الله يجزاكم الجنة حايسة

[jeje4611]

السلام عليكم الله يسعدكم ويوفقكم الي عندها مادة طرق كمية econ206 ترد عليا حايسة وربي مو عارفة كيف اذاكرها والسنترا اول محاضرة ماحضرتها ومو راضية تطلع لي بس يطلعلي تصفح المحتوى المحاضرة نفسها مو موجودة وكان نفسي اعرف اش قالت الاستاذة فيها الله يجزاكم الجنة ساعدوني

[jeje4611]

ردوووووووووووووووووووووووو

[aLa BaLy..]

وعليكمـــ الســـلامــ ..

Jeje خليكي هاديه ولاتخافي ان شاء الله مافي حاجة صعبة ويكون كولو سهل علينا بس يبغالنا شوية تركيز ومااستعجل بالمزاكرة في موضوع جبتلك هوا ان شاء الله تقدري تستفيدي منو ولو عندي دي المادة كنت ماقصرت معاكي
http://www.skaau.com/vb/showthread.php?t=648389
هادا الرابط
وشفت لكي موضوع عن مبادى المحاسبة ياريت تقدري تجيبيلي رابط للدكتورة الجوهرة القحطاني لحد دحينا احس نفسي تايه شويتين فيلوو ..

وبالتوفيــــــــــــــــــــــــــــق يارب ..

[jeje4611]

الله يسعدك يارب ماقصرت رابط الاستاذة الجوهرة تدخل عالموقع تبعها من قوقل وتنزل المنهج وتحضر محاضراتها عالسنترا جدا رائعة هالانسانة الله يسعدها ويوفقنا جميعا

[aLa BaLy..]

ويســــعدكـ يارب بالعكس دا وجبي مساعدة الكـــــــلـــــ بس اختي جيجي دخلت الموقع الخاص فيها وماحصلت لها محاضرات عن طريق السنترا وياريت اعرف منك هوا في شي محذووف فيلو مبـــادئ المحاسبة
لاني ضعت بالقانون حق الدائن والمدين نفسي بمحاضرات استوعبها اكتـــر ياريت تفيديني بالموقع وايش الشي المحذوووف
ربي يوفقك ويديكي العافيـــــة

[aLa BaLy..]

Jeje

الله يخليكي ويسعدكـ يارب ضروووررري ترديلي عن المحاسبة لاني لين دحين مني مستوعبها كتير ومترخبط فيها ابغى فيديو قدامو اقدر افهم واستفيد منووو ياااريت تقدر تخدميني وتقوليلي ايش هوا المحذووف لانو المنهج مرة طوووويل

ربي يوفقكـ ..

[jeje4611]

ياقمر المحذوف الفصل السادس والفصل التاسع والفصل الثاني عشر والفصل الرابع عشر والفصل الخامس عشر بس الاستاذة ركزت ان المذاكرة من الكتاب وخصوصا الفصل الاول تقول لازم نذاكره من الكتاب وانت اسحب المنهج من موقعها وذاكر وانا والله ادخل من السنترا تبعي لاني اخذ المادة معها الله يوفقك يارب ويعين والله اني حايسة بس بحاول اهون على نفسي يااارب يوفق الجميع

[aLa BaLy..]

ربي يسعــــــــــــــد قلبكـ ويخليكي لأهلكـ انتي وحدة سكــــــرة بجد ...

خففتي عليا حمل مررررة كبير وريحتيلي قلبي لاني المادة مرة دســــمة وعندي لمحة بسيطة عنها لمن قووولتيلي المحذوووف مرررة طمنتيني ياعسل وكمانة كنتي زدتيها حلاوووة اكتر لمن تضيفيلي الشرح بالسنترا انا غلطي اني ماحضرت المحاضرات اللي عن طريق السنترا ,, يلا الا ازاكر من الكتاب وربي يكون معايا

وربي يوووفقكـ ويسعدكـ ,,, ولاياستي لاتحوووسي ولا حاااجا هونيها وتهوون وربي ان شاء الله يهونها عليكي وعليا وعلى الجميع وخلي املك بربنا كبير وصدقيني ماراح يخجلكـ ,,,

بالتوفــــــــــــــــيقـــ يـــــــــــــــــــــــــارب ,,
والف شكـــــــــــــــــــــــــــــــــــــــر ليكي مرررررررة تانيـــه ...
ياعســـــــــل

[jeje4611]

الله يسعدك ويساعدك ويسههلها علينا وع الجميع يارب ووننجح كلنا بس والله مااعرف انزل المحاضرات ولا انا عارفة كيف هي مسجله عندي لما ادخل عالسنترا من عندي انا بس قلتلك نزل منهج الاستاذة من موقعها الشرح فيها مفصل وحلووو

[jeje4611]

http://www.skaau.com/vb/showthread.php?t=388002

جرب دا الموضوع وشوف اكيد رح تستفيد