أيقونة تحديد التخصص << التفاصيل بالداخل

[بااتك]

بسم الله الرحمن الرحيم

السلام عليكم فردا فردا ,, ومسائكم مفعم بعبق الزهور << والله ماني بسيط أعرف أصف حتسي

مقدمه \\

المهم كعادتي أنا ماجي أكتب بموضوع ألا فيه مصيبه ,, ولا أعرف المنتدى ألا وقت الأختبارات أحمل ملخصات ووقت المصايب أجي أدور حل هنا ,, وأذا أعتبرنا أن الأختبارت مصايب بعض الأحيان يعني نلخص ما سبق أن المنتدى هنا ماأعرفه ألا وقت المصايب والكوارث وأني جايكم هاللحين بمصيبه أتمنى تجدون لها حل يافكاكين النشب << لاعاد تكتب مقدمه يرحم والديك هههههههه

الموضوووع

طبعا حنا الحين وصلنا تقريبا لمنتصف الفصل الثاني ومحدثكم طبعا نايم على ريش النعام ولا سدد رسوم ولا شرى كتب وهو بالفصل الأول ناوي أنه يغير من أسلوب المذاكره ويبدأ من المذاكره من أول الترم << أيه هين ,, المهم طال عمركم جاني واحد مقروود وقالي يابااتك ترى نزل بالأودس نموذج مكتوب فيه طلبات تسكين قلت له والله أنا مابي سكن ولا أبيهم يسكنوني أنا بختبر بمنطقتي وش أبي بجده وسكنها ,, قالي لا تسكين يعني أنك تحدد تخصصك ومسارك قلت وشو قال أيه أدخل وتأكد

وأنا الي أروح طاير للأودس أبي أحدد تخصصي مالت علي وعلى تخصصي وأنا ألقى لكم هالصوره

مكتوب الرغبه الأولى الأداب والثانيه الأقتصاد والأداره وفيه أيقونة تحريك لتعديل التخصص زي ماتشوفون بالصوره بس حاولت أعدل ماقدرت لأن الأيقونه مضلله ,, يعني معقوله محددين لي التخصص على كيفهم ,, طيب دامهم محددين التخصص وراهم يحطون لي الرغبات لا والمضحك المبكي أن أيقونة أضغط هنا لحفظ الرغبات تعمل ,, يعني كأنهم يقولون سو حفظ بكيفك ولا بتسويه غصبا عنك ماحنا مغيرينك ابد ,, أنا لو أفصل من الجامعه مارايح أدخل أداب أنا منتسب بهالجامعه علشان أدخل كلية الأقتصاد والأداره والحمدلله أني للحين مادفعت الرسوم لأني لو مأدخل التخصص الي أبيه مارايح أواصل بالجامعه ,,,,

وللعلم أنا معدلي فوق الأربعه (4,07) ,, يعني من حقي أحدد التخصص اللي أبي ,,,

أتمنى منكم النصح والتوجيه

[فيلسووف الغراام]

والله وانا أخوك ما أدري صراحه وش اقولك بس حاو مره ثانيه """ أنا سمعت بالمشكله هااااذي من ناس غيرك يعني مو بس انت الحالك "" اما بالنسبه لي قبل معي على كلية الإدارة والإقتصاد وانا معدلي 2.4 أقل بكثير من معدلك يمكن فيه خطاء بالأودس :::: وبصراحة أهنيك على

المعدل (( ما شاء الله تبارك الله )) والله يوفقك ..

واتمنى أحد المشرفين اللي عنده خلفيه يقدر يفيدك أكثر مني ؟؟؟؟

[منَوو]

الله يستر انا ماطلع لى شي اصلا يمكن لاني باقي مادفعت الرسوم

ااسال لو تروح للجامعه ااضمن لك

[منَوو]

لا حرك الايقونه المضلله تتحرك معااك دوبي جربت وضبطت معاي

[my-nana]

أضغط بالماوس على كلية الآداب بيتفعل في جهة اليسار أيقونة التحريك لأسفل أضغط عليها وبتسير كلية الأقتصاد هي اللي فوق يعني الرغبه الأولى والآداب هي الثانيه يعني بتكون الرغبه الثانيه

[nawwaf2008]

مساء الخير للجميع :

أضغط بالماوس على كلية الآداب بيتفعل في جهة اليسار أيقونة التحريك لأسفل أضغط عليها وبتسير كلية الأقتصاد هي اللي فوق يعني الرغبه الأولى والآداب هي الثانيه يعني بتكون الرغبه الثانيه




صح لسانك اختي والله يوفق الجميع


بااااالتوفيق

[شيفرة دافنشي]

ظلل القسم اللي تبيه يعني حط الماوس عليه

وحركه للأعلى ثم سو حفظ

[باتشي]

شكرا يا nanaونواف على الجهود ولكن انا ماسددت و سجلت في التسكين فهل قبل و منكم الافادة0

[my-nana]

أتوقع بما أنه طلع عندك التسكين وأنت ماسددت أنهم قاصدين ذا الشي
وعارفين إنك ماسددت مستحيل ماعندهم خبر إنك ماسددت
الفلوس عندهم أهم شي
بس يبغوا يحصوا
بس التخصص نفسه لسى ماصار شي
وبعد ماتسدد تأكد

[كحيلانة]

اهلين اخوي
لاتخاف الموضوع بسيط
انت اضغط على المسار اللي انت تبية
يعني اذا كان التخصص حقك بيكون الادارة والاقتصاد
اضغط على الادارة والاقتصاد بعدين بتتفعل لك الايقونة حقت التحريك الى اعلى او اسفل
المسار اللي انت تبية تحطة رقم 1وبعدين تضغط على التسجيل

وسلااااااااااااااااااامتك