اختبار مبادئ الإدارة - فاينل - bus220 ! (عنوان معدل)

[أمير الهدوء]

السلام عليكم ,,
الكل عارف باللي صار في الدوري الثاني لمادة bus220
من تصوير لورقة الاجوبة ونشرها !!

يعني بسبب ذكاء طالب واحد او طالبين نكبوا كل طلاب مادة الادارة
لان دكتورنا يقول جيبوا كتبكم معاكم في الاختبار النهائي وافتحوها !!

مو معقولة يصير هالكلام ,, !!!

ياليت تتاكدون من دكاترتكم يا شباب الادارة ؟!

لان الاختبار النهائي في اصعب الشباتر 1/4/6/8/12

تاكدوا من جد هالكلام او لا ؟!

[ω5я śнοοч]

يا رجل لا يهمك

ما يقدر يتصرف ويحط اسئله من راسه الاسئله موحده لكل الشعب وكل الدكاترره

هو بس يخوفكم عشان الحركه اللي صارت .. بس اعجبتني الحرركه سوو زيها في الاختبار النهائي واجلطوه

انا درست هذي الماده عند سجاد حيدر .. مره كفو ودفني اخذت c+ وانا كنت متوقع رسوب .. وكان عندي حرمان برضوه بس مشاني

ف لو كان دكتورك سجاد حيدر لا تشيل هم

[girl.k.s.a]

وعليكم السلام ورحمة الله وبركاته

^
لا طبعا إيش يعملوا الحركة نفسها عشان كلها يآخدوآ f
ترى بسهوووووووووووله تنحط الـ f بالذات لو الدكتور معصب
يعني أنتبهوا ولا أحد يعمل أي حركة في الفاينل عشان لا تروحوا ورى الشمس =/

المهم كان في أسئلة هنا في المنتدى لما اختبرنا زماااااااان فاينل ممكن تستفيدوا منها =)
رآح أشوفها لكم وأرجع =)

[girl.k.s.a]

أسئلة الاختبار بس مو متأكدة دوري آخير والا فاينل
لكن معانا شابتر 1 + 3 + 4 في المرفقات اللي في الموضوع

http://www.skaau.com/vb/showthread.php?t=367488


وللأسف الشديييييييد بحثت عن موضوع الأخ اللي نزل الأسئلة النهائية عام 2011 أظن
لكن ما لقيتها ، راح أبحث على جهازي وأشوف

[girl.k.s.a]

الحمدلله لقيتها ولقيت أسئلة مختلفة (في المرفقات)

( في الرابط )

أسئلة فاينل الادارة بدون حلول =(
حليناها زمان بس للأسف ما حفظت الحلول

[أمير الهدوء]

المشاركة الأصلية كتبت بواسطة ω5я śнοοч يا رجل لا يهمك ما يقدر يتصرف ويحط اسئله من راسه الاسئله موحده لكل الشعب وكل الدكاترره هو بس يخوفكم عشان الحركه اللي صارت .. بس اعجبتني الحرركه سوو زيها في الاختبار النهائي واجلطوه انا درست هذي الماده عند سجاد حيدر .. مره كفو ودفني اخذت c+ وانا كنت متوقع رسوب .. وكان عندي حرمان برضوه بس مشاني ف لو كان دكتورك سجاد حيدر لا تشيل هم

انا عند د. سجاد
وجبت في الدوري الاول 30/20
وقالوا راح يحذف درجات الدوري الثاني ويدبل درجات الدوري الاول !
لاكن ان شاء الله يطلع كلامك صح
لان ماعندي الا غياب واحد والواجبات سلمتها كلها

[أمير الهدوء]

girl.k.s.a

بالنسبة لاختبار الاولاد النهائي راح يكون في شباتر 1/4/6/8/12

نختلف عنكن ,,

كويس انك ذكرتيني ادور اسئلة السنوات اللي فاتت

[girl.k.s.a]

هادي الأسئلة تبعنا اللي أخدناها في أوووووول ترم في المادة =)

بالتوفيق لكم

[سماوة روح]

نحنا محد اتكلم عن دا الموضوع بس انا حنزل لكم التست بانك وسلايدات حقت الشباتر اللي معانا ونذاكرها مزبوط وان شاء الله مايخرج عنها الاختبار ....بالتوفيق لينا يارب

[سماوة روح]

حاولت ارفعها بس بيقولي فشل بس ححاول مرة تانيه
والله يوفقنا جميعا .....