تجربتي + اي استفسار بالتحويل لكلية ابن سينا الاهلية

[_soso_]

السلام عليكم ورحمة الله
مقدمة + نبذة عن الكلية :

كيفكم يا ال التحضيري كيف الاجازة معكم ان شاء الله يارب كل شخص يتخصص بالي يبيه
طبعا انا بنت تقريبا طموحي مثلي مثل اي واحدة غيري دخول الطب
وبسبب صعوبة السنة التحضيرية نوعا ما والمنافسة الشديدة خصوصا بيننا معشر البنات
المقاعد محدودة والمعدلات عالية جدا والبنات كثير ماشاء الله
قررت بعد تفكير واستخارة اني اسحب ملفي واسجل بكلية ابن سينا بتشجيع من ابوي الله يحفظه مع شوية تهزي ليش ماشديت حيلي بالتحضيري
طبعا لان الكلية مافيها معلومات كثير او انها معلومات قديمة قررت اتكلم عنها بالتفصيل الممل
بالنسبة لوضع الكلية الكلية اول كلية اهلية طبية انشئت بالمملكة فيها 4 تخصصات تشمل الطب البشري- طب الاسنان- الصيدلة فارما دي - التمريض
هذي السنة بتتخرج منها ثالث دفعة ولا احد يلعب عليكم تراها معترف فيها وخريجها مثله مثل اي خريج كلية طب
هذا الكلام بعد مابحثث ومابقيت احد سألته
اصلا لو مو معترفة ماكان احد ضيع عمره فيها 7 سنين والوزارة دفعت فلوس سنوية
لا وعندهم مستشفى تبع الكلية دوبهم فتحو
الدراسة فيها للامانة شفت بنت يوم التسجيل طالبة فيها وكانت تمدح الدراسة فيها
ومرتاحة وتقول مافيها لعب والدرجات على قد اجتهادك تجيبها
طبعا حالها كاي حالة كلية او جامعة لازم شوي يعقدون الطلاب والطالبات
بس اهون بكثير من كلية البترجي الي ما انصح احد يروح لها
خخخ طولت بالمقدمة اعرف للاسف اذا اتكلمت ماوقف
ننتقل للمرحلة الثانية
.
.
التسجيل :

التسجيل ياطويلين العمر للاسف مايعلنونه على موقع الكليةالي احسه ماله اي فايدة
بس التسجيل تقدري تتصلي عليهم وتعرفي او تروحي لهم وتعرفي متى
التسجيل هذي السنة فتح 6-8-1434
يوم السبت نظامهم اول يوم يقبلو تقريبا المحولين
من جامعة لاخرى ومعظمهم من عبدالعزيز وبعضهم من ام القرى
يقبلو عدد معين من المحولين يمكن 30-50 بنت والي جاين كثير مرة
وباقي المقاعد لخريجي الثانوي وعادة الطب البشري والاسنان يقفل من الساعات الاولى
ويبقى الصيدلة التمريض
طبعا خريجي الثانوية او المستجدين وضعهم غير
لازم تطلع نتايج التحصيلي ويقدمو وعموما تسجيل المستجدين كان اليوم
مفتوحة لهم كل التخصصات
.
.
تجربتي بالتسجيل :

الحمدلله جيت بدري الساعة 7 وانا زعلانة ليش جيت بدري
مادريت انه قدامي 40 بنت ووراي كثير جايين
هذا غير بنات كثير كنت اعرفهم من جامعة الملك شفتهم
المطلوب للمحولين مثلي اهم شيء تجييبن
كشف درجات + شهادة الثانوية واصل منها + اربع صور لك شخصية + بطاقة الاحوال + وطبعا الرسوم مسددة 26 الف
ترجع لك اذا قبلوك المنحة
اجرئات التسجيل طويلة وتاخذ وقت يمتد لساعات
من تعيئة بيانات وملف وكشف طبي
انا وصلت 7 وطلعت من عندهم 1
خلالها عادلو لي كل المواد الي اخدتها بالتحضيري ماعدا الانجليزي
ومواد العربي والثقافة الاسلامية ومصطلحات طبية مادري كيف حسبتها الحرمة وطلعت 7 مواد
يبغالي استفسر بعدين
للاسف اجباري اعيد السنة التحضيرية :(
.
.
الخاتمة:

اي واحد متررد بالتسجيل لابن سينا وحلمه يدخل طب او عارف نفسه مها ينقبل
اشوف ابن سينا خيار حلو وممتاز لاكمال الدراسة وحلمك
اي استفسار عن الكلية والتسجيل انا جاهزة

وبس كثرت كلام عارفة بس والله قصدي افيدكم
لاني عارفة المعلومات عن الكلية مو كلها متوفرة



تفضلو

[3zzouzz]

شكرا لكـِ وجزاك الله خير على مساعدة الراغبين بالتحويل ،
بس ابغى اعرف :
ليش كل البنات يبغوا طب ؟؟ ( طبعا مو كل ولكن خلينا نقول من 95%-99% ) ؟

[_soso_]

المشاركة الأصلية كتبت بواسطة 3zzouzz شكرا لكـِ وجزاك الله خير على مساعدة الراغبين بالتحويل ، بس ابغى اعرف : ليش كل البنات يبغوا طب ؟؟ ( طبعا مو كل ولكن خلينا نقول من 95%-99% ) ؟

عن نفسي هو مو طموحي طموحي بس يعني ماعندي مانع
ادخله خصوصا اني اكره الرياضيات والفيزياء والمواد العلمية جدا ماتخيل نفسي ادرس حاسب او علوم او هندسة
فحسيته يناسبني هالتخصص
بس اتوقع من وجهة نظري عشان البنات معظمهم دوافير وطموحات ومافي قدامهم يلبي الطموح االا الطب تقريبا
بعكس الاولاد طب وهندسة ماشاء الله والمجالات مفتوحة قدامهم
بعدين كثير اولاد ماشاء الله يبغو طب لاحظت هالشيء على البنات والاولاد
بس هالسنة لاحظت بنات كثير يبغو علوم تطبيقية بجانب الطب

[m!ss-oudy]

المشاركة الأصلية كتبت بواسطة 3zzouzz شكرا لكـِ وجزاك الله خير على مساعدة الراغبين بالتحويل ، بس ابغى اعرف : ليش كل البنات يبغوا طب ؟؟ ( طبعا مو كل ولكن خلينا نقول من 95%-99% ) ؟

بإختصآر .. مجـآلآت التوظيف والتخصصآت بقسم البنآت محدودة .

.. .. ..

مـآعندي فكرة عن كلية آبن سينآ
آستخيروا وربي يكتب لكم الخير

[-ريما]

مرره شكرا عشان كتبتي تجربتك .. بس ممكن اسألك كم كانت موزونتك ؟ يعني قبل ماتسحبي من عزوز

[_soso_]

المشاركة الأصلية كتبت بواسطة -ريما مرره شكرا عشان كتبتي تجربتك .. بس ممكن اسألك كم كانت موزونتك ؟ يعني قبل ماتسحبي من عزوز

كانت 84 والحمدلله على كل حال الرياضيات والاحصاء نزلو موزونتي مررة

المشاركة الأصلية كتبت بواسطة moony123 طيب ايش رايكم في الفارابي ؟؟

والله للاسف ماسمعت عنها كثير
بس هي للان ماخرجت ولا دفعة
اذا تبغي طب اسنان ادخلي الفارابي ولاتفكري بالبترجي لانها حسب ماسمعت سيئة

المشاركة الأصلية كتبت بواسطة رزان222 انا رحت من اول يوم تسجيل وياريتني مارحت بس ضيعت وقتي :) .. انا رحت الساعة 10 ورجعت 2 تقريبا الساعة 10 قلت كويس مو مرة متأخرة فجأة قالو قفل التسجيل بالنسبة للطب البشري والاسنان بالنسبة لبنات المحولات وكثير بنات يوم اتصلو قالوا اخلو طرفكم وتعالو سجلو وكمان في وحدة قالتلي انه يوم اتصلت قالولها يداومو من 8 وانا ماشاءالله سمعت انه في بنات من 6 مسنترين عند الباب xd يعني ماقالو للي اتصلو عليهم ترى بنكتفي بعدد مقاعد معينة وكدا بس قالولهم اخلو طرفهم وبتتسجلو اهلا وسهلا :) وانتي اكيد لو كنتي في المبنى حق الاولاد حضرتي الهواشات والمشاكل الي سارت من الامهات مع الادارة داك اليوم لانه ضيعولهم مستقبل بناتهم وعيالهم اخلو طرفهم وجايبين الشيكات وفي الاخير سوري قفل ايش الكلية دي الي يقفل تسجيلها بساعتين @@ طيب اذا كدا لا تقولو للناس يخلو طرفهم خلوهم يسجلو اساميهم ولمن يجي التاكيد قولولهم اخلو .. يعني ربك كريم انو انا ما اخليت طرفي داك اليوم ... وفي الاخير ربك ما كتبلي وكلو خيرة من رب العالمين .. بس للامانة يعني اعرف بنات فيها والحمدلله مرتاحين ومبسوطين والله يكتبلكم جميعا الخير والتوفيق يارب

ياساتر
الله يعينكم تجربة فظيعة بس اقلك للامانة انا رحت الكلية مرتين قبل ما اسجل انا من النوع الحريص مرة قبل ما اقدم على شيء
قالت لي الموظفة بالحرف الواحدة سجلي اول بعدين اخلي طرف لاتخلي طرف اول لانه ماتعرفي اش يصير وتتورطي
الي قالو لكم كذا مايخافو الله حرام عليهم من جد ضيعو مستقبل كثير من البنات الي اخلو انا جيت 7 وعشر دقايق كذا وبعدها بدات الزحمة على طول
كان رقمي 40 والحمدلله لحقت مقعد على اخر شيء لانه لما جيت اخلص من الكشف الطبي اعتقد وقف الرقم بالستينات وقالو مانستقبل بشري واسنان
لاتستغربي انه يقفل من اول ساعة لانه المقاعد للطلاب والطالبات المحولين محدودة وهي اصلا كلها على بعض 100 مقعد للطب وجزء منها للمستجدين
تعامل الادارة ماعجبني وتسجيلهم كله لخبطة وهوشة
الله يعينك والحمدلله انك ما اخليتي طرفك يمكن خيرة موفقة يارب

المشاركة الأصلية كتبت بواسطة caramelo شكرا جزيلا أختي .. هل عندك خلفية عن اللي يبغوا يكملوا طب أو أي مجال صحي بعد مادرس البيوكمستري في عبدالعزيز ؟؟ وكيف تكون معادلة المواد والأشياء دي ؟؟

ممم والله ماعندي فكرة كبيرة بس شفت بنات مخلصين احياء او يدرسو احياء
واعتقد انهم يعادلو بس مادري تعيدو من البداية او تنحسب لك سنين
اتصل على رقم الكلية افضل
6356555
تحويلة 172 قسم طلاب

[moony123]

طيب
ايش رايكم في الفارابي ؟؟

[رزان222]

انا رحت من اول يوم تسجيل وياريتني مارحت بس ضيعت وقتي :) .. انا رحت الساعة 10 ورجعت 2 تقريبا الساعة 10 قلت كويس مو مرة متأخرة فجأة قالو قفل التسجيل بالنسبة للطب البشري والاسنان بالنسبة لبنات المحولات وكثير بنات يوم اتصلو قالوا اخلو طرفكم وتعالو سجلو وكمان في وحدة قالتلي انه يوم اتصلت قالولها يداومو من 8 وانا ماشاءالله سمعت انه في بنات من 6 مسنترين عند الباب xd يعني ماقالو للي اتصلو عليهم ترى بنكتفي بعدد مقاعد معينة وكدا بس قالولهم اخلو طرفهم وبتتسجلو اهلا وسهلا :) وانتي اكيد لو كنتي في المبنى حق الاولاد حضرتي الهواشات والمشاكل الي سارت من الامهات مع الادارة داك اليوم لانه ضيعولهم مستقبل بناتهم وعيالهم اخلو طرفهم وجايبين الشيكات وفي الاخير سوري قفل ايش الكلية دي الي يقفل تسجيلها بساعتين @@ طيب اذا كدا لا تقولو للناس يخلو طرفهم خلوهم يسجلو اساميهم ولمن يجي التاكيد قولولهم اخلو .. يعني ربك كريم انو انا ما اخليت طرفي داك اليوم ... وفي الاخير ربك ما كتبلي وكلو خيرة من رب العالمين .. بس للامانة يعني اعرف بنات فيها والحمدلله مرتاحين ومبسوطين والله يكتبلكم جميعا الخير والتوفيق يارب

[violet rose]

المشاركة الأصلية كتبت بواسطة رزان222 انا رحت من اول يوم تسجيل وياريتني مارحت بس ضيعت وقتي :) .. انا رحت الساعة 10 ورجعت 2 تقريبا الساعة 10 قلت كويس مو مرة متأخرة فجأة قالو قفل التسجيل بالنسبة للطب البشري والاسنان بالنسبة لبنات المحولات وكثير بنات يوم اتصلو قالوا اخلو طرفكم وتعالو سجلو وكمان في وحدة قالتلي انه يوم اتصلت قالولها يداومو من 8 وانا ماشاءالله سمعت انه في بنات من 6 مسنترين عند الباب xd يعني ماقالو للي اتصلو عليهم ترى بنكتفي بعدد مقاعد معينة وكدا بس قالولهم اخلو طرفهم وبتتسجلو اهلا وسهلا :) وانتي اكيد لو كنتي في المبنى حق الاولاد حضرتي الهواشات والمشاكل الي سارت من الامهات مع الادارة داك اليوم لانه ضيعولهم مستقبل بناتهم وعيالهم اخلو طرفهم وجايبين الشيكات وفي الاخير سوري قفل ايش الكلية دي الي يقفل تسجيلها بساعتين @@ طيب اذا كدا لا تقولو للناس يخلو طرفهم خلوهم يسجلو اساميهم ولمن يجي التاكيد قولولهم اخلو .. يعني ربك كريم انو انا ما اخليت طرفي داك اليوم ... وفي الاخير ربك ما كتبلي وكلو خيرة من رب العالمين .. بس للامانة يعني اعرف بنات فيها والحمدلله مرتاحين ومبسوطين والله يكتبلكم جميعا الخير والتوفيق يارب

انا وصحبتي صارلنا نفس الشي من جد ايش دي الكلية الي يقفل تسجيلها بساعتين

[ḞάĥάĐ ẢĥмάĐ]

شكرا جزيلا أختي ..
هل عندك خلفية عن اللي يبغوا يكملوا طب أو أي مجال صحي بعد مادرس البيوكمستري في عبدالعزيز ؟؟
وكيف تكون معادلة المواد والأشياء دي ؟؟