ابشركم اتصلت علي الجامعة

[فجر المدينة]

امس لقيت رقم جوال جاني موجود واستغربت بس قلت لو كانت الجامعة كان اتصلت بدري لان الرقم متصل الساعه 2 الظهر

المهم اليوم الساعه 10.30 لقيت نفس الرقم متصل ومرسل مسج
نرجو الرد قسم الدراسات العليا الدراسات الاسلامية

طبعا شفت الاتصال قريب الساعه 12 واتصل عليهم محد رد وبعدين رجعوا اتصلوا

سألوني ايش التخصص اللي ابغاه
وقالت لي موعد الاختبار الثلاثاء القادم
من 2 الى 5
مبنى 420 قاعة 111 و112

وفي حال اجتزت الاختبار هيكون عندي اختبار ثاني يوم 2/6 اختبار شفوي
سألتها كم العدد المطلوب في قسم الفقه قالت ما عندها علم وكانت مرره ذووق جزاها الله خير وسألتها عن مراجع الفقه
قالت اتصلي على الدكتوره مي المدهون تفيدك في موضوع المراجع دورت رقم تحويلتها في دليل المنسوبين من موقع الجامعة ومالقيته!

على فكره مبنى 420 هذا في نفس الجامعه ولا بكلية والجامعة عندكم بأي حي لاني من خارج جده

اضافة ابي شوركم
انا قدمت في جامعة طيبة والله محتاره في حضور اختبار جامعة الملك عبدالعزيز
يعني احس اني تعبانه مافي للسفر ؟ايش رئيكم اعتمد على الله ثم تقديم جامعة طيبة
زميلاتي يقولون الواحد يتغرب عشان وظيفه اما دراسه صعبه ؟
اللي محيرني
لو جاء قبولي في جامعة الملك عبدالعزيز ما اقدر ادرس الترم الاول هاأجل لمى تطلع نتيجة الوظائف اللي قدمت عليها في جامعة تبوك وجامعة طيبة
حتى ما استقر بجده ويجي شيء يقلب الموازين عندي

هل حيرتي في محلها ؟

محتاجه مشورتكم

[عاااطف]

أختي
تقدمي للأختبار
أتركي الحلول بعد القبول
بأستطاعتك تأجيل القبول لسنه القادمه اذا كانت لديك ظروف
موفقه إن شاء الله

[فجر المدينة]

اهلين اخي عاطف
يشرفني مرورك
وجزاك الله خير

[tata almoon]

لو سمحتي اختي تحطي الرقم اللي اتصل عليكي لانو انا كمان لقيت رقم من جدة في جوالي ومارديت عليهم يمكن يكونوا الجامعة؟؟؟

[joman]

راي انك لا تضيعي ادخلي امتحان القبول والاختبار الشفوي مانتي خسرانه شي

الين تشوفي ايش يصير معاكي في موضوع تبوك وطيبة بع كدا يمديكي انك تنسحبي او تأجلي القبول

اهم ش لا تضيعي الوقت او الفرصة


ما عندك اخبار عن جامعة طيبة انا قدمت بس ما اعرف متى حتنزل اسمائهم

[نوره علي]

على فكره مبنى 420 هذا في نفس الجامعه ولا بكلية والجامعة عندكم بأي حي لاني من خارج جده

مبنى 420 في نفس الجامعة قسم الطالبات

و الجامعة في حي الجامعة :)


يعني ألف من يدلك عليها

و بالتوفيق

[للعلا , , أمضي]

الله يوفقك يا فجر المدينة . لا تفوتين الفرصة ابدا

عقبال ما يتصلون علي يارب

الحين صرت في حيرة من جد ...................

اختي(ليتي كنت معهم ) تقول ان الاختار في 1/6 و ما بعد . و انت تقولي قالوا لك الثلاثاء القادم

وما ندري وش هو الخبر اليقين .............؟؟؟؟

بارب فرج و خلينا نعرف وشو الصح

[دلوعه غير]

انا اعرف وحده دراسات اسلاميه
لسا محد دق عليها ؟؟؟

[فجر المدينة]

تاتا
اللي اتصل علي رقم جوال
وما اقدر احطه وانا ما استأذنت من صاحبته بذات انها موظفه

joman
اشكرك على النصيحه وجزاك الله خير

وانت تقصدين تقديم الماستر ولا الدراسات العليا؟
على العموم والله مدري عنهم كلهم
والمنتدى حق جامعة طيبة له شهر خربان ولو كان يفتح يمكن نلقى رد مقنع

نورة علي جزاك الله خير الجزاء

للعلاء امضي يا عزيزتي هي قالت مسار الفقه واصوله اختبارهم الثلاثاء القادم والشفوي في شهر سته الاسبوع الذي يلي الثلاثاء القادم مباشرة
ويارب يتصلون عليك وتبشرينا تستاهلين كل خير

دلوعة غير
يمكن سوو تصفية لعدد الطالبات المتقدمات الله اعلم بس انا ماشاء الله تبارك الله تقديري ممتاز يمكن التقدير له علاقه الله اعلم

الله يوفق الجميع
اشكركم جميعا على تفاعلكم معي واتمنى لكم كل خير وطمنونا وبشرونا عنكم

[للعلا , , أمضي]

اللي ما اتصلوا عليها

تنتظر شوي و ان شاء الله يوصلها الدور و يتصلون عليها

اتصلوا علي و كتبته في موضوع (جديد الدراسات ....)