برنت الأحوال وبياناته ؟؟؟

[Alaa Al-otb]

مساء الخير
ياريت اللي يقدر يفيدني يفيدني ،،
الموضوع اني رحت الأحوال في الأندلس وطلبت برنت وكان معي الجواز وبطاقة العائلة وللأسف رفضوا الا يكون معي بطاقة أحوال او معرف رجل ،،،
المهم ما معي احد في جدة غير الوالدة ورفضوا.
كلمت أهلي وبعثوة لي فاكس وبكرة ان شاءالله أروح ، بس استغربت خانة جهة العمل فاضية هل هيك صحيح او لا؟؟ يعني مفروض يكتبون لا تعمل او عادي ؟؟؟؟

[ايمي المآلكي]

أوووووف بس :)

وصلنآ 2013 ولسآ نحتآج لمعرف :) وكأن الأنثى شي زآيد بآلحيآة نكرة مآلهآ أي قيمة :)

الله يآخذ هآلأنظمة والتخلف الزآيد .. وأشوآ إنك نبهتيني أنآ بخلي بابا يطلعه لي ..

وحكآية خآنة العمل فآضية سمعت أكثر من وحدة كذآ طلع معهآ خآنة العمل فآضية ..

أخرجوني من هنآ :) قآل معرف قآل حتى البرنت يبيله معرف :)

والحريم فرحآنين نبي نسوق نبي مجلس شورى .. يختي بآلأول خلوهم يمشون معآملآتنآ بدون معرف ولكآعة وقلة حيآ بعدين طآلبي بسوآقة سآقوك للمشنقة :@ < محد عصب :)

[Alaa Al-otb]

والله نفس ردة فعلي حمدلله بس :)

[ريم علي]

^
^
^
^
هذا بس اللي ما عندهم بطاقة أحوال شخصية..
لكن اللي عندها بالبطاقة حقتها..
أنا رحت الأندلس أخذتها بكل بساطة..
وخانة العمل ربة منزل (يعني عاطلة)..
يمكن عشان أنا بطاقتي الشخصية عملتها بعد تخرجي..
البرنت أصلاً فايدته عشان خانة العمل..
يمكن لو كنتي كلمتي الموظفة راح تعدل لك اياها لأني أذكر انها سألتني قبل ما تعطيني البرنت..

[Alaa Al-otb]

يا الله هذي حكاية جديدة !!! ، اذا ما قبلوها خلص راحت دراستي علي ، حمدلله بس

[ريم علي]

هههههه لا أكيد لها حل مستحيل راحت الدراسة عليك عشان هالشي التافه..
إذا رحتي الجامعة قولي لهم هذي الورقة اللي اعطوني اياها الأحوال.. وبس..
انتي مالك ذنب هم اللي مو منظمين يعني الجامعة معتمدة على الأحوال في إثبات هالشي يقومون يكتبون للناس طالبة أو يتركون الخانة فاضية!!
بس اللي أعرفه حتى اختبار المفاضلة دخلناه ببطاقة شخصية مو بطاقة عائلة يعني خلاص هي المعتمدة في التعامل..

[GGGGGG]

صحيح بطاقة الاحوال مهمة جدا واصبحت مطلب في كل جهه حكومية نتعامل معها ... تحياتي

[ام يزون الأمور]

غريبة تركوا لك الخانة فاضية؟؟

لازم يكتبوا ربة منزل مدري كني عرفتك شفت وحدة زي وضعك اليوم و اتكلمت معاها

لا تتنازلي عن القبول بسبب شئ تافه زي كذا الله يعينك راجعي الأحوال مرة ثانية او ارجعي للجامعة و حاولي تتفاهمي معاهم طالما الخانة فاضية معناتها مو موظفة

الأخوات في عمادة القبول و التسجيل جداً متفهمات

يارب اشوفك مع بداية السنة و تنحل امورك

اي صح قولي لهم طابقوا اوراقي حالياً ع بال ما استخرج بطاقة احوال و ابدأي طلعي لك بطاقة و مع بداية السنة جيبي البرنت معدل

كل التوفيق لكِ عزيزتي

[Alaa Al-otb]

شكراااااا لكل الردود ،، الحمدلله رحت وخلصت ما حكيت شي وهما ما حكوا وخلصت الحمدلله.
عقبال اللي باقي ماراحوا

[نوف الحربي.]

المشاركة الأصلية كتبت بواسطة alaa al-otb شكراااااا لكل الردود ،، الحمدلله رحت وخلصت ما حكيت شي وهما ما حكوا وخلصت الحمدلله. عقبال اللي باقي ماراحوا

أنا طابقت اوراقي في فرع الفيصليه و وقفت عند خانة الوظيفه
لإنه مو مكتوب شئ ، قالت لي ترجعي للأحوال و يعدلون لك هذي الخانه
قلت لها في كثير هيك و أخذوها منهم، اتصلت على أحد علشان تتاكد
ما أحد رد ، قالت لي اسأل و اشوف و لو ما قبلوها ترجعي تعدليها