كيف انسحب بالدبلوم :( اللي تعرف لا تبخل علي

[(همسات حائرة)]

السلام عليكم

ابي انسحب حطوني بالفيصلية صعب علي
كيف اذا ما رحت المطابقة معناته انسحبت ولا لازم اقدم طلب انسحاب و.مدري وش

جزاكم الله خير

[% منو %]

اذا ما رحتي تطابقي اوراقك اكيد حيكون قبولك ملغي ويصير فيه فرصه للاحتياط
وحتى انا انقبلت في الفيصليه وبعيد عليا :(

[الزهرة الأرجوانية]

ناس ما انقبلت كليًا وبتداوم من هنا لمكه ..

فرصة حلوه أنك انقبلتي ممكن السنة الجاية ما تنقبلين لا تضيعين الفرصة ..
وإذا في الرحاب ايش المانع إذا بعيدة و ما في أحد بيوديك شركات المواصلات كثير ..

[ياملاذي]

انا مع الزهرة الارجوانية يعني الحمدلله انك انقبلتي اذا انك من جدة قولي الحمدلله وبتتسهل بإذن الله وتتيسر بس خليك متوكله ع ربك وحاولي ، وما تعرفي السنه الجاية ايش يستجد من شروط وأنظمة هذا غير الأعداد الكبيرة اللي بتقدم ..
أنصحك انك تستخيري وتدعي ربك اذا فيها خير لك ييسر أموووووورك.
وبالتووووووووووفيق يارب

[بيو كيميائية ^_^]

يعني أنتِ في جدة مجرد المسافة بعيدة فين الصعوبة في الموضوع حتى مبلغ المواصلات ماراح يجي شيء قدام غيرك

غيركـ يتغرب عشان يحقق حلمه

و إنتِ عشان بعيد تتنازلي عن حلمكـ


لا تكوني ضعيفة و ترا الفرصة مو كل يوم تجي

[كل الحكي]

انا موظفة في الشرائع وبكمل دبلوم بس اتمناه يكون مسائي عشان اقدر اكون رجعت جده واحضر المحاضرات

سؤالي هنا هل ممكن فرع الفيصليه يفتح شعب مسائي او لأ ؟

[شظايا زمن]

همسات استخيري

الفرصة ما تتعوض وانتى شايفة كل سنه هما بيعلو النسب القبول وكل سنه يزداد عدد البنات لانه صار متطلب

شوفينى انقبلت بالفيصلية وكنت ابغي السليمانية
ربي كاتب لنا الخير
الفيصلية عندهم يومين اةف كل الترمين والدراسة سهلة مرا اخذي هالسنه تربوي وارتاحي
وايام الاوف ما يحضرو عكس السليمانية استازاتهم يجيبوهم
عشان يلحقو ع المنهج

[الوردة الجريحة]

انا كمان زي همسات قبلوني فيصليه وما اقدر اروح هناك ومايحتاج انسحاب لأن ماطابقتي الورق يلا خيرة ا

[(همسات حائرة)]

عارفة كل ذا الكلام
بس شي مو بيدي و ع شركات التوصيل ابوي مايرضى اروح معاهم .
كل شي خيرة ماندري وش كاتب ربي لي
بس في امل تتغير ولا خلاص كذا ثابت

الوردة الجريحة قريت مسجك بس ما اقدر ارد عليك لانه مشاركاتي قليلة

[(همسات حائرة)]

لا تحسبوني فرحانه بالعكس محد يدري عن اللي بقلبي غير ربي

كلهههه مكتوب و مقدر