بطاقتي ضاعت وش اسوي ؟؟

[RAUL 7]

اخواني انا فقدت بطاقتي الجامعية امس وباقي على الاختبارات اسبوع مع العلم اني راح اختبر بمدينة الدمام وش اسوي الحين كيف اطلع بطاقة ثانية باسرع وقت ؟؟؟


الفززززززززززززززززززززززززززززززعة

[ريــــم]

ارسل ايميل الان للجامعه
ويوم السبت اتصل عليهم واستفسر

لان اكيد فيه طريقه وماتوقع اول مرة تمر عليهم


والله يعينك مانت ناقص شد اعصاب في هالوقت

[بورتريه]

الله يهون عليك يارب .. ويخفف عنك ..

الاخت ريم اجابت جواب صائب .. يالله يمديك او ارسل معامله الكترونيه وقول فيها مشكلتك

سهلات يارب

[ألف باء تاء]

أنا السمستر الأول ضاعت بطاقتي.. صحيح كانوا شديدين معاي يومها لأني مضيعتها..

بس طلبوا من عندي إثبات "بطاقة الأحوال" وخلوني أختبر..

سوي إللي قالوا لك عنه ولو ما وصلت بطاقه جديده لك.. سوي إللي سويته..

بالتوفيق..

[مشعل أبوتركي]

المشاركة الأصلية كتبت بواسطة ألف باء تاء أنا السمستر الأول ضاعت بطاقتي.. صحيح كانوا شديدين معاي يومها لأني مضيعتها.. بس طلبوا من عندي إثبات "بطاقة الأحوال" وخلوني أختبر.. سوي إللي قالوا لك عنه ولو ما وصلت بطاقه جديده لك.. سوي إللي سويته.. بالتوفيق..

اما

الحريم عندهم بطاقة احوال

[ألف باء تاء]

المشاركة الأصلية كتبت بواسطة مشعل أبوتركي اما الحريم عندهم بطاقة احوال

ما عرفت وش نوعية أسلوبك هل هي إستهزاء أو تكذيب أو غيره..

بس إيه عندنا بطاقة أحوال.. الله لا يهينك إقرأ جرايد "أضعف الإيمان".. ترى صار لي الحين عندي بطاقة الأحول خمس سنين ونص.. وفيه ناس سووا البطايق قبلي..

[مشعل أبوتركي]

اول مره اعرف ان الحرمه يعطونها بطاقة احوال

يمكن لها اسم ثاني ؟

[فهد العنزان]

المشاركة الأصلية كتبت بواسطة مشعل أبوتركي اول مره اعرف ان الحرمه يعطونها بطاقة احوال يمكن لها اسم ثاني ؟

بطاقة الهوية الوطنية :)

[الزيتونة]

انا اللي عندي بطاقة احوال مدنية
لها الحين ست سنين وهي عندي واستخدمها كثير بعد
ليش مستغربين !!

[RAUL 7]

حتى بطاقة الاحوال ضاعت مع المحفظه والرخصه وكل شي