ابغا مادة حرة سهلة وخفيفة .. والله محتار :(

[MohPro]

السلام عليكم


ياشباب انا دورت بمواضيع ثانية ولقيت ناس مسوية تقارير كاملة عن المواد الحرة

بس والله لخبطوني اكثر من انهم يدلوني للمادة الأسهل

انا اخذت الترم اللي فات مادة الأقناع وكانت مادة سهلة ورائعة وسهلة الفهم .. ومافيها فلسفة زايدة

هل في مادة نفس هاذي؟

لأن بصراحة جيت باخذ مادة سيرة نبوية وخلفاء راشدين, والحمدالله اني ما اخذتها
طلعت مادة طوووويلة مره ويبغالها مذاكرة اول باول والمادة كتابين


ياريت تنصحوني بمادة خفيفة زي الأقناع

انا سمعت عن مادة الفلك 1 انها بأربعة ساعات وترفع المعدل ..

بس كيف المادة؟ هل بس كلام وحفظ؟ ولا طويلة ومعقدة؟
وتنصحوني عند اي دكتور؟

وشكراً

[بنت ناس وقلبي ألماس]

وعليكم السلام ورحمة الله وبركاته..
في مادة التفسير الإسلامي للسلوك الإنساني رمزهاpsy‏ المادة جدا جدا جدا سهلة أما بالنسبة للدكتور الشباب حيفيدونك..

[the candle]

طيب بنت ناس بالنسبة للبنات مين افضل دكتورة ؟

[بنت ناس وقلبي ألماس]

‏^‏^أفضل دكتورة رشا الخضير من جد طيبة واسألتها سهلة كلها موضوعية وعللي ودللي وكمان تحدد التعاليل والأدلة على كل موضوع بس تحفظي دليل واحد..

[باور هورس]

خذ نظريات اتصال من قسم الاعلام
عند الدكتور علاء حمزه مصري
رمزها com
ناسي رقمها
ب 3 ساعات
المنهج عبارة عن ملخص 10 صفحات فقط
تقدر تحطه في جوالك وقت الاختبارات الدكتور متساهل جداً
لكن لازم تحضر معاه عشان تأخذ a+
تقسيم الدرجات
30- بحث سهل جداً جداً عن اي موضوع في الاتصال
30- اختبار دوري سهل جداً من الملخص 5 او 6 صفحات حسب ما وصلتو
40- نهائي سهل جداً من الملخص
أخذت عنده 96 بأقل مجهود

خذها ورح تدعيلي


مادة ثانية عندك
مدخل الى وسائل الاعلام من قسم الاعلام
ب 3 ساعات
مع الاستاذ احمد الغامدي

مادة سهله جداً
تقسيم الدرجات
20 - دوري اول
20- ثاني
20- بحث سهل جداً
40 - نهائي

الماده سهلة
أخذت 92 بأقل مجهود


بالتوفيق

[ما أصعب الحياة]

مادة الفلك مادة فهم مو حفظ بس أنا الي سمعتو انها سهلة جدا جدا ولو اخدتها مع دكتور علاء تضمن الفل مارك مو بس a+
بالتوفيق

[dlo0o3h77]

السلام عليكم
المواد الحرة اللي قالولي عليها البنات كلها تعارض او شعب مقفلة
اللي مسجلة في مادة او سامعة في مادة سهلة
ابغى من 8 الله يسعدكم ;(

[RHF]

السيرة النبوية حلوة لو كان الدكتور يأشر لكم

انا اخدتها والدكتورة تأشر فحسيتها حلوة

ومو شرط الدكتور يطلب الكتابين

هو صح كتاب ضخم و كتاب عادي = بس يأشروها

بس لو ما تتأشر ما انصح تاخدها هههههه لانو كلها تواريخ و ارقام شهداء و جيوش ، دا غير اسماء الصحابة و اسماء المعارك و مسمياتها التانية و اسماء ناس و كدا ، وغير طبعا الحكاوي الي هي قصة المعارك و الفتوحات و المدري ايش



وبالنسبة للفلك هي 4 ساعات يعني يا ترفع المعدل مزبوط يا تعدملك هو

انا مرة وحدة ورتني المادة انفجعت حسيت انها حتنزل معدلي هههه

يبغالك تاخد فكرة عنها ولو ناسبتك مواضيعها خدها ,

وبالتوفيق

[Al_7rbi]

نصصصصصصصصصصصصصصصصيحه من قلب
الفلك لالالالالالالالالالالا تاخذها اخدوها كثير واكلوها على راسهم .. الماده حسابات وصعبه

الماده السهله هيا اقناااااااااااااااع سوا مع راكان او انمار ,, انا اخدتها مع راكان والكل كان يسب فيه بس كان شيء يجنن
ودرجاته حلووووة مررررررررررره

[ήσΘσήe]

معليش حبيبي ممكن تفصليلي اسلوب استاذ راكان .. وكم جبتي معاه !
لانو ابا مواد ترفع معدلي علا الاقل ابا اجيب 90