لماذا يلجأ أساتذتنا إلى وضع أسئلة من خارج المقرر في الإختبار ؟؟؟؟!!!!

[miss-busy]

السلام عليكم ورحمة الله وبركاته



ماعندي اي مقدمة أبدأ فيها بس موقادرة أفهم اللي بيصير

ليش .. ليش تنحط أسئلة من خارج المقرر المطلوب ؟؟

ليش تتكرر هذي المسألة أكثر من مرة ومع أكثر من أستاذ ؟؟


يعني أقل متطلب لكل مادة 6 فصول مو أقل أبدا

6 فصول مو حلوة مو كافية تنزل منها أسئلة ؟؟

ليش تدخل على فصول محذوفة وغير مقررة علينا ؟؟



حراااااااام يا جماعة والله ربي مايرضاها

شهرين تعب ومذاكرة و3 أسابيع اختبارات المسألة مو هينة


مابقى شي ماسويته عشان أتلافى هذي الأخطاء

شفت عروض الشباب واسئلتهم وملخصاتهم لأكثر من أستاذ بس عشان أسد الثغرات

تعبت وسهرت وواصلت كاني أول مرة أذاكر المادة


بس ماجا على بالي افتح فصول محذوفة وغير مقررة

ماجا ولا راح يجي



حل من اثنين .. إما تقرروا كامل الكتاب علينا وخلونا على تعبنا فيها وربي يعين

او تلتزموا بالمقرر وماتخرجوا عنه

مافي حل ثالث مع الأسف





شكرا دكتور طارق شاهين

شكرا دكتورة ماجدة حسين


أبدعتم صراحة


علمتوني إن اللي يعطي واللي مايعطي في جامعتنا سوا

مافي فرق

لاداعي للتعب ولا للجهد



الحمد لله على كل حال

[من عرفها مانساها]

وربي انك صادقه من جد خرجت وانا مصدومه من من الامتحان

[الجودي123]

الله يستر ويارب نجيب فيها أعلى الدرجات ..

[budoo]

تتكلم عن اي ماده ?????

[من عرفها مانساها]

علم نفس معرفي

[أحلى جنون]

اي والله انك صادقه كل قلبي يغلي وان كان سوالين خارج المقرر يقهر سبتي اللي علينا وتجيبيلنا من المحدوف والاسئله
من بين السطور يادكاتره تواضعوا اطالب 4درجات من حقي
لازم نصدع راسها ونطالب فيها

[miss-busy]

المشاركة الأصلية كتبت بواسطة أحلى جنون اي والله انك صادقه كل قلبي يغلي وان كان سوالين خارج المقرر يقهر سبتي اللي علينا وتجيبيلنا من المحدوف والاسئله من بين السطور يادكاتره تواضعوا اطالب 4درجات من حقي لازم نصدع راسها ونطالب فيها

وأنا قلبي مرة محترق حسبنا الله ونعم الوكيل

المادة أصلا ماتتحمل تلاعب وهم يتعابطوا فيها

صبر جميل ليتهم يلغوا نظام توحيد الأسئلة هذا اللي جاب لنا المرض



بعدين ترى مو سؤالين 3 أسئلة خارج المقرر وده في نموذجي

في نماذج ثانية فيها اسئلة كمان ما اعرفها بس سمعت البنات يتكلموا في شي ماجاني


هذا غير السؤال اللي من فصل الإنتباه وكانت خياراته أغرب كمان

النموذج الذي يفترض أنه لايمكن معالجة المعلومات التي تصلنا عبر الحواس

الترشيح
برودبنت
التوهين
الإختيار المتأخر


كده جات صيغة السؤال

بالله هذا كيف يتجاوب عليه ؟؟؟


أصلا مافي نظرية قالت مانقدر نعالج المعلومات

كلهم يعالجوا بس مش في وقت واحد والإختلاف بينهم كان في االإنتقاء قبل أو بعد التحليل

وفي تجنيب او تهميش بعض المثيرات


بعدين الترشيح هو نفسه برودبنت موهو اللي سماها ؟

الترشيح برودبنت التوهين كلها نفس الشي كلهم يعالجوا معلومات محدودة بس إما تجنيب أو تضعيف وتهميش

حتى الإختيار المتأخر معاهم


يعني أنا إيش لازم أختار ؟؟


يا كلهم صح يا كلهم خطأ

أصلا صيغة السؤال خطأ



ولما أحد يسألهم إيش المقصود ولا حتى ينبه لخطأ يعصبوا

يعني مانسأل كمان ؟؟ مالك حق تعصبي احنا اللي المفروض نعص

حسبي الله بس


المهم بنات


اليوم إن شالله بعد التجريبي بروح لماجدة حسين ويارب ألقاها

يمكن تكون الساعة 6 تتوقعوا ألاقيها



المهم اللي حابة تروح لها معايا تقول أفضل بدال ما اروح لحالي

لو شافت مجموعة بتهتم وتقتنع وما نكتفي لازم نرسل لها إيميلات كلنا كلنا

وحددوا الأسئلة اللي من خارج المقرر اللي جات في نماذجكم وحددوا في أي فصل كانت

نجيها بالحجة والبرهان



الله يعديها على خير يارب ولا يضيع لنا تعب

[محلل شخصيات]

وعليكـ السلام ورحمة الله وبركاته
لاتكدروا خاطركمـ
أكتبوا الفقرات الخارجة عن المقرر وأرفعوها للدكتورة وإن شاء الله يتم احتساب درجاتها لكمـ
تأكدوا الدكتور طارق شاهين يعمل على مساعدة الطلاب وزيادة درجاتهم ^_^
إنتظروا فقط إلى رصد درجات المادة ^_^

[نفساني ،،،]

لا والاحلى من هذا كله



اذا مالقيت الاسئله من خارج المقرر
وطلعت من الاختبار وانت متوقع فوق 85
تلقاها 60 ويمكن f
وتطير وتوقع ما تلقى حل
ورئيس القسم دمنهوري
!!!!!!!!!!!!!!!!!!!

[((R))]

استاذه ماجده اخذت معاها ماده وكنت احسب انو تقصير مني لمن خبصت ولمن اخذت معااها ماده ثانيه حلفت اني مااخذ معاها ثاني