ضياع الوقت على الطلاب في المنتدى ..

[mamh]

السلام عليكم ورحمة الله وبركاته

كنت ابغى انزل الموضوع هذا من أول بس شفت الناس ماهي منتبهة وكل واحد شاغل نفسو ومو فاضي واشياء كثير تشغل البال



الموضوع انو الواحد صراحة صار يفك المنتدى ويروح نص الجهد في المنتدى وهوا يدور في المواضيع ويقلب في الصفحات عشان مادة او دكتور معين او عن شعبة او عن اشياء كثير

صراحة نحن الطلاب كلنا بنتعب ونحن ندور في المنتدى عن شي معين نبغاه يعني نبغى ناخذ المعلومة المفروض ما تاخذ 5 دقايق بالكثير بس دحين مع كثرة المواضيع صرنا ناخذ 15-30 دقيقة تقريبا بس عشان معلومة .

وكل مين هب ودب نزل موضوع ومشي >> طيب يا اخويا ما كان قلبت في المنتدى راح تلاقي الشي اللي تبغاه وزياادة .
انتا حطيت الموضوع هذا اللي انتا مكررو عشان تلاقي رد سريع في المقابل انتا عطلت الوقت على طلاب غيرك في البحث ..



ياليت تكون الفكرة وصلت وكل الطلاب على راسي .