حابه صداقتكم&سؤال عن الأقسام-عنوان مخالف تم تعديله

[@Amal]

السلام عليكم ورحمة الله وبركاته
انا وحده جديدة في المنتدى إن شاءالله يكون دمي خفيف عليكم.
أبغى رأيكم في موضوع انا طالبة علوم (كيمياءحيوي)بس بالمررررة موعاجبني القسم وناويه إن شاء الله أحول على إدارة وإقتصاد ايش احسن قسم ويكون بإذن الله له مستقبل طبعا غير القانون ماأبغاه.
ومشكورييييييييييين وماتقصروا

[.,.نيــــــــــــــــــــران.,.]

أهلا بك عزيزتي في منتدانا :)

أنا عن نفسي دخلت ادارة اعمال لأنه قسم حيوي وفيه تعامل مع الناس "موارد بشرية" وفي نفس الوقت دراسته ماتعتمد كلها على الحفظ فقط مثل ادارة عامة
ولا على الفهم مرة مثل المحاسبة

لاني أشوف إنه المستقبل في الغيب ماحد يدري وين نصيبه!!

أدرس دراسة ممتعة وفي نفس الوقت حسب كيفيتي في المذاكرة وحبي للمواد (حفظ/فهم)
ولا إني أدرس شي صعــــب علي بحجة إن مستقبله مضمووووون والحقيقة إن مافيه أحد ضامن يوم واحد في حياته وموزع الارزاق الله عز وجل
في ناس أعرفهم جاتهم وظايف الكل يحلم فيها وهو عنده بس ثانوية وللا دبلوم حاسب
ولا احد يقول واسطة

استخيري الله واتوكلي واستشيري والله يوفقك

تحياتي :)

[الانس]

انا كمان حابة احول لنفس القسم في كلية الاقتصاد و الادارة

مشكوووووورة نيران 00 من جد طمنتيني من ناحية القسم

الله يسعدك يارب

[@Amal]

نيران تسلمي ياقلبي لانك طمنتيني انا عارفه انو الارزاق بيد الله بس حبيت أسأل لانو بابا ماهو راضي اني انقل عشان يقول مافي مستقبل وبعد ماأقنعته اني ماأقدر اكمل قال إن شاء الله بس ماتندمي عشان كده انا خايفه.

[ونعم الطالبة مشتهده]

طيب دحين مسار العلمي في سنه التحضيريه ..يقدرو يدخلو الاداره واقتصاد حتى لو مع معادله المواد :(
!!

[الانس]

المشاركة الأصلية كتبت بواسطة @amal نيران تسلمي ياقلبي لانك طمنتيني انا عارفه انو الارزاق بيد الله بس حبيت أسأل لانو بابا ماهو راضي اني انقل عشان يقول مافي مستقبل وبعد ماأقنعته اني ماأقدر اكمل قال إن شاء الله بس ماتندمي عشان كده انا خايفه.

كيف يعني مافي مستقبل ؟

[@Amal]

المشاركة الأصلية كتبت بواسطة الانس كيف يعني مافي مستقبل ؟

ماأدري بس بابا يقول انو هذا القسم من ايامهم ومايتوظفوا غير مدرسين وانا ماأبغى مدرسه بس على حسب علمي فتحو المجال في القسم وإنشاءالله خير ادعيلي^^

[max1]

المشاركة الأصلية كتبت بواسطة @amal السلام عليكم ورحمة الله وبركاته انا وحده جديدة في المنتدى إن شاءالله يكون دمي خفيف عليكم. أبغى رأيكم في موضوع انا طالبة علوم (كيمياءحيوي)بس بالمررررة موعاجبني القسم وناويه إن شاء الله أحول على إدارة وإقتصاد ايش احسن قسم ويكون بإذن الله له مستقبل طبعا غير القانون ماأبغاه. ومشكورييييييييييين وماتقصروا

الحقيقة ان التطبيق العملي في الدوائر الحكومية والشركات تختلف كثير عن الدراسة النظرية (الخلاصة سواء كان عندك ادارة عامة أو ادارة أعمال أو محاسبة عملياً ما تفرق كثير) أهم شئ الواو واللبيب من الاشاره يفهم

تحياتي

[الانس]

المشاركة الأصلية كتبت بواسطة @amal ماأدري بس بابا يقول انو هذا القسم من ايامهم ومايتوظفوا غير مدرسين وانا ماأبغى مدرسه بس على حسب علمي فتحو المجال في القسم وإنشاءالله خير ادعيلي^^

الله يكتب الخير لي و لك وللجميع ويسهل أمرنا ياااااارب

بس اللي اعرفه انه الادارة مالها دخل في التدريس عشان كذا ابغى أحول لهذي الكلية

ياريت توضحي لي أكثر 0 0 0! !

[@Amal]

[quote=max1;786039]

الحقيقة ان التطبيق العملي في الدوائر الحكومية والشركات تختلف كثير عن الدراسة النظرية (الخلاصة سواء كان عندك ادارة عامة أو ادارة أعمال أو محاسبة عملياً ما تفرق كثير) أهم شئ الواو واللبيب من الاشاره يفهم

تحياتي

[/quotم
يعني تبغى تفهمني انو كله مو حلو طيب ايش اسوي؟طيب انت إدارة وإقتصاد إذا مو عاجبك القسم ليه مستمر فيه ولا يعني انت ولد ولكم مجالات أكثرولو سمحت قلي انت ايش تخصصك؟وايش تنصحني ادخل؟