اللى مع استاذ خالد تدريب

[moduston]

البنات اللى راحوا للاستاذه مها الحمري وقالوا لها انه الدكتور قال انه اقل شي خمس دراسة حاله

اقولهم حرام عليكم في بنات راحوا يبغوا يسلموا الاوراق وبسببكم رجعونا بيوتنا

حرام عليكم ترى الجامعه مو جمب ادننا وانتوا كل مره تطلعوا كلام و الدكتور ما قاله

ورجااااااااااااااااااااائي الخاص لاي بنت مع دكتور خالد كلامكم صار كتير

اللى يبغى يعرف معلومه صغيره كانت او كبيره يروح لسنترا ويتابع المحاضرات

لاحد بعد كدا يسأل عن شي ويتوهنا كفااااااااااااااااااااايه ترى توهتونا معاكم الله يسامحكم

لا تساعدوا بعض دام مساعدتكم كلها مجرد افتراضات

واللى ما تقدر تفتح سنترا عندكم رقم الجامعه او الجامعه نفسها كلفوا نفسكم شويه زي ما احنا رحنا وجينا واحنا ساكنين في اخر الدنيا

مع احترامي الوضع صار ما ينسكت عليه

[صموود متفائلة]

صح كلامك انا كل مابغى اجهز الاوراق واسلمها اخاف يكون ناقص فيه شي ؟؟
الدكتور ماطلب عدد معين للدراسة الحاله
قال اللي تطلبه منك الاخصائيه سويه بس
..............

[سديم الشوق]

الله يعيننا من جد حوسه التدريب

المفروض يكون فيه تواصل مع الدكتور مو كذا

ليت كل دكتور ودكتوره زي الاستاذه / إيمان الطباع متعاونه مررا ولا تتمل من اسئلتنا

[w h i s p e r]

من جد حاجه تنرفز وترفع الضغط..

مني عارفه من فين البنات بيجيبو الكلام وبيخرفو من عقلهم ويعملو شغل دوافير !!

دحين اللي سمعتو انو فقط طلب تقرير وكلنا اتفقنا على دا شي وفجأه تجي وحده تقول دراسة حالات !!

كتر الكلام يجيب المشاكل لا تمشو الا على اللي قالو الدكتور و لاتطلعو كلام من عندكم ترا فالاخير الدكتور حيخلينا نسوي كل شي واليوم عصب على صحبتي ومن اول يقول انتو شكلكم تبو اختبارات..

رجاءً الفلسفه الزايده بطلوكم منها وارجعو للمحاضره واسمعو ايش قال (فقط تقرير والاوراق الصفرا)

لا دراسة حالات ولا يحزنون مدري من فين بتجيبو دا الكلام !! لاتقولو فلانه قالت وفلانه قالت ترى البنات اللي بيقولو مو افهم من الدكتور والتوقعات دي بطلوكم منها..

انا كتبت دا الكلام لمصلحتنا فالاخير الدكتور حيعصب ويحقلب الدنيا وتجي فوق راسنا..

وكبرو عقلكم سواء رد على اتصالاتنا او لا ترى كل شي واضح فالمحاضره الدكتور اتبح صوتو من كتر مايقول ياعالم مافي اختبار ياعالم مافي دراسة حاله ياعالم لاتسسسسسسسمعو كلام الشعبات التانيه لكم بشبعتنا فقط

[دغبوجه]

بيض الله وجيهكم والله انا لعبوا بعصابي كل وحده تقولي كلام

[moduston]

لا تسمعوا ولا لاحد

انا رحت مبسوطه رجعوني مقهوره بسبب اشاعه البنت اللى قالت خمس حالات

لا عاد تاخد كلام من احد نصيحتي ليكم

[رضاب]

وجدان انتي مع مين اصلا وبعدين ترى الدكتور قال يبغى 5 حالات كل يومين حاله هوه الي قال مو حنا وايش الي قهروكي مدري ايش

[moduston]

كيف مع مين اصلا انا كاتبه اللى مع استاذ خالد تدريب ميداني في الموضوع نفسه

والاستاذ ما قال الكلام دا وسنترا موجود راجعي المحاضرات وأتأكدي لو سمحتي

[رضاب]

لا هوه بنفسه قال انتي الي ارجعي للمحاضرات واسمعيها تمام واسئلي البنات كلهم قال خمس حالات كل يومين تكون حاله وبراحتك عاد اذا مكدبتنا

[noni floura]

الله يهديكم ماتوقع احد يقصد الاذى لاحد الوضع كان مجرد سووووء فهم وكبرو دماغكم ومدام الوضع كده لحد يعتمد ع كلام التاني ونقطه انتهى