شكرا

[أهـ منك يازمن]

السلام عليكم ورحمة الله وبركاتة

موضوعي هادا سويتة من باب المبادرة لشكر الناس إلا ساعدونا

قصتي نهاية التحضيري

بكل أمانة أول ما خلصنا التحضيري كان فى راسي أي كلية صحية << إلا يجي خير وبركة

ولمن نزلت الدرجات قلت الله يستر

باين حتا فراش ماراح أصير بالتخبيص إلا سويتة

كنت حاطط أول رغبات الطب ولكن 0.05 إلا فرقت وبعدتني عن اول رغبة ليا

المهم تم قبولي فى كلية الصيدلة وبكل أمانة ماكنت أدري شي عن القسم

وقلت أفا أخر شي فى الصيدلية أشتغل تعب السنين ضاع

فطلبت تحويل لكلية الطب ولمن ما طلع شي وحسيت أنه فى قب حلو جاني

دخلت المنتدي وبديت أقرء المواضيع وأشوف الأسئلة والأجوبة بدي القسم يدخل قلبي

وفهمت أن الصيدلة عالم كبيييير مو زي إلا كنت حاطة فى بالي

وصح القسم فى المنتدي شبة حي لكن الشكر لمشرفتنا The Hill حسستني كاني بين أخواني

و ?NUMBER والمسابقة الحلوة إلا سوتها فهمتنا الأسئلة وطريقتها والمواد

وُزمرد وإجابتها علي الأسئلة وباين من شخصيتها انها أنسانة حبوبة

و غريب عزيز حسسني أني رجعت الأبتدائي لمن واحد يكون أشطر منك وإلا تبا تصير أحسن منه

فـــ شـكــرا لكم

على كل شي سويته وقلتوه حسستوني كاني بين أهلي واني لمن أدخل القسم ما راح احس بالغربة

^
^
^
مني من جدة علشان كدا

ولكن حصل شي غير كل حاجة تم تحويلي لكلية الطب

فحبيت أشكركم قبل لا أودع القسم الرائع والناس الطيبة إلا ساعدوني

ملحوظة : ماعندي علم أذا قدمت طلب متا يجيك أنا نسيت الموضوع ودخلت الأودس اليوم لقيته متغير

الحمد لله علي كل حال والله يوفق الجميع لما يحبة ويرضاه

أخوكم ومحبكم

[غريب عزيز]

ألف مبروك أخي الغالي تحويلك لكلية الطب

واشكرك على هذه المبادرة الجميلة منك وأكيد لا تنسا تزورنا كل فترة

اتمنى لك التوفيق بالكلية الجديدة

تحياتي ،

[أهـ منك يازمن]

المشاركة الأصلية كتبت بواسطة غريب عزيز ألف مبروك أخي الغالي تحويلك لكلية الطب واشكرك على هذه المبادرة الجميلة منك وأكيد لا تنسا تزورنا كل فترة اتمنى لك التوفيق بالكلية الجديدة تحياتي ،

الله يبارك فيك يالحبيب

افااا لا تخاف كل يومين راح أنط عندكم فى القسم

وفى البشري ندرس علم أدوية يعني حبايب من دحين

---------

جاتني كم رسالة من الشباب الله يحفظهم بس للأسف مشاركاتي تحت 100

وترا أنقبلت فى طب الشمال << لله الحمد ماادري لا فين الجامعة هناك ولا الكلية يعني خاربها

نتيجة الكسل فى فتح الاودس

وبالمناسبة رابغ يقولوا بكرا السبت تنزل النتايج فحاولوا تشيكوا علي حساباتكم قبل لا تداوموا فى الجامعة

وبعد الدوام والله يوفق الجميع

[THE HILL]

لا ششكر ع واجب ي آه منك يا زمن

واحنا ما عملنا حاجه ^^



الف مبرووك تحويلك للكليه ،، الله يعيينك وييسر امرك ويوفقك ونشوفك في اعلى الدرجات والمناصب :)


وان شاء الله تكون ع الاقل استفدت من قسمنا حاجه تفيدك ،،


شكككرا ع الموضوع مع انو ابدا ما نحب نخسر احد مننا :/ ..
~

[أهـ منك يازمن]

المشاركة الأصلية كتبت بواسطة the hill لا ششكر ع واجب ي آه منك يا زمن واحنا ما عملنا حاجه ^^ الف مبرووك تحويلك للكليه ،، الله يعيينك وييسر امرك ويوفقك ونشوفك في اعلى الدرجات والمناصب :) وان شاء الله تكون ع الاقل استفدت من قسمنا حاجه تفيدك ،، شكككرا ع الموضوع مع انو ابدا ما نحب نخسر احد مننا :/ .. ~

كفاية تعاونكم مع أسئلتنا حسستوني كاني دارس صيدلة من زمان من دقة المعلومات

الله يجزاكم خير

الله يبارك فيكي يارب ونشوفك صيدلانية مشهورة تطلعي لنا دواء يزبط الدنيا

لا لا لا لاتعتبروا انكم خسرتوني تران راح أكون معاكم ومعايا اصحابي فى الصيدلة يعني

كل ما أفضي تلقوني فى الكلية أتلقف واشوف الشعب أش عامل

الله يوفق الجميع ويرزقكم المكانة إلا تتمنوها

[حمني !]

الله يوفقك في الطب وبصراحة كل التخصصات الطبية كويسة وحلوة

كم نسبتك ياعسل ماشاء الله عشان اجهز نفسي من البداية واشد حيلي

[أهـ منك يازمن]

المشاركة الأصلية كتبت بواسطة حمني ! الله يوفقك في الطب وبصراحة كل التخصصات الطبية كويسة وحلوة كم نسبتك ياعسل ماشاء الله عشان اجهز نفسي من البداية واشد حيلي

امين يارب نصيحة مني أعتبرني أخوك أو قريبك

لا تتكل علا اخر نسب فى الكلية ماتدري أش يصير ممكن يقفلوا التحويل السنة الجاية إلخ

فحاول تبدع فى كل المواد بكل أمانة التحضيري مو صعبة لكن انا أتلاعبت شويتين

فشد حيلك ولو حاسس أنك منك فاهم ملخصات أو مدرس خصوصي حاول تجيب فى كل الاختبارات

درجة طيبة وتلاقي الكلية إلا تبغاها بالنسبة للنسبة أخر نسبة تم قبولها فى الشمال 87,65

وراح تعرف نسبتي

[الحمد الله على كل حال]

مبروووك
اكيد نيتك كانت صافية وموفق ان شاء الله