هل صحيح معدلك في التحضيري يعتمد عليه كل سنواتك في الجامعة ؟

[جُوآن]

السلام عليكم و رحمة الله و بركاته

رواد التحضيري

انا جاية اسأل سؤال

سمعت معلومة من قريبتي الي تدرس معايا تحضيري

تقول " انو معدلك في التحضيري راح يمشي معاك الين اخر سنة في الجامعة "

مثلا في التحضيري جبتوا 3.50

كل سنواتك في التخصص تكون 3 بس الرقم الي بعد الفاصلة يتغيِر على حسب اجتهادك

حابة اتأكد منكم هل المعلومة صحيحة ؟؟

اتمنى تردوا عليا

[ابوطالب الشريف]

خمس سنوات بالجامعه ...

كل سنه المعدل من 5

تجمع معدلات الخمس السنوات وتقسم على 5


مثلا 3.5 + 3.9+ 4.4 + 4.2 + 3.7 قسمه 5 = 3.97 تقريبا


......... اتمنى اني اوجزت وافدت

[قروشـ]

نعم صحيح

[fi9]

^^^ على حسب عدد الساعات في كل ترم , مو تقسم على عدد السنين

[تركي4444]

اخي الكريم

زبدة الكلام انو اول اربع مستويات المعدل يتغير على يسار الفاصلة

وفي المستويات المتقدمة المعدل يثقل ومايتغير الا على يمين الفاصلة بمعنى انه بعد المستوى الرابع الزيادة تكون مابين 0.1 الى بوينت 0.9 وصعب تتعدى الرقم 1 من 5 طبعن

الله يوفقكم يارب ونشوفكم خريجين

[جُوآن]

شكرا لكم و يعطيكم العافية على الافادة

[ReRe.H]

هوا الترم بمستوى صح ؟ يعني احنا ذحين نعتبر مستوى ثاني ؟

[Lujain :)]

^



إيوا بالضبط : )

[coato]

السلام عيكم
معليش بس مافهمت يعني مثلا لوانا جبت في التحضيري4.075
وتخصصت وكانت درجاتي عاليه راح يحطوا لي نفس المعدل يعني ماراح يفصولونوا عن التحضيري؟؟!!!!

[Lujain :)]

^

وعليكم السلام ورحمة الله وبركاته : )
آكيد ماراح يكون نفس المعدل ي جميله ..
بس ممكن قصدك إنو معدل السنة التخضيرية يكمل معاك ؟
إيوا حيكمل لآنو تعتبر هذي سنتك الأولى ولمآ تتخصصي حتصيري سنة ثانيه ..