ماحدث في حالات في بحوث العمليات داخل قاعة الاختبار

[khaled_2010]

السلام عليكم جميعا
بغض النظر عن الاخطاء الوارده في اختيارات الاجابات في ورقة الاسئله
ارجو عدم الهجوم على الدكتور والتجريح فيه واتمني من الجميع التزام الهدوء و الحكمه في مثل هذه المواقف
من طريقة الاسئلة واضح انه متعاون وحب يساعد الجميع لكن من كتب الاسئله ومن طبعها واخرجها تسبب في اخطاء فاادحة
واتوقع واتمني انه يعوضنا خير تعويض


اتمني الدكتور لايقرا اي اساءات واحتجاجات من خلال المنتدى او اللقاءات الجانبيه

تحياتي للجميع

[أبو عتب]

خالد اللي صار مو سهل
لكن نتمنا الدكتور يقدر الغلط اللي صار لانه مو بالسهوله اللي ذكرتها المهم ننتظر الدرجات ونشوف وش بيسوي بالاختبار اللي من اوله لاخره غلط الا شي بسيط ع العموم احنا حلينا ع ورقة الاسئله ونتمنا التوفيق للجميع وفالكم التميز والتوفيق

[mohammad a n]

ياشباب الدكتور وعدنا خير ،، وان شاء الله الكل ناجح ولازم نوحد جهودنا في متابعة وضع المادة وطريقة الاختبار والله يعديها على خير.

[bebow]

حسبي الله عليه

احنا ايش ذنبنا نتحمل اخطاء الدكتور في وضع الاسئله
60 % من الاختبار خطاء
لا ويطلب الغاء ورقة التصحيح الالي والحل على ورقة الاسئله
الله يستر ما نحمل الماده بسبب خطاء واضح وصريح من الدكتور
العجيب اول اختبار يمر علي في الجامعه مجموع درجاته 92 من ميه طيب 8 درجات وين راحت ؟؟؟
لا ويقول باقي الميه هديه من عندي ؟؟؟؟
يعني 8 درجات بتعوضني عن 60% من الاسئلة خطاء في الاختبار
شباب
انا حسب علمي اذ في خطاء في السؤال يتم منح الطالب كامل درجة السؤال ..... ما أدري هذي المعلومه صحيحه ؟؟؟؟
واتوقع ان الي صار من الدكتور داخل القاعه طريقة لتدارك الموضوع حتى لا يخرج عن السيطره
شباب لازم نشوف حل قبل الرصد والله خوفي بعد الرصد محد يعطينا وجه
شباب الي عنده خبره في مثل هذي الامور يفيدنا

[الفيصل كوم]

انا عندي خبره وصارت معي في اختبار سابق وفعلاً الدكتور اكرمنا في الدرجات لاتخف وحتنزل الدرجه وتشوف إن شاء الله وركز في اختباراتك القادمه يابني

[البحرالهادىء]

واللي مادخل الاختبار وراحت عليه نومه

وازيدكم من الشعر بيت ماعندي الا هاالماده والمفروض خريج

وش يسوي ؟؟؟ الحمدلله على كل شيء

[الورد_11]

المشاركة الأصلية كتبت بواسطة البحرالهادىء واللي مادخل الاختبار وراحت عليه نومه وازيدكم من الشعر بيت ماعندي الا هاالماده والمفروض خريج وش يسوي ؟؟؟ الحمدلله على كل شيء

جيب عذر طبي .. وان شاء الله تخبترها بداية الترم الثاني .. والف مبروك ع التخرج مقدما

العذر الطبي لو تعرف جيبه من اي صديق لك يستغل بالتمريض وان شاء الله تتوفق فيها يارب ..

:)

<< ادري ملقوفه وداخله غلط بس حبيت افيدك لانها صارت لي .. وكانت احلى نومه بصراحة :$

[البحرالهادىء]

الورد يعطيك الف عافيه بس تقولي يختبروني بدايه الترم الثاني معقوله ؟؟

ولا بيخلوني مع اختبارات الترم الجاي ؟

[الورد_11]

المشاركة الأصلية كتبت بواسطة البحرالهادىء الورد يعطيك الف عافيه بس تقولي يختبروني بدايه الترم الثاني معقوله ؟؟ ولا بيخلوني مع اختبارات الترم الجاي ؟

لا طبعا , اذا قبلوا العذر الطبي . بدايه الترم الثاني ان شاء الله مو مع الاختبارات اللي نهاية الترم ,

بس لاتنام زيادة من الحين رح لهم وضبط وضعك .. وموفق يارب

[البحرالهادىء]

الله يوفقك وينجحك فرحتي قلبي وفرجتي عن همي بهاالخبريه الله يفرجها عليك

ومن ناحيه النوم بروح لهم مواصل خلاص كرهت النوم هههههههههه