مساعدتكم في ترتيب الخطه الدراسيه "(

[سيــMــو]

سلام عليكم ورحمة الله وبركاته
يسعدلي مساكم يااارب

يعطيكم العافيه انا ما مشيت ع الخطه
ومحتاجه رايكم ومساعدتكم في ترتيب الخطه والجدول

هذا المستوى السااادس ايش رايكم في المواد اللي راح اخدها :
(مقدمة علوم طبيعيه / ثقافه 3 / احصاء نفسي /
معرفي / تجريبي / فروق فرديه )

وهدي المواد الباقيه من الخطه :
( ثقافه 4 / فسيولوجي / نصوص نفسيه / قياس نفسي /
مناهج بحث / توجيه وارشاد نفسي / فئات خاصه / مهني /
ميداني 1 / ميداني 2 / عيادي / بحث تخرج )
+ مااادتين حره !

آبغاا مساااعدتكم ,,
الله يسعدكم ويوفقكم في الدارين

[مشاعل الخليجٌ]

(مقدمة علوم طبيعيه / ثقافه 3 / احصاء نفسي /
معرفي / تجريبي / فروق فرديه )

معرفي وتجريبي واحصاء يبغالها تركيز وجميلة
ثقافة 3 كويس
فروق فردية مرا سهلة وكويس
اما تاخدي مادة حرة جدا سهلة او فئات خاصة لان فئات سهل مرا
اما علوم طبيعيه مرا مو وقتهه مع المعرفي والتجريبي والاحصاء

وطبعا كلهه يعتمد على الاستاذة

[miss-busy]

أنا كمان أشوف ماتاخذي مادتين علمي مع بعض << يعني علوم طبيعية واحصاء ما أفضل تاخذيها مع بعض

الإحصاء حلو وسهل مايخوف لكن يحتاج تركيييييز

[ترنيم الملائكة]

السلام عليكم ورحمة الله وبركاتة
محتاجة مساعدتكم في جدولي ..انا مستوى سادس وعندي
نصوص نفسية و علم نفس معرفي و علم نفس تجريبي وعلم نفس الشخصية والقياس النفسي
والفروق الفردية اخذتها المادة ..وبقى لي علوم طبيعية اخدها هالسمستر والا اخد مادة ثانية

[ترنيم الملائكة]

اسفة حبيبتي ...على استفساري في موضوعك

[w h i s p e r]

نصيحه مني خودي المواد الدسمه دا الترم لانو حيكون ترم طويل + تفضل لك المواد السهله اخر ترمين وحترتاحي..

انا كنت الخبط وانضغطت مره فالترم اللي فات

[سيــMــو]

المشاركة الأصلية كتبت بواسطة مشاعل الخليجٌ (مقدمة علوم طبيعيه / ثقافه 3 / احصاء نفسي / معرفي / تجريبي / فروق فرديه ) معرفي وتجريبي واحصاء يبغالها تركيز وجميلة ثقافة 3 كويس فروق فردية مرا سهلة وكويس اما تاخدي مادة حرة جدا سهلة او فئات خاصة لان فئات سهل مرا اما علوم طبيعيه مرا مو وقتهه مع المعرفي والتجريبي والاحصاء وطبعا كلهه يعتمد على الاستاذة

يسلمو مشاعل الله يعطيكي العافيه
طيب ايش الماده الحره اللي تنصحيني فيها ؟؟

المشاركة الأصلية كتبت بواسطة miss-busy أنا كمان أشوف ماتاخذي مادتين علمي مع بعض << يعني علوم طبيعية واحصاء ما أفضل تاخذيها مع بعض الإحصاء حلو وسهل مايخوف لكن يحتاج تركيييييز

الله يسعدك ي قلبي ويريح قلبك
كنت ماخده فكره غلط عن الاحصاء وريحتيني
موفقه يااااارب <3

المشاركة الأصلية كتبت بواسطة ترنيم الملائكة اسفة حبيبتي ...على استفساري في موضوعك

عايدي ي قلبي ولووو خدي راحتك
بالعكس نستفيد من استفسارات بعض
موفقه ي قلبي

المشاركة الأصلية كتبت بواسطة w h i s p e r نصيحه مني خودي المواد الدسمه دا الترم لانو حيكون ترم طويل + تفضل لك المواد السهله اخر ترمين وحترتاحي.. انا كنت الخبط وانضغطت مره فالترم اللي فات

كلامك عين العقل بس منجد مني عارفه ايش اخد
مره محتاره وحايسه
ممكن تساعديني في ترتيب الجدول ؟!

[w h i s p e r]

طيب حـتاخدي دحين بعض مواد المستوى السادس ..

وحابه ازكرك انو في مواد لها متطلبات بعدها يعني زي ..

مثلا القياس متطلبو الاحصاء 222
والمناهج متطلبها القياس
والتدريب 1 متطلبها المناهج

وخودي ماده حره عشان معدلك يترفع ولاتنسي وراكي تراكمي ولازم معدلك يكون مرفوع في كل سمستر لانو حيأتثر فالاخير معدلك..

وحتاخدي العيادي عشان تتفكي منو ومن قروشتو الكتيره

وصدقيني لو زاكرتي من بداية السمستر لو بس قريتي فصل كل اسبوع مثلا والله حتجي وقت الاختبارات والمزاكره المعلومات محا تكون غريبه عليكي وراسخه فمخك ولاتنسي مزاكرة الصباح جدا رائعه وانا جابت معايا نتيجه ..

مابدي اتفلسف بس لانو موادك يبالها تركيز وعشان تمشي فبقولك نصايحي وربك يسهل امرك ..

وبكدا حيكون جدولك..

الاحصاء النفسي
علم نفس تجريبي
فروق فرديه
مناهج البحث < خديه مع استازه ياسمين عطالله لو كانت موجوده
ثقافه 3
علم النفس العيادي < خدي مع حنان شعفل اعشقها دي الاستازه

بالنسبه ليا هادي المواد اللي ممكن اخدها لو كنت مكانك ولاتنسي قد ماتقدري خدي المواد الدسمه عشان ترتاحي فالاخير..

وربنا يوفقك ويفتح عليكي ودعواتك ليا بالتخرج دا السمستر واتفك