شي غريب في الحذف والاضافة!! قود مان بليز

[دلوعـMGــة حبيبي^_^]

السلام عليكم ورحمة الله .... ارجوكم ساعدوني

قبل فترة دخلت على الحذف والاضافة ويجيني انو غير متاااح ... وقبل يومين دخلت على الحذف والاضافة نفس الشي ... جيت اليوم ودخلت لقيتهم مختارينلي المواد والشعب بنفسهم ما ادري ليش ؟؟؟ ولمن اجي ابغى اضيف مادة ما الاقي الا استاذة وحدا ونفس اللي مختارينلي هيا كيف كدااا هل انا اتأخرت في الحذف والاضافة ؟؟؟ ولا بدري ؟؟؟ ولا لاني في الاعفاء هما يختارولي وعندي مادة مو راضية تنزل من الترم اللي فات اللي هيا علوم طبيعية ساعدوني الله يسعدكم وينجحكم ياااارب لاني ضعت

[دلوعـMGــة حبيبي^_^]

وكمان مختارينلي مواد مو على نفس الخطة !!!!!!!!!!

[miss-busy]

الأودس صار يخبص كثير

يحذف مواد ويضيف مواد من عنده

واحيانا مواد من خارج تخصصنا وأحيانا مواد خارج الخطة


من القلق كل شوي أفتح الأودس وأتأكد من جدولي واختياراتي


صارت معايا واضافوا مادة من خارج الخطة

بس حذفتها واخترت مادتي المرغوبة



أما عن تقليل الشعب فما انتبهت

شعب المواد اللي اخترتها هي نفسها مافيها تغيير لا في العدد ولا في الأستاذات

يمكن عندك في موادك صاير هذا الشي


عادي احذفي اللي ماتبيه وضيفي اللي تبيه


أنا زيك اعفاء بس مو شرط يكون سبب لهذي اللخبطة

النظام كله معكوك والجامعة معكوكة في هذي الفترة ^_^


الله المستعان

[goood man]

حياك الله اختي

ممتاز نزلوا لك الجدول وهذا دليل ان الاعفاء ساري

بامكانك تغير جدولك بحسب المواد التي ترغبين


عادة النظام ينزل جدول للطالب وليس بالضرورة اعتمادة

احذفي واضيفي كما تريدين

سواء كنتي اعفاء او غير ذلك

وشاهدي الشعب الدراسية المتاحة لكل مادة

والاضافة اما تسجيل عن طريق الشعب

او معرفة الرقم المرجعي للمادة واضافته بخانة اللأرقام المرجعية

وفقك الله

[دلوعـMGــة حبيبي^_^]

شكرا ليكم miss busy & good man ماقصرتوووو الله يديكم العافية ويسعدكم

بس ممكن سؤال تاني عارفه انني سويت ازمة بس سامحوني ....

دحين لمن اجي اضيف الثقفة 301 في اسماء الاتساذات بس كلهم مغلق ونفس الشي العلوم الطبيعية وكماااان اهم مادة مدخل الى الاحصاء كاتبين مغلق على الاستاذة دلال المقاطي هل هادا يعني اتملت الشعبه ولا لسا مافتحت وايش يعني غير متاح ولا كلمة tba

[ام ياسمينه]

عزيزتي كيف طريقتك لتقديم الاعفاء انا قدمت ومحد رد بعدين سددت قوليلي كيف الطريقه اكون شاكره

[دلوعـMGــة حبيبي^_^]

ام ياسمينه انا قدمت بالنت .. وبعدين بعدها بفترة رسلولي مسج انو لازم اروح الجامعة واودي الاوراق اللي طلبوها مني .. وعشان انا في رأس تنورة خليت وحدا قريبتي توديها وبعدين قالتلها خليها تستنى اعتقد اسبوع او اسبوعين ناسية والله .. وحتجيها رسالة لو انقبلت اولاء .. وبس دا اللي سار والحمدلله والشكر لله انقبلت .. وعقبالك وعقباااااال الكل يااااااارب