ابي ملخص اختبار هيئة التخصصات الصحيه وبعطبكم باقي الفلم الوثائقي

[شيماء الرياض]

اللي حصل معي في مدينة الرياض رحت للهيئة طلبوا كالعاده دورة انعاش قلبي ورئوي وصورتين لي وصورة الشهاده الجامعية وصورة البطاقة وتعبئة نموذج وقالوا تقدمها ويجيك مقابلة وهيك شغله جهزت كل شي باقي اطلع على الملخص عشان المقابلة عسى الله ان يأتي بفرج من عنده والسبت تكملة المسلسل.
المطلوب يأهل الخير ملخص المصطلحات الصحية أو أي ملخص بأسرع وقت ممكن عشان أستطيع آخذ وأعطي بالكلام

[شيماء الرياض]

بليز اي شي ينفعني عطوني رابطه

[Nephrology]

الله يوفقك

http://www.e-moh.com/vb/f224/

[لجين الشريف]

يعني ماطلبو منك آختبار وتدريب 3 شهور !
بس الانعاش الرئوي وَ مقابلة !
موفق ان شاء الله

[مزعلة النساء]

اذا كنت متخرجة جديد مافي اختبار ابدا بس مقابلة و دورة انعاش رئوي من اي مستشفى

[شيماء الرياض]

أبشركم رحت للهيئة وحولوني الى تقييم إثنين من الدكاتره
وكل واحد يسأل وعلى ضوء اجابتك يطلع لك سؤال وهيك شغله
طبعاً قالولي تدريب 3شهور بس نشبت لهم وقلت الادارة مايحتاج تدريب اللي يحتاج تدريب علم الاجتماع
رجع وأخذ خطاب التدريب وحولني للتقييم
اللي اذكره سألو عن سياسات الرعايه الصحيه
الجوده
الخدمات الصحيه وبعض مهامهم
وايضاً ادارة المستشفيات وبعض المعلومات عنها
يقولي احد الدكاتره وقت التقييم ترى ماهالتقييم مافيه رسوب فقط للتقييم مهما كنت ملم بكل شي لازم من الممارسة وانصحك بمواصلة الدراسة ونصائح
ومع هالسوالف لحس مخي بس لحست مخ واحد منهم قمت انا اللي أسأله عن التشغيل الذاتي والديوان وطرق التوظيف والتقديم والدورات المهم بصراحه الوضع سهل للغايه بس للأمانه عشان ما أحط بذمتي شي اللي فهمته ان أحد دكاترة التقييم بالرياض يملك معهد تدريب ويحدون الطلاب خااااصه الانتساب
الى التدريب لانهم اكثرهم موظف فلا يستطيع التدريب 3 شهور فيطلب حل آخر فيحولونه الى هالمعهد ويعطيك بالتقييم ممتاز وكذا بس هذا ما لمسته من الاحتكاك في هيئة الرياض....
والله أعلم
أي إستفسار أنا تحت الخدمه




للتوضيح ((طالب وليس طااالبة))

يقولون اسبوع وتجي تستلم البطاقة ( التصنيف )
من الاخير تروووون التصيف موضوع سهل للغايه مو زي ما كنت أقرأ بالمنتدى لدرجة اني كنت متخوف من بعض التعقيدات لاكن الحمد لله حتى الدكاتره يقولون التعيين ماشي بهالتخصص في ديوان الخدمة المدنيه ( أحسن الظن بالله ) تفائلوا بالخير تجدوه
طبعاً ما ألوم بعض الطلاب والطالبات لانهم عقدوهم بس خلك نشبه وإقدح عليهم ولا يهمونك والله يلين معك وهذا ما فعلته معهم انا ..علماً انهم ما عقدوني ولله الحمد الا اني رفضت التدريب وناقشة المسؤول وقلت الادارة ما فيها تدريب وهيك شغله حولني هالتقييم وهذا اللي صار
طبعاً أشوفهم مع الطالبات غير تعاملهم مع الطلاب يمكرون ويمكر الله والله خير الماكرين
والله اعلم

[شيماء الرياض]

المشاركة الأصلية كتبت بواسطة nephrology الله يوفقك http://www.e-moh.com/vb/f224/

الله يجزاك خير

[شيماء الرياض]

المشاركة الأصلية كتبت بواسطة لجين الشريف يعني ماطلبو منك آختبار وتدريب 3 شهور ! بس الانعاش الرئوي وَ مقابلة ! موفق ان شاء الله

وياك يارب وجميع الاخوه والاخوات

[مزعلة النساء]

الله يوفقك يارب وعقبالنا

[شيماء الرياض]

شدوا الهمه الله يوفق الجميع