بخصوص اختبار التوفل و معادلة الانجليزي

[Princess Tima]

السلام عليكم و رحمة الله و بركاته




عندي استفسار و يا ليت لو أحد يعرف شيء عن الموضوع يرد
أنا دخلت الانجليزي لفل 4 مباشرة .. و جبت 92 =( لانه التأسيس عندي ما كان مرة تمام
و أخذت a في التيرم الأول


سؤالي

لو اختبرت التوفل اقدر أني اسقط المادة من المعدل و لا خلاص انرصد لي و ما في أمل أغير ؟!
لانه كل موادي الحمد لله درجات عالية بس جيت ع الانجليزي و عكيت :/
أعطوني رأيكم و لو عندكم أي فكرة ..

[SamuraiQ]

انا نفس حالتك بالضبط حتى نفس الدرجة لو جبت a+ كنت اخذت 5 فلو احد عنده اي معلومة لا يبخل علينا

[Princess Tima]

شكله ما في غيرنا يا ساموراي :/
احس اننا انظلمنا يوم دخلنا 4 مباشرة و حسبوا لنا اللفلز اللي قبل ( اجتياز )
ع الاقل لو كانوا حسبوها 95 كان ممكن نقول افضل
اغلب اللي درسوا في 3 و 2 درجاتهم فوق 95 لانه اسهل من 4 و حتى لو ما جابوا درجة عالية فيه
يقدروا يضمنوا a+

عموما يوم السبت أنا بسأل معهد اللغة عندي بالجامعة و انت اسأل قسم الرجال عندكم
و رد لي خبر ايش يصير معاك
و أن شاء الله ربنا ما يكتب لنا إلا كل خير :)

[BLQiS]

انا مريت بشي زي كذا تقريبا
انو م عجبتني درجة لفل 3 وكنت ناوية اختبر الايلتيس ويعادلوا
لفل 3 و 4
قبل م اخلص من لفل 4
فسألت أستاذة اريج الكتبي المسؤولة عن معادلة الانقلش
قالت انو بس لفل 4 رح نعادلو لك ولفل 3 خلااص انرصد
وبس

[ريما القرني]

باصراحة كل يوم أقول بكره لازم أروح المعهد عشان ذا السؤال
لكن انشغل بالسكشن يا الانجليزي
لكن ان شاء الله يوم السبت أشوف
وكمان عندي سؤال
هل يمدي ادرس لفل 4 في الصيف لحاله
وعادي اتخصص السنه الجايه
ولا الضغط الي انا فيه
الله المستعان

[SamuraiQ]

امم بأشوف ان شاء الله اذا قدرت بأسأل وبإذن الله ربنا ييسر
هو قهر شويتين :( يعني 3 درجات تفصلني عن ال a+ وبالرغم من ان ملف الأنجليزي حقي كامل + مرتب وكل شي مدرسنا نقصني درجتين في الملف الله يهديه :( لكن ان شاء الله ربنا ييسر

[Lujain :)]

-



من فين تختبرو التوفل ؟ فيه موقع تحجزو فيه آو شي ؟
وربي يسهلكم إن شاء الله ()

[SamuraiQ]

هو تقريبا اما توفل او ايتلس
ما ادري بالضبط من وين يختبروها بس اتوقع من معاهد

[نص الملعب]

أنا سألت معهد اللغة قبل كم اسبوع و نفس حالتك
قالتلي مدام انرصدت درجات النهائي خلاص انتهى :(
بس لو ما حضرتي الاختبار النهائي ممكن نعادل .

[Princess Tima]

حاسة بإحباط من الردود اللي فوق =(
يعني ما في امل الظاهر