طلاب اول سنه ضروري

[يوسف حسين]

مرحبا .. انا طالب اول سنه تعليم عن بعد , ومشكلتي انه ماعندي اي فكره عن النظااام
سؤالي .. هل المحاضرات بدأت او لا ؟ وكيف اطلع الجدول ؟ واذا في تسجيل في الدوره التأهيله سنترا كيف الطريقه
ياريت تفيدوني ..

[يوسف حسين]

بليييز اللي يقرأ موضوعي وعندو فكره يجاوبني لاني محتاج المساعده كثيييييير

[Womanpride]

انت متى سجلت انا بعدهم مارو لي خبر في قبولي عن بعد

[ابو جسار2]

هلا اخوي يوسف

انت صحيح انك متأخر ولكن كل تأخيره وفيها خيره
الدراسه بدأت وهذا الاسبوع اخذنا اول واجب لكن مافات عليك شي كثير ان شاء الله
اول خطوه شوف جدولك وشوف انت في اي خطة أ او ب
وهذا يكون عن طريق الرابط التالي:
http://www.kau.edu.sa/AccessPage.asp...=AR&SYS_ID=351

تشوف جدولك وكل معلوماتك عن طريق اختيارك لـ نظام الخدمات الاكاديميه للطلاب والطالبات ODUS Plus

تدخل رقمك الجامعي والرقم السري المرسله لك على جوالك من قبل

تدخل على سجلات الطالب وتشوف الجدول

اما نظام الفصول الافتراضيه فهذا شرحه يطول ولكن بحاول اختصر لك

من نفس الصفحه الي ارسلت رابطها تشوف اختيار مكتوب :
نظام الفصول الافتراضيه CENTRA
تدخل عليه ويطلب منك رقمك الجامعي والرقم السري
طبعا تختار اللغه عربي قبل ماتدخل .. فيه اختيار اللغه في نفس صفحة السنترا
تجد قائمه على اليمين فيها بعض الخيارات من ضمن الخيارات (برامج للتحميل)
تختار برامج للتحميل وتحمل برنامج السنترا تتابع عملية التحميل الى ان تتم
وتسوي فحص للنظام عن طريق الاختيار فحص النظام تجده بالاعلى يمين

وبعدها تقفل البرنامج وترجع تفتحه مره ثانيه تلاقي محاضراتك ان شاء الله

اتمنى اني قدرت افيدك

بالتوفيق

[اخت المهندس]

السلام عليكم ,’
الدراسه بدأت من زمان

شوف لازم تتنبه انو المحاضرات اذا غبت عن اربع محاضرات للماده الوحده يحسب لك حرمــآن ,’
هذا التقويم
http://admission.kau.edu.sa/AccessPa...=AR&SYS_ID=210
وبخصوص جدولك
ادخل هنا على الاوديس
https://odusplus-ss.kau.edu.sa/PROD/twbkwbis.P_ValLogin
تدخل رقمك الجامعي .. والرمز السري يكون رقم السجل المدني مع حذف اول رقم
اتبع الشرح المصور















شي أخيرآ ادخل على الايميس عشان تشوف واجباتك وتشارك في المواضيع الي ينزلوها الاسآتذه ,,

.. أتمنى أفدتك .,

[يوسف حسين]

" Womanpridا انا سجلت في نهايه شهر 9 بس لسى ماستلمت البطاقه
ابو جسار 2 / بعد دخولي على نظام اودس بلس وادخال رقم الطالب وكلمة المرور يطلع لي لا يسمح لك باستخدام النظام
حالتك الدراسية تحت الا جراء !! فادخل كلمة المرور برقم الهويه والا برقم ثاني ؟
اخت المهندس / يعني انا الان محروم والا ايش وضعي بالضبط ؟ واذا لا ايش اسوي عشان اعوض المحاضرات اللي فاتتني ؟؟

[اخت المهندس]

المشاركة الأصلية كتبت بواسطة يوسف حسين " Womanpridا انا سجلت في نهايه شهر 9 بس لسى ماستلمت البطاقه ابو جسار 2 / بعد دخولي على نظام اودس بلس وادخال رقم الطالب وكلمة المرور يطلع لي لا يسمح لك باستخدام النظام حالتك الدراسية تحت الا جراء !! فادخل كلمة المرور برقم الهويه والا برقم ثاني ؟ اخت المهندس / يعني انا الان محروم والا ايش وضعي بالضبط ؟ واذا لا ايش اسوي عشان اعوض المحاضرات اللي فاتتني ؟؟

طيب جتك رساله قبول على جوآلك من الجامعه ؟؟ فيهآ الرقم الجامعي ؟؟؟
كلمه المرور هيا رقم السجل المدني مع حذف اول رقم .,
اول شي شوف جدولك وآي خطه انت وبعدين ادخل على السنترآ عشان تحضر المحاضرآت هيا مسجله بس لازم تشوف كم محاضره حضروآ طلاب شعبتك ,,
المحاضره اذا ما حضرتها في يومها لازم تحضرها خلال اسبوع ,’ بعدها يحسب لك غيآب , ,
اذا انت في جده راجع الجامعه ,, شوف ايش المشكله
او شوف الرابط تلاقي ارقام وايميلات ان شاءالله تفيدك ,,,
http://admission.kau.edu.sa/Contacts..._ID=214&Lng=AR

[اخت المهندس]

جرب ادخل من الرآبط هذآ
https://odusplus-ss.kau.edu.sa/PROD/twbkwbis.P_ValLogin

[يوسف حسين]

اخت المهندس

دخلت على نفس الرابط واتبعت نفس الخطوات اللي ذكرتيها ودخلت بس طلع لي في خانة ( حالة التسجيل لهذا الفصل) فااااضيه !! ايش يعني ؟ وايش الخطوات اللي اسويها بعد كذا ؟ انا مافهمت شئ من اللي ذكرتوه

[اخت المهندس]

المشاركة الأصلية كتبت بواسطة يوسف حسين اخت المهندس دخلت على نفس الرابط واتبعت نفس الخطوات اللي ذكرتيها ودخلت بس طلع لي في خانة ( حالة التسجيل لهذا الفصل) فااااضيه !! ايش يعني ؟ وايش الخطوات اللي اسويها بعد كذا ؟ انا مافهمت شئ من اللي ذكرتوه

معليش وين بالضبط هالكلام مكتوب؟؟! ممكن تشرح اكثر وصور اذا امكن