انصحك فية تدفع الف وتختبر بالرياض توفر بعض الشئ

[كروز1]

المشاركة الأصلية كتبت بواسطة عبدالله الاحمدي اختبار المناطق انصحك فية تدفع الف وتختبر بالرياض توفر بعض الشئ

يا اخي الكريم شكرا على مشاركتك ولكن (كلية الاقتصاد والادارة ) مافيها اختبار المناطق ما عدا كلية رابغ .

[سـآره الغـآمدي]

الله يعععينككك .. عذاب والله

[abu hattan]

لو نطلع ندرس برى على حساب الدولة
ما صرنا هالمبلغ
إلا هُم بيعطونا مكافأت والمبلغ هذا تزبط فيه امورك

[الهندواني]

يا أخي لا تحسب خسايرك ومصاريفك

لو فيه أحد بيسمعك كان صح لكن لا حياة لمن تنادي

كل أخوانك في الانتساب مثلك

ولو كل واحد حسّب من البداية ها المخاسير ما كان احد انتسب

لكن اعقلها وتوكل والله سبحانه وتعالى يعوض عليك وعلينا

والتعب يبرى ، والفلوس تتعوض ، والشهادة تبقى

تمنياتي للجميع بالتوفيق

[كروز1]

المشاركة الأصلية كتبت بواسطة الهندواني يا أخي لا تحسب خسايرك ومصاريفك لو فيه أحد بيسمعك كان صح لكن لا حياة لمن تنادي كل أخوانك في الانتساب مثلك ولو كل واحد حسّب من البداية ها المخاسير ما كان احد انتسب لكن اعقلها وتوكل والله سبحانه وتعالى يعوض عليك وعلينا والتعب يبرى ، والفلوس تتعوض ، والشهادة تبقى تمنياتي للجميع بالتوفيق

اخوي الهندواني
انا اقصد على الاقل نبي نخبر في مناطقنا ارحم شوي او القصيمي يختبر في القصيم والجنوبي في الجنوب عند اهله والشمالي كذلك .
مو هالحشره اللي حنا فيه .

[moussa]

الله يعين