أقفل التسكين ولم أدخل رغباتي .. ما الحل ؟

[عبدالرحمن محمد ع.]

السلام عليكم ورحمة الله وبركاته
كيف حالكم أحبتي الكرام رواد منتديات طلاب وطالبات جامعتنا العريقة

أنا طالب سنة تحضيرية ولدي مشكلة كبيرة , وهي إنه تسكين الكليات أغلق قبل عشرة أيام ولم أدخل رغباتي

رقمي المسجل في الجامعة قمت بتغييره بسببب ظروف طارئة وأخبرتهم إنني غيرته وسجلت لديهم رقمي الجديد لكنهم لم يرسلوا لي رسالة تذكير بموعد التسكين كما أنه لم يخبرني أحد من أصدقائي أو من الجامعة بذلك للأسف الشديد

ما الحل الذي ستتبعه الجامعة الآن معي ؟ هل سيقومون بإختيار كلية عشوائية لي ؟
وهل يستطيعون إذا ذهبت لعمادة القبول والتسجيل أن يفتحوا لي رغبات التسكين استثنائيا لأنني لم اكن على علم بموعد فتحها وإغلاقها إذا اخبرتهم بظروفي؟

اتمنى إنه اللي يقدر يساعدني لا يبخل علي بنصحه لأني فعلا مشتت ومشوش وماني عارف ايش الخطوات اللي اتبعها
أرجوكم ساعدوني أنا في حيرة من امري والموضوع هذا يؤرقني بشدة .. احتاج إجابة شافية وافية منكم أيها الإخوة والأخوات الأفاضل

شاكرا لكم مقدما تفاعلكم معي وجهودكم المبذولة من أجل الإرتقاء بهذا المنتدى الجميل أعضاء وإدارة .. تحياتي الجليلة لكم

[مسكوت]

لاتخاف ماهي مشكله كبيرة انا صارت معي
وانا بيتي بعيد عن الجامعه قررت اتصال ع عمادة القبول والتسجيل
وشرحت له ايش الموضوع وعطاني 4 ساعه اعدلهاا
وتمت والحمد لله
رقمهم
6952000
التحويله
52222
ان شاء الله يفيدك

[عبدالرحمن محمد ع.]

المشاركة الأصلية كتبت بواسطة مسكوت لاتخاف ماهي مشكله كبيرة انا صارت معي وانا بيتي بعيد عن الجامعه قررت اتصال ع عمادة القبول والتسجيل وشرحت له ايش الموضوع وعطاني 4 ساعه اعدلهاا وتمت والحمد لله رقمهم 6952000 التحويله 52222 ان شاء الله يفيدك

يعطيك ألف عافية يا أخوي ماتقصر على المساعدة .. الله يجزاك الجنة يارب على تجاوبك السريع .. طبعا أنا راح اتصل بكره في الصبح لأنه الدوام انتهى الحين
بس هل انت متأكد الله يسعدك إنه فعلا راح يردوا علي ويتجاوبوا مع مشكلتي ويساعدوني ؟ اخاف اجلس اتصل واتصل ومحد يرد .. لأني نسيت أقول إني رحت الجامعة وبالتحديد عمادة القبول والتسجيل في بداية شهر شعبان تقريبا وسألت هناك موظف شؤون السنة التحضيرية لطلاب الانتظام قالي بالحرف الواحد لا تشيل هم لأنه الجامعة راح ترجع تفتح التسكين في 15 شعبان .. وللأسف كل يوم بدخل ومافتحوه وطلع كلام الموظف غير صحيح والظاهر إنه كان بيصرفني بس

[m-alhrby]

تبي الصراحه ي خوي هما م يردون على الاتصالات اذا تبيهم يساعدونك
روح لهم بكرا اذا كان فيه دوام روح لعمادة القبول والتسجيل واذا محد فادك
اسالهم وين المدير اظن تلاقيه بالدور الثاني اشرح له وان شاء الله ربي يفرجها عليك
موفق

[ابراهيم عبد الرحمن]

شوف اخوي عبدالرحمن .. انا عندي نفس مشكلتك بالضبط !!
اقفل عليا التسكين وماحددت رغباتي ..وراجعت العمادة في الفرع الرئيسي .. وكلمت صاحب مكتب (السنة التحضيرية لطلاب الانتظام فقط ) قبل شهر تقريبا
وقلي تعال يوم 20 شعبان اعطيك ورقة تعبي فيها رغباتك .. وفرحت وصبرت بعدها لين سمعت ان النتايج راح تنزل يوم 17
قمت رجعتلهم يوم 15 , وكلمت اللي كان موجود في المكتب .. بس مو نفسه صاحب المكتب اللي اول ..
وقلتله انا اول كلمت صاحب المكتب وقلي تعال يوم 20 ويعطيني ورقة اعبيها .. قام قلي هذي الطريقة ذحين اتلغت عشان اللي كان عندهم نفس مشكلتي بعضهم
ضيعوا الاوراق وقال هذي السنة راح يفتحوا رغبات التسكين مرا ثانية (وقلي راح يفتحوه عشان اللي مسجلين صيفي وعشان اللي فاته التسكين من طلاب الفصل الدراسي الثاني 2013 )
يعني لاتشيل هم لان مايقول كذا الا لانه هذا الشي يصير عادةً للبعض كل سنة ..
وقلي انت شيك على الاودوس كل يوم ولمن يفتح التسكين عبي رغباتك .. ولازم تشيك كل يوم لان ماتدري متى راح يقفل التسكين
وقلي ذحين يوم 17 راح تنزل النتايج بالنسبة للي عبى رغباته من اول .. وقلي وبالنسبة للي مثلي ومثلك راح تنزل النتايج في العيد !!
وقلتله طالما كذا ماراح يكون لنا مكان في الرغبة الاولى للي مثلنا .. بس قلي الا راح يكون في مكان ..
هذا هو الكلام والبقية على الله .. ولا تنسى تدعي ان الله يفرجها اخوي عبد االرحمن .. ادعي كثير كثير وفي رمضان كمان لاتنسى ..
واتمنى اني اكون افدتك والله يوفق الجميع

[مسكوت]

معليش ع التاخير
انا دقيت أكثر من مره كلهاا تم الرد على بس المشكله في الكنترول مافي غير واحد
وهذا شيء غير مضمون
انت دق عليه الساعه 9 الصباح رد تمام
مارد روح للجامعه الله يعينك
العمادة تقفل الساعه 2
بس اذا بتروح روح للعميد مباشرة لاتكلم الاستقبال او اي احد ثاني
العميد يرسلك للمكتب المناسب لحالتك

ان شاء الله يفيدك

[عبدالرحمن محمد ع.]

المشاركة الأصلية كتبت بواسطة ابراهيم عبد الرحمن شوف اخوي عبدالرحمن .. انا عندي نفس مشكلتك بالضبط !! اقفل عليا التسكين وماحددت رغباتي ..وراجعت العمادة في الفرع الرئيسي .. وكلمت صاحب مكتب (السنة التحضيرية لطلاب الانتظام فقط ) قبل شهر تقريبا وقلي تعال يوم 20 شعبان اعطيك ورقة تعبي فيها رغباتك .. وفرحت وصبرت بعدها لين سمعت ان النتايج راح تنزل يوم 17 قمت رجعتلهم يوم 15 , وكلمت اللي كان موجود في المكتب .. بس مو نفسه صاحب المكتب اللي اول .. وقلتله انا اول كلمت صاحب المكتب وقلي تعال يوم 20 ويعطيني ورقة اعبيها .. قام قلي هذي الطريقة ذحين اتلغت عشان اللي كان عندهم نفس مشكلتي بعضهم ضيعوا الاوراق وقال هذي السنة راح يفتحوا رغبات التسكين مرا ثانية (وقلي راح يفتحوه عشان اللي مسجلين صيفي وعشان اللي فاته التسكين من طلاب الفصل الدراسي الثاني 2013 ) يعني لاتشيل هم لان مايقول كذا الا لانه هذا الشي يصير عادةً للبعض كل سنة .. وقلي انت شيك على الاودوس كل يوم ولمن يفتح التسكