ياعلماء النفس

[دانة العبدالله]

السلام عليكم ورحمه الله وبركاته

كيفكم ان شاء الله بخير

حدخل على الموضوع حابه احوول لقسسمكم

وحبيت اسألكم كيف موادكم والاستاذات هل تنصحوني
احول عندكم او لا بكل صراحه !!

لانو في بنات يقولو لا تحولي وانو في استاذات عقدوهم وانهم حولو
من كليتكم وخفت مررا

فاليت الان اخد الجواب المقنع منكم عشان لااندم في الاخير
والله يسعدكم

[محلل شخصيات]

وعليكـ السلام ورحمة الله وبركاته

حياكـ / أختي

فيما يخص إستفساركـ عن قسم علم النفس :

1- التوفيق بيد الله سبحانه وتعالى .
2- لكل مجتهد نصيب - من غير المعقول أن يكون الطالب مجتهد ولا يجتاز المادة - كلما أعطيت المادة وقتها كلما حصدت أكثر .
3- دكاترة وأساتذة القسم (مثل باقي الكليات) و (مثل حال الدنيا) فيهم المبدع والمميز والمتعاون والمتشدد ... إلخ .

قبل أن تقومي بعملية التحويل من تخصص إلى آخر :

1- ماالدافع وراء رغبتكـ في تغيير التخصص الحالي ؟
2- مالدافع وراء اختيار قسم علم النفس دون باقي الأقسام ؟
3- مالهدف من دراستكـ للمرحلة الجامعية ؟
4- ماهو طموحكـ ؟
5- ماهي ميولكـ المهنية ؟
6- ماهو تخصصك الحالي ؟


منتظر الرد ^_^

[دانة العبدالله]

حياكـ / أختي
الله يحيك أخي

فيما يخص إستفساركـ عن قسم علم النفس :

1- التوفيق بيد الله سبحانه وتعالى .
2- لكل مجتهد نصيب - من غير المعقول أن يكون الطالب مجتهد ولا يجتاز المادة - كلما أعطيت المادة وقتها كلما حصدت أكثر .
3- دكاترة وأساتذة القسم (مثل باقي الكليات) و (مثل حال الدنيا) فيهم المبدع والمميز والمتعاون والمتشدد ... إلخ .

صحيح كلامك بس اخر نقطه في فرق لمى تكون استاذه او استاذتين مو اغلب او اكتر الاستاذات والدكاتره

قبل أن تقومي بعملية التحويل من تخصص إلى آخر :

1- ماالدافع وراء رغبتكـ في تغيير التخصص الحالي ؟
الدافع انو التخصص الي انا فيه ماأحبو انحطيت فيه اجباري مو اختياري
2- مالدافع وراء اختيار قسم علم النفس دون باقي الأقسام ؟
اقرب قسم اميل له مع انو اهلي جدا رافضين الفكره .. تقريباً ثاني خيار بالنسبه ليا علم النفس بعد الاداره
3- مالهدف من دراستكـ للمرحلة الجامعية ؟
كان عندي هدف بس صراحه الان لا بس ابغا ادرس شي يكون سهل وممتع ليا وافكر ادرس الماجستير شي انا ابغاه لانو مجبوره على كدا
4- ماهو طموحكـ ؟
طموحي اطلع بشهاده تكون ليا سند في المستقبل بعد التعب دا كلو
5- ماهي ميولكـ المهنية ؟
شي في الاداره

6- ماهو تخصصك الحالي ؟
كليه علوم قسم فييييييزياء

منتظر الرد ^_^
وانتظر تحليييلك

[ام الجوري]

الله يحييك أختي

وقسم علم النفس رائع وممتع ,,وفيه فائدة لك ولمن حولك

هل أنتي تحبين الحفظ أو فقط الفهم كالرياضيات ,,
يعتمد على رغبتك كميول وإتجاه ,,
بالنسبه لعلم النفس جدا جدا رائع وممتع وليس بصحيح أنو الأساتذة مشددين ,,بالعكس أغلب الأستاذات رائعات وعلى حسب مذاكرتك أنتي المسؤوله عن فهمك وحفظك وتركيزك معاها
أغلب الأستاذات متعاونات والله يسعدهن يذكر لهن الخير ويشهد بذلك ,,حتى لوكانت الأستاذة تطلب حفظ الكتاب كاملا فهذا ليس بمعناه تشديد وإنما حرصا على الفائدة لمصلحة الطالبة حتى تتخرج وهي مشبعة بالمعلومات المفيدة ,,
وبالنسبة للأسئلة أغلبها سهله ولاتصنف بالصعوبه إلا لمن لاتذاكر جيدا وتجتهد ,,,
وبالنسبة لهدفك لإختيار القسم ,,هل أنتي مخططة لهدف معين وماهي وجهتك ؟؟هل أرشاد أسري أو باحثة نفسيةأو أخصائية نفسية أو تكمله الدراسات العليا وتنالين مسميات أخرى
وأنصحك بالإستخارة والتوكل على الله والله يختار لك الخيرة الطيبة ولاتجعلي أي أحد يحدد لك رغبتك الوظيفية فالقدرات والفروق تختلف من شخص لأخر ,,فتنبهي لهذا الأمر جيدا ..

والله يوفقك ويسدد خطاك وأي سؤال تفضلي حنا بخدمتك

[Loveless]

اهلين اختي ، انا جيت افيدك على أعضاء هيئة التدريس دام انك انتظام ، انا احب استاذاتي بدون مبالغة القسم فيه أروع الأستاذات و الدكتورات في كلية الآداب !!

هوا صح كلام اختنا انو في الممتاز و في اللي نص نص ، لكن بإذن الله لو كان معاكي واحده لها خبره في القسم تدلك على أفضل الاستاذات للمواد يمشي حالك 100٪ بإذن الله !

و في النهاية تخصصنا أكتر من رائع شيء راح يضيف إلى معرفتك و يفيدك في حياتك و يطور من ذاتك و يرقي تفكيرك ~

[دانة العبدالله]

ام الجوري
الله يحييك أختي
وقسم علم النفس رائع وممتع ,,وفيه فائدة لك ولمن حولك

هل أنتي تحبين الحفظ أو فقط الفهم كالرياضيات ,,
بعد الدراسه دي كلها اكتشفت اني أحب الحفظ كرهت الفهم
يعتمد على رغبتك كميول وإتجاه ,, بحاول اقرأ عن القسم وعن الكتب واخد فكره
بالنسبه لعلم النفس جدا جدا رائع وممتع وليس بصحيح أنو الأساتذة مشددين ,,بالعكس أغلب الأستاذات رائعات وعلى حسب مذاكرتك أنتي المسؤوله عن فهمك وحفظك وتركيزك معاها
أغلب الأستاذات متعاونات والله يسعدهن يذكر لهن الخير ويشهد بذلك ,,حتى لوكانت الأستاذة تطلب حفظ الكتاب كاملا فهذا ليس بمعناه تشديد وإنما حرصا على الفائدة لمصلحة الطالبة حتى تتخرج وهي مشبعة بالمعلومات المفيدة ,,
صحيح كلامك
وبالنسبة للأسئلة أغلبها سهله ولاتصنف بالصعوبه إلا لمن لاتذاكر جيدا وتجتهد ,,,
يعني شكلو القسم يبغالو كررف كتير
وبالنسبة لهدفك لإختيار القسم ,,هل أنتي مخططة لهدف معين وماهي وجهتك ؟؟هل أرشاد أسري أو باحثة نفسية أو أخصائية نفسية أو تكمله الدراسات العليا وتنالين مسميات أخرى
انا بقول ممكن لو دخلت القسم ادرس ترم او اكتر وممكن بعدها احدد بس انتي ايش تشوفي الاحسن والمطلوب !!
وأنصحك بالإستخارة والتوكل على الله والله يختار لك الخيرة الطيبة ولاتجعلي أي أحد يحدد لك رغبتك الوظيفية فالقدرات والفروق تختلف من شخص لأخر ,,فتنبهي لهذا الأمر جيدا ..
آميييييين الله يكتب الي فيه الخير .. صح كلامك بس عند مين في اشياء كثير تصير غصبن عنك .. ان شاء الله جزززاك الله خيررر والله لا يحررمك من السعاده والراحه ربي يخليك
والله يوفقك ويسدد خطاك وأي سؤال تفضلي حنا بخدمتك
آمممممين وياااك يارررب
تسلمي لاننحرم منك ياأم جوري


