ابغا نصيحتكم !

[roro-X]

السلام عليكم ،

بدخل لموضوعي سريع 😊

بخصوص الاحياء انا مرررا مو عارفه كيف اذاكرو احس اني لو قلبت الصفحة وروحت لصفحة جديدة نسيت ايش الي فهمتو او قريتو من الاولى

ممكن تعطوني نصايح كيف اذاكرو ؟ وكيف اقدر اربط المعلومات ببعض عشان ماانساها ولو في اسئلة اختبارات سابقة ابغا اشوفها مرا خايفة من الاختبار

[bayan-ow]

وعليكم السلام ورحمة الله وبركاته
حتى انا كنت مثلك ماني عارفة اربط المعلومات بس سويت طريقة فادتني كثير بربط اللمعلومات هي كل ماذاكر يكون معايا دفتر اي معلومة مهمة دالة تكون في سلايد اكتبها وبعدين لما انسى والخبط في الافكار اروح اقرا كل الملاجظات الي كتبتها وبكذا اختصرت الوقت ان شاء الله تكوني فهمتي طريقتي وتفيدك

[roro-X]

المشاركة الأصلية كتبت بواسطة bayan-ow وعليكم السلام ورحمة الله وبركاته حتى انا كنت مثلك ماني عارفة اربط المعلومات بس سويت طريقة فادتني كثير بربط اللمعلومات هي كل ماذاكر يكون معايا دفتر اي معلومة مهمة دالة تكون في سلايد اكتبها وبعدين لما انسى والخبط في الافكار اروح اقرا كل الملاجظات الي كتبتها وبكذا اختصرت الوقت ان شاء الله تكوني فهمتي طريقتي وتفيدك

شكرا حبيبتي ان شاء الله راح اجربها 😘

مممم طيب في نماذج اختبارات سابقة للاحياء ؟

ولو احد عندو معلومة ياريت يفيدني

[Bayan alsaud]

الأحياء بس في البداية راح تحسي الحفظ صعب

جربت كل الطرق في كل دوري طريقة

بس اكتر طريقه ناسبتني وجبت بيها درجه كويسه الحمدلله اني كنت احفظ العربي ( الترجمه ) عشان ما انسى المعلومه

بس لما كنت امر بمصطلح علمي احفظو بالانجليزي واحط عليه دائره يسير وقت المراجعه اركز عليه

الأحياء مرره ياخد وقت في المذاكره وانا في البداية غلطت كنت اضيع وقت طويل فيه وسبت باقي المواد شويه بعدين الحمدلله استوعبت في وقت مو متاخر مره اني كنت أأثر على المواد الثانيه بطريقتي دي

ابداا ابداا لاتهملي المواد الثانيه وتضيعي وقتك كلو عليه

حطي ببالك اليوم دا للاحياء واللي بعدو كيميا مثلا

خلاص امسكي الاحياء قد ماتقدري والكيميا اليوم اللي بعدو حتى لو ذاكرتي جزئية قليله مرره في الاحياء سيبي وذاكري على حسب جدول دراستك

المذاكره بدون مراجعه نتيجتها ماهي مرضيه على الاقل بعد كل محاضره اقراي الجزئية نظر

الله يوفقك يارب

[roro-X]

المشاركة الأصلية كتبت بواسطة princeess bayana الأحياء بس في البداية راح تحسي الحفظ صعب جربت كل الطرق في كل دوري طريقة بس اكتر طريقه ناسبتني وجبت بيها درجه كويسه الحمدلله اني كنت احفظ العربي ( الترجمه ) عشان ما انسى المعلومه بس لما كنت امر بمصطلح علمي احفظو بالانجليزي واحط عليه دائره يسير وقت المراجعه اركز عليه الأحياء مرره ياخد وقت في المذاكره وانا في البداية غلطت كنت اضيع وقت طويل فيه وسبت باقي المواد شويه بعدين الحمدلله استوعبت في وقت مو متاخر مره اني كنت أأثر على المواد الثانيه بطريقتي دي ابداا ابداا لاتهملي المواد الثانيه وتضيعي وقتك كلو عليه حطي ببالك اليوم دا للاحياء واللي بعدو كيميا مثلا خلاص امسكي الاحياء قد ماتقدري والكيميا اليوم اللي بعدو حتى لو ذاكرتي جزئية قليله مرره في الاحياء سيبي وذاكري على حسب جدول دراستك المذاكره بدون مراجعه نتيجتها ماهي مرضيه على الاقل بعد كل محاضره اقراي الجزئية نظر الله يوفقك يارب

الله يسعدك طمنتيني 😊

ان شاء الله ربي يوفقنا اجمعين ❤❤