استفسار بخصوص طب الأسنان .. ضروري .. مساعدتكم بالله

[احمدوندي]

أهلين شباب وبنات كيفكم ؟ ..

أنا إن شاء الله ودي أدخل طب أسنان .. ونسبتي العامة احتمال تكون _اذا الله وفقني _ من 90-93 و الخاصة راح تكون تقريبا باذن الله ما بين 88-91 .. اذا احد عنده أي معلومة عن أقل معدل قبلوه في طب الاسنان السنة اللي راحت يفيدني .. لأنه سمعت كلام يقول انهم رفعو معدل القبول في الاسنان لكثرة الطلب عليه .. وصار معدل القبول اعلى من البشري ..

الله يخليكم أبغا مساعدتكم

[وعد2012]

دا اخر معدلات طلاب دفعة 12

ودي للطالبات

وان شاء تنقبل عندنا

[احمدوندي]

يآآ سآآآآتر .. لهاذي الدرجة الأولاد ضايعين .. والبنات ما شاء الله دواافييير ..
هههههههههههههههههههههههههههههههه

على العموم الله يعطيك أللللف عااافية اختي وعد ما قصرتي .. الحمدلله أعطيتيني أمل

وان شاء الله ربنا يسمع منك وأنقبل في الاسنان يارب

[AtheerAlamri]

من جد احنا اللي مقفلين الابواب بوجيهنا ورافعينها مررره،
جبت موزونة لو اني ولد كان انا هندسة الحين *فيس يشهق بكا*
الحمدلله يارب..

[شذى منصور]

طيب أنا عندي سؤال ..

دحين القبول في الكليات يكون على حسب ايت نسبة ؟ العامة أو الخاصة ؟

[احمدوندي]

أول شي يفاضلو بالنسبة العامة ثم الخاصة ..
يعني مثلا لو انا جايب في العامة 92 وواحد مثلي جايب في العامة 92 لكن في الخاصة مثلا انا 87 وهو 86 ..
ياخذو الأعلى !! اللي هو انا -يااارب-

[شذى منصور]

^

متأكد ؟
لأني أحس العكس =s

[fi9]

المشاركة الأصلية كتبت بواسطة احمدوندي أول شي يفاضلو بالنسبة العامة ثم الخاصة .. يعني مثلا لو انا جايب في العامة 92 وواحد مثلي جايب في العامة 92 لكن في الخاصة مثلا انا 87 وهو 86 .. ياخذو الأعلى !! اللي هو انا -يااارب-

السلام عليكم . معليش على التدخل بس كنت حاب انبهك انو العكس .
اول شي يفاضلو الطلاب على النسبة الخاصة بعدين ياخدو الاعلى في النسبة العامة

مثال : كلية الاسنان اول شي بتشوف كل الطلاب اللي حققو النسبة الخاصة اللي هيا لازم تكون فوق 85 على ما اظن . وبس. كدا انتهت وظيفة النسبة الخاصة .
بعدين على حسب طاقة الكلية الاستيعابية , ممكن 50 طالب (تختلف كل سنة) .تاخد أول 50 طالب بناءً على نسبتهم العامة وبس

الخلاصة انو النسبة العامة اهم من النسبة الخاصة . النسبة الخاصة بس بترشحك للمفاضلة وينتهي دورها . اما النسبة العامة هيا اللي تكون عليها المفاضلة, وبيها تدخل الكلية.

فانتبه انك تركز في مواد النسبة الخاصة حقت الاسنان ( احياء كيمياء فيزياء e ) وتسحب على باقي المواد , هدا طبعا غلط كبير.
لازم تشد حيلك في كل المواد ولا تستهين بأي مادة مهما كانت سهلة . زي الاتصال والحاسب . ما تدري ممكن هيا اللي ترفع نسبتك العامة عن غيرك , وتدخلك الكلية .

الله يوفقك يارب وتدخل كلية الاسنان وتسير احسن دكتور . ومعليش على الاطالة