Loveless

اهلين اختي ، انا جيت افيدك على أعضاء هيئة التدريس دام انك انتظام ، انا احب استاذاتي بدون مبالغة القسم فيه أروع الأستاذات و الدكتورات في كلية الآداب !!
من جد مرررررا كووويس الله يطمنك انا رحت الشؤؤن عندكم وكانو مرا محترمات وساعدوني كتيرر حبيتهم وان شاء الله الاستاذات والدكتورات كمان كدا

هوا صح كلام اختنا انو في الممتاز و في اللي نص نص ، لكن بإذن الله لو كان معاكي واحده لها خبره في القسم تدلك على أفضل الاستاذات للمواد يمشي حالك 100٪ بإذن الله !
يعني ان شاء الله لو رضيو يحولوني بتكوني انتي الي اخد منها الخبره

و في النهاية تخصصنا أكتر من رائع شيء راح يضيف إلى معرفتك و يفيدك في حياتك و يطور من ذاتك و يرقي تفكيرك ~

مرا شكررررا ربي يووفقك ويسعدك ويسهل اموورك ياعسل

[دانة العبدالله]

وحبيت اعرف كمان بما انكم درستو علم نفس وتعمقتو فيه ابغاكم تساعدوني انتو عارفين الصعوبه والسهوله وايش هيا الامكانيات الي تخليكم موجودين بالقسم وانا حابه احول للقسم لكن كيف اعرف انو مح اتعب في دراستي وانو هل لازم يكون عندي امكانيات معينه عشان ادخلو لانو عن نفسي دخلوني شي اجباري كليه العلوم فيزياء وحاسه مح اقدر اكمل فيه لانو ماعندي الامكانيه انو اخد معامل وارسم رسم بياني واحفظ قوانين واطبقها ......الخ واتعمق فيه واكون وحده في هالقسم .. انا عن نفسي احب اقرأ واسمع عن علم النفس كتير بس بيقولو لو تعمقتي فيه جدا صعب وحتكرهيه
اسفه على الازعاج بس ممكن القى حل عندكم لانو مابغا اخطو خطوه واندم واسأل الله التووفيق للجميع

[محلل شخصيات]

راجعي اجابتكـ على السؤال الثاني + السؤال الخامس .

[دانة العبدالله]

محلل شخصيات

2- مالدافع وراء اختيار قسم علم النفس دون باقي الأقسام ؟
اقرب قسم اميل له مع انو اهلي جدا رافضين الفكره .. تقريباً ثاني خيار بالنسبه ليا علم النفس بعد الاداره

5- ماهي ميولكـ المهنية ؟
شي في الاداره

راجعتهم مليون مررررا
بس مو كل شي نبغاه يصير
ومافي عندي غير كدا ياأحصاء << كلام الوالده مع انو كرهت العلوم
او علم النفس وشكلو صعب لكن ححاول فييه وانا عارفه
انو امكن لو درستو مح الاقي وظيفه بس الله يكتب الي فيه الخير
ويعطيكم العافيه

[إرسم نفسك]

علم النفس يعتمد على أسلوبك واجرائك الأمثل في التعامل مع هذا القسم بالذااات!! لأنه يتعلق بالنفس البشرية وهو مشابه للطب مهنياً إلى الا أنه يعتمد على أساليب مقننة لفهم النفس ووضع بصمات العلاج الأولي دون مراجعة العيادات الطبية وفي الغالب تعتبر الأمراض بأنواعها سببها نفسي !! ومن هذا المنطلق يعتبر التعمق في علم النفس هو الحل الأكيد في الفهم وليس الأعتماد فقط على المناهج المقررة!! وإنما زيادة النشاط في البحث في المراجع الأخرى لتعزيز مستواك في هذا القسم الممتع.. تمنياتي لك بالتوفيق والنجاح