بخصوص التحويل من انتساب لإنتظام ضروري جدا ارجو المساعده

[قــلـــــجـــــدةـــــــب]

كيف اقدر اقدم انتظام علمي ؟؟
انا دخلوني انتساب ونفسي احول انتظام ابغا مواد علميه لانو شهادتي اساسها علمي
ارجوووو المساعده ماعرف شي وكيف اروح للعمادة ولا بالنت ولا كيف وإيش الطريق ؟؟؟؟؟
بجد اتمنى احول انتظام علمي نفسي ادخل هندسة
وكم المعددل المطلوب ؟؟؟؟؟؟؟؟
ومتى اقدم ؟؟؟
طبعا هادا إزا في

[mesho.ksa]

مافيه تحويل من انتساب الى انتظام علمي

التحويل فقط الى انتظام ادبي


كلنا شهاداتنا علمية ودخلنا انتساب والتخصصات ادبية

اسحبي ملفك كامل وقدمي انتظام علمي مع بداية السنة وان شاء الله يجيكي قبول

[قــلـــــجـــــدةـــــــب]

حرام ظلم كده
وازا سحبت اخاف مايقبلو

[قــلـــــجـــــدةـــــــب]

يسلموووووو وجزاك الله خير

[Angelic Whisper]

ما يمديك تسحبي دحين و تقدمي تاني لأنك حتنقبلي انتساب
لا تضيعي على نفسك سنة ثانية
خلك على الانتساب احسن
الحين الترم التاني خلص و اختبروا الناس
لو سحبتي ما حتنقبلي الا انتساب
المفروض تسحبي من نص الترم


أنا العام الماضي سحبت من العلمي الانتظام بعد ما اختبرت الاختبارات النهائية للسنة
و سجلت بس ما كان قدامي الا انتساب او تعليم عن بعد لأني سحبت مرة متأخر

فإنتبهي الله يسعدك الا لو بتستني سنة كمان

بالتوفيق

[قــلـــــجـــــدةـــــــب]

يسلمووووووووو Angelic Whisper بجد مرا شكرا وجزاكي الله خير
والله يوفقك يارب