خسارة تنصدم في ناسـ فرشت الدربـ لخطاهم !!!

[راجية العفو]

صباح // مساء الخير ........

ودي أسمع آرائكم / ردودكم / تفاعلكم معي :

أحس وضع الجامعة يخنق .. خداع على المكشوف زي كأني في الشات !
البنات بس مصالح و استغلال أعطيني و أعطيكـ ,, وبعدهـا مو حتى السلام ما يعرفوه لا
حتى عينها ما تبى تحطها في عينكـ كأنها ما تعرفكـ .. و إذا رحتي تسلمين .. تسلم عليكـ
غصب ( تندمين إنك رحتي ) مع إنكـ كنت معاها مره صديقة و طيبة و كنتي تساعدينها
من قلبكـ لا وقضيتو أيام حلوة مع بعض ( بالله هذا شيء ما يزعل و يضايق ! )
أحس تكون نظرتهم ,,, كأنك وحدة غبية >> عطتهم بلا حدود .. وهما عندهم العطاء
غباء , طيبة , سذاجة .. على نياتك يا مسكينة !!
المشكلة إنكـ ممكن تتناسين ,,, بس كيف لو كانت عزيزة عليك ...
والله شيء يزعل / يضايق / يخنق >> صعب على القلوب الحساسة [ مالت محد حاس !ماهمهم]

انتظر ردودكمـ ,,,,,,,, و دمتم سالمين .....

خسارة تنصدم في ناس فرشت الدرب لخطاهم
وهم بأرخص تراب الأرض يبيعوك ويبيعوني

[وجـه القمر]

هلا يارجايه العفو ..
أول شي .. اعفي نفسك من هؤلاء المصلحجيين
.. وثاني شي صحيح انه يخنق ويدل ع تقعص الاخلاق الاخويه الرائعه عندهم
.. لكن انظري للموقف من نظره ايجابيه ..
وخليه درس انك تعرفي في المرات القادمه كيف تتعاملي مع الشخص اللي معك .. بكل هدوء بدون عجله في العلاقه ..
واعتقد درستي ماده مهارات الاتصال ..!!!!!
كانت تتحدث عن طريقه انشاء علاقه ممتازه مع الطرف الاخر ..
انا ما اسوي ناصحه ولا متفلسفه << امح فلسفه خخخ
لكن أنا أدري اني بس أذكرك بالحكي ...
بصرآآآحه فعلا هالاصناف كثييييييير منها في الجامعه وبرآآ الجامعه
بس الجامعه بشكل وااضح لانك تتعاملين بشل مباشر معهم .. ولو توظفتي بتلاقي خير ..
وشوفي لي اكثر من 3 سنين بالجامعه .. وربي ماطلعت منها بصديقه صدووووقه واااااحده ..
يمكن الخلل فيني .. لكن برضه انا احب اصادق الوحده لروحها الطيبه وضحكتها البريئه
مو لتمضيه وقت فراغ .. او لمظاااهر .. << وركزي ع المظاهر .. صايرن بنات اذا ماشافوك كشخه مايناظرون فيك ..
واذا منتي كشخه وصادقوك !!! شغلي مخك واعرفي ان فيه سر خخخ
الا وهو المصلحه منك .. فقط لاغير ..
طبعا الجامعه كبيره وفيها بناااااات زي العسل بس ماقدر الله وتعرفت عليهم ...!!
يمكن لاني انا شوي رسميه .. وما اتعمق في الصداقه بشكل سريع ..
صحيح اعرف كيثيييييير بس مااعتبرهم صديقات .. فقط زميلات جامعه ..
.
احس اني هرجت واااجد .. بس عاد فضفضه عالصبح
الا بالمناسبه ...
صباحك ورد خخخ

[س ــــاندي]

كل اللي اقدر اقووله جبااااااااااار يااهالزمن ماتنظمن فيك البشر ؟؟؟؟
احمدي ربك انك تعرفتي عليهم في الجامعة ...
اجل ايش حتقوولي اذا صديقاتك (الروح بالروح )من الابتدائي والمتوسط والثانوي معااك
وفي الجاامعة ماايعرفوك ولا كانهم يشووفونك ؟؟؟

[مشاعر]

