الإنجليزي مسبب لي عقدة

[فارس@@]

السلام عليكم
يا شباب انا عندي انجليزي المستوى الأول
اول مرة ادرس المادة دي
لاني حذفت الترم الاول
وبصراحة انا مو مرة في الانجليزي
وحاس اني حارسب فيه
لانه درجاتي مرة طايحة في البروفشنسي واختبارات الكتب والبرزنتيشن
وعشان كذا ابغى احذف المادة
السؤال هو هل اقدر احذفها ذحين والله انتهت فترة الحذف

لاني اذا حذفتها ما راح تاثر في المعدل لكن لو رسبت راح تنزلي 0,23

وبعض الشباب يقلولي لا تحذفها لانك ما تدري يمكن تنجح


وانا بصراحة مو عارف ايش اسوي انا خلصت 31 ساعة وما راح اتخصص الا اذا خلصت الانجليزي مستويين واذا حذفت الانجليزي دحين يبغالي ترمين على الاقل عشان اخلصه واتخصص
وقتها انا خلصت الساعات اللي عندي وما فيه مواد بتنزلي الا اذا تخصصت
والله مني عارف ايش اسوي

ابغاكم تنصحوني ايش اسوي

[خافي الأحزان]

أول حاجة ما يمديك تحذف مادة يا تحذف ترم كامل ولا بلاش

يعني إذا ما يمديك تحذف ترم خلاص إنسى الموضوع

وإذا تبغى نصيحتي كمل ترى هي الانجليزي المستويين كذا

تنجح على الحافة وهذا اللي صاير مع أغلب الطلاب

يعني شد حيلك قد ماتقدر وواضب على الحضور ترى أنا راسب في المستويين بس دافيني وعديت المستوين بـ60

حاول تطور نفسك روح للمدرسين خصوصي حاول لا تيأس

وترى الانجليزي مهم جدا في الهندسة الترم هذا منزل ie المستوى الأول وحايس في الانجليزي

بالتوفيق

[فارس@@]

شكرا على مرورك

[حمادجي]

أخوي من رأيي انو الموضوع هذا ما يحتاج استشارة

لانو عديت الحين نص الترم واعتقد انو مستحييييل تحذف المادة

وبعدين هي انجليزي والمستوى الأول كمان

يعني المفروض انها اول مادة خلصتها لانو لازم تخلصها عشان تتخصص ولانها تفتح لك مواد ثانية

كملها وان شاء الله تعديها

وبالتوفيق

[صقرر]

لا تستطيع حذف المادة ولكن بإمكانك حذف الترم كاملا

نصيحتي لك كمل في المادة وترى اغلب الشباب ناجحين ب 60

وبإذن الله تجيبها

[فارس@@]

شكرا لكم جزيرا
ما قصرتوا
نكمل والله يسهل إن شاء الله

[حسام العوفي]

لا يا فارس لو حذفت يبغالك سنة كاملة عشان تتخصص
انت اذا مره ضعيف في الانجليش شوفلك مدرس خصوصي
وخليه يحفظك كلمات وكيف تستخدمها
واهم شي لا تعقد نفسك هاذي صعيه وووو
وبالتوفــــــــــــــــــــــــــــيق

[الطايفي]

اتوكل على الله

واستعين بشيئين اثنين بعد الله عز وجل

دعااااااااااااااااااااااء الوالدين وشد حيلك

والمادة اذا ما اخذتها الترم هاذا حتاخذها الترم الجاي هيه هيه

واللـــــــــــــــــــــــــــــــــــــه يوفقك من اعماق قلبي

[hayas]

شد حيلك

ولاتحذفها


وبإذن الله تنجح فيها ..الله يوفقك