الاحصاء أزمـــــة , (ممكن نسوي تجمع له هنا و نساعد بعض )

[جُوآن]

على انو كتير ناس يقولوا الاحصاء مرة سهل و لازم تجيبوا فيلو a+

الا اني استصعبته

استاذتنا شرحها مرة يجنن و تفهم

بس لمن ارجع البيت و ابغى احل اسئلة نهاية الشباتر الي تدينا هيا واجب

ما اعرف احلها

اترجم السؤال من مترجمي بس يطلع ترجمة مختلفة عن فكرة الاحصاء

احاول اذاكر احصاء بس مرة مسبب لي ازمة

افتح الكتاب و امسك جوالي و اقفل الكتاب و ارجع انام

مرة احسه مادة غريبة

احسها كلها نظري

انا جاية اسأل اذا فيه احط عندو حلول لاسئلة نهاية الشباتر ؟

او احد عندو ترجمة لاسئلة نهاية الشباتر ؟

او احد فاهم الاحصاء مرة و اكلمو خاص او في الموضوع و اديلوا الاسئلة و نحلها سوا ؟


يعني لو نخلي ذا الموضوع لاسئلة الي نبغى احد يساعدنا في حلها اول ترجمتها

[3bade]

خديلك ملخص اشرف بركات وو بس

[ريما القرني]

والله ياليتتت

[3bade]

ليش يا ليت ؟؟

[L I G H T]

-



أنا دحين بدرس إحصاء ومع إنو الاستاذة اللي أنا عندها كتير يقولوا مو كويسه
لكن حاسة المادة ماشية تمام ،

انتي لا تراكميها ذاكري المحاضرة ف نفس يومها او تاني يوم عشان تفتكري كلام استاذتك مع المذاكرة

المصطلحات والترجمة في قاموس كامل لمادة الاحصاء عملتو الاخت غلا روحي الله يجزاها كل خير
تلاقيه هنا http://www.mediafire.com/?dceeqtv7fznhcbm


ترا المادة لها وورك شيت مرة كويسه وتعملك زي مراجعة او كويز صغير تختبري فهمك وتشوفي نمط الأسئلة ،
احنا استاذتنا قالت حتدينا هي بكره إن شاء الله بس دورت ولقيتلك الأخ منزلهم الله يجزاه كل خير

http://www.skaau.ws/vb/showthread.php?t=664966

طبعا زي ماقلتلك انا ادرسه دا الترم زيي زيك فإن أصبت فمن الله وإن أخطأت فمن نفسي والشيطان

والله يوفقك ويوفقني وينول الجميع مرادهم

[جُوآن]

انا باحمل القاموس و يارب يفيدني

و افضل انو اي احد مو فاهم مسالة او شى يكتب رقمها و نفهم بعض فيها

اش رايكم ؟