السلام عليكم
بصراحة أنا من قبل لا أدخل الجامعة وأنا عارفة انو البنات أكترهم من هدا الصنف
لكن والله فيها بنات مررررة كتير زي العسل
أنا عن نفسي أحس راحتي في مساعدة الناس مرة أحب اساعد الناس مررررة نااااااااااااااااااااادرا ما أرد أحد وبصراحة في الجامعة يبانو البنات الكويسين والي مو كويسين لكن والله في بنات يشيلولك الجميل على راسهم
يعني من جد يقدروا وفي العكس طبعا لكن أهم شيء انو لمن تجي تساعدي البنات لا تحسسيهم انهم تقال يعني خلاص طلبتك مثلا كتاب ولا ملخص على طول رديلها يعني لا تزليها وتماطلي معاها
لا تحسسيها انها مديونالك ولازم لازم تردلك شيء لا اتعاملي معاها انها هيه الي أعطتك وبصراحة انا اتعامل بهدا الأسلوب والحمد لله شايفة نتايج مبهرة
لكن تجي على النوع التاني والله أنا اليوم كان عندي اختبار تحليل كمي في وحدة بنت قالت لي أنا مرة ماني فاهمة وملخصاتي مو كاملة ابغاكي تشرحيلي المنهج ( المنهج ) ركزوا على كلمة المنهج يعني جزئية الاختبار كللللللها
وأنا من طيبة قلبي قلتلها طيب متى الا حددنا موعد وكان اليوم التاني بعد المحاضرات وجلست ساعة أستنى البنت ما جات
المهم رجعت البيت
الا اتصلت عليا وقالت لي أنا خلاص لقيت استاذة بس قوليلي الجزئية وقلتلها وأنا مرة مقهورة منها المهم اتصلت عليا بعد ساعة قالت لي الاستاذة نصبت عليا وما شرحت لي الله يخليكي تشرحيلي بكرة قلتلها انو ما عندي وقت سارت تقولي أنا ما عندي المبلغ حق الاستاذة وبنتي وولدي صغار وماني عارفة فين أحطهم
المهم قلتلها خلاص اليوم التاني من الصبح
ورحت الجامعة بدري طبعا البنت ما جات
اتصلت عليها ولا ردت
ولا رجعت اتصلت والين دحين
بس ايش تبغوني أعملها يعني اتضارب معاها خلاص أقول حسبي الله عليها لكن لو جات وطلبت مني شيء تاني والله ما اديها لو عيونها تخرج
معليه طولت ( من القهر )

مشاعر

[مني يغار الورد]

أوهههههههههههههههههههوه ياما وياما تعرضت لهذي المواقف وربي منجد شيئ يقهررررر ومع هذا ماانردع ابداااا ممكن تجي نفس تتمصلح مره ثانية وبكل براءة أعطيها اللي تبغى
بس يالله الله يكتبه في موازين حسناتنا ومعليه ياراجية إعتبريها صدقة
مشكور ة ع الموضوع المحززززززن جدااا ...

[*صبا*]

والله انك صاااااااااااااااااااااااااااااااقه كل البنات في الجامعه
مصالح وبس احس الجامعه ماهو مكان لتكووين علاقات اجتماعيه


لانك ماتعرفي الصاحيه من الخربانه الا بعد فوات الاواااااان

[الريم اللعوب]

اهلين راجية
الصراحه انا عانيت من نفس هاالموقف ومتاثره منه يعني سبحان الله صديقتي ومعاي دايم واسرارنا عند بعض صح اني احيانا احس انها مصلحجيه لكن اقول لا يابنت هذاي صديقتك بس اتضحلي مع الايام وخاصة هاالسنه انها مره ماسارت تسال عني زي اول احس ماصارت تثق فيني رغم اقولك اسرارنا عند بعض حتى احيانا اسالها المحلها من هنا وهناك والحين اذا تبغى مني شي افتكرتني وانتي صادقه في كلامك على بنات الجامعه صاروا هاالايام حقين مصالح وانا اوافق البنات في الي قالوه لكن مااقول غير الله يساعدنا ويعينا في اختيارهم

[ويبقى الأمل]

قرأت الموضوع ع عجله

لي عودة بإذن الله

[εїз butterfly glow εїз]

εїз


/

عاملي كما تحبي أن تعاملي

/


εїз

[golden beauty]

من جد