[سؤال]طالب تحضيري إداري-أدبي يريد التحويل الداخلي في كلية الاقتصاد

[-عبدالله-]

السلام عليكم..
أحبتي,
أنا شخص,, يفكر كثيييييييييييير.
أنا لسه طالب تحضيري أول سنة، أدبي..
قدر الله اني ماقدرت ادخل علمي..
حابب اسأل سؤال,(بعد اطلاعي على كل عن التحويل الداخلي في الجامعة)
لأفترض أنه ربي وفقني وجبت معدل 4 وفوق(توقعي كدا)..
وأردت أن ادخل كلية الادارة والاقتصاد تخصص (نظم معلومات أو إدارة أعمال)..ولكن انا ادبي و في الموقع كاتبين انه متاح لنا فقط (ادارة عامة-انظمة-علوم سياسية)..لأفترض أني اخترت ادارة عامة لمدة سنة، ومخطط اني احول داخليا لتخصص غير متاح للإداري(بعد سنة من دراستي في كلية الاقتصاد)..
هل أقدر أحول للتخصصات الادارية الي ماكانت متاحة لي كطالب كلية اقتصاد؟؟
ما يهمني اذا رح أضطر ادرس كم مادة علمية مثلا عشان اخش التخصص(مثلا ترم كامل احمل مواد ما اخدتها في التحضيري الاداري)
ارجو سماع رد شافي قربيا ة
الله يحفظككككم

[-عبدالله-]

up up up

[_OCTOBER]

شوف من اداب الى تخصصات الادارة - المسار الاداري - تقدر .
ولكن من تخصصات الاداري الى تخصصات العلمي صعبة جدا .
لانه تخصصات المسار العلمي مختلفة تماما في الخطة عن تخصصات المسار الاداري .
لو الود ودهم كان قفلو تخصصات المسار الاداري في الكلية وحولها لفرع ثاني .
اللي اذكره طلاب الانتساب - اللي هم مسار اداري -كانو يقدرو يتخصصو بكلية رابغ - تخصص نظم معلومات او موارد ..
اما بالنسبة لطلاب الانتظام ..فاللاسف ماعتقد

ع العموم من خلال دراستي اكتشفت انه الحال كله زي بعضه في تخصصات الكلية .
اغلب الوظائف ادارية عامة وليست مفصله ع حسب التخصص (الا نادرا) .
يعني اهم شئ تخرج بمعدل + خبرة ( والتخصص يكون اسمه يلفت النظر نوعا ما ) .
والسلام

[-عبدالله-]

المشاركة الأصلية كتبت بواسطة _october شوف من اداب الى تخصصات الادارة - المسار الاداري - تقدر . ولكن من تخصصات الاداري الى تخصصات العلمي صعبة جدا . لانه تخصصات المسار العلمي مختلفة تماما في الخطة عن تخصصات المسار الاداري . لو الود ودهم كان قفلو تخصصات المسار الاداري في الكلية وحولها لفرع ثاني . اللي اذكره طلاب الانتساب - اللي هم مسار اداري -كانو يقدرو يتخصصو بكلية رابغ - تخصص نظم معلومات او موارد .. اما بالنسبة لطلاب الانتظام ..فاللاسف ماعتقد ع العموم من خلال دراستي اكتشفت انه الحال كله زي بعضه في تخصصات الكلية . اغلب الوظائف ادارية عامة وليست مفصله ع حسب التخصص (الا نادرا) . يعني اهم شئ تخرج بمعدل + خبرة ( والتخصص يكون اسمه يلفت النظر نوعا ما ) . والسلام

طيب لنفترض أني درست سنة إدارة عامة(متاحة لي بما اني تحضيري ادبي-اداري) وبعد السنة دي طلبت تحويل من ادارة عامة إلى ادارة اعمال أو نظم معلومات ادارية، هل فيه امكانية أو لاء؟ هذا قصدي..انا ماابغا تخصصات علمية فعلا يعني كيمياء ولا هندسة لا..مثلا اغير تخصصي في نفس الكلية يا أخي العزيز..
شكرا على ردك وتجاوبك معي

[SS501]

اللي اعرفه والله اعلم بنات كان مسارهم اداري و صارو يدرسوا معانا بس يختاروا فيزياء او كيمياء حق التحضيري يدرسونه

لكن ما اعرف اذا تغير النظام والا كيف

عشان تتاكد اكثر احسن اسال احد مسؤول او موظف في الكلية

[ҳҲҳŔỜŔỜҳҲҳ]

^^

زي ماقالت الحلوة اللي فوقي بس ماعرف اذا للحين فاتحين المجال للاداري انو يتخصصو ف التخصصات اللي صارت للعلمي فقطط مع دارسة كيمياء او فيزياء

اسأل المسؤولين ف الكلية وان شاء الله يفيدوك

[girl.k.s.a]

زي ما قال أكتوبر

إنك تحول من الأدبي للعلمي ما تقدر
لكن في احتمال إنو إدا كنت أدبي تدخل كليتنا للأقسام العلمية وتختار مادة علمية
هادا النظام كان على وقتنا وعلى الدفعة اللي بعدنا دفعة 11
لكن دفعة 12 + 13 ما أعرف كيف نظامهم
جرب يمكن تصيب معاك ويقبلوك

ربي يوفقك ويسهل أمورك + شد حيلك عشان تجيب الـ 4 بإذن الله وأتوكل على الله
وإن شاء الله تصير أمورك تمام ، لا تفقد الأمل لأنو جامعتنا تصانيف أحيانا يقبلوا وأحيانا لا
بس حاول تكون درجاتك في الانقلش ممتازة

[-عبدالله-]

المشاركة الأصلية كتبت بواسطة ss501 اللي اعرفه والله اعلم بنات كان مسارهم اداري و صارو يدرسوا معانا بس يختاروا فيزياء او كيمياء حق التحضيري يدرسونه لكن ما اعرف اذا تغير النظام والا كيف عشان تتاكد اكثر احسن اسال احد مسؤول او موظف في الكلية

مشكورة, شكله رح اروح اسأل من الآن. $:
شكرا

[-عبدالله-]

المشاركة الأصلية كتبت بواسطة girl.k.s.a زي ما قال أكتوبر إنك تحول من الأدبي للعلمي ما تقدر لكن في احتمال إنو إدا كنت أدبي تدخل كليتنا للأقسام العلمية وتختار مادة علمية هادا النظام كان على وقتنا وعلى الدفعة اللي بعدنا دفعة 11 لكن دفعة 12 + 13 ما أعرف كيف نظامهم جرب يمكن تصيب معاك ويقبلوك ربي يوفقك ويسهل أمورك + شد حيلك عشان تجيب الـ 4 بإذن الله وأتوكل على الله وإن شاء الله تصير أمورك تمام ، لا تفقد الأمل لأنو جامعتنا تصانيف أحيانا يقبلوا وأحيانا لا بس حاول تكون درجاتك في الانقلش ممتازة

شكرا لكِ ولأخي أكتوبر،، اغلبهم كدا قالو,,بس حاب اتطمن

      ^^

زي ماقالت الحلوة اللي فوقي بس ماعرف اذا للحين فاتحين المجال للاداري انو  يتخصصو ف التخصصات اللي صارت للعلمي فقطط مع دارسة كيمياء او فيزياء

اسأل المسؤولين ف الكلية وان شاء الله يفيدوك       

شكرا ҳҲҳŔỜŔỜҳҲҳ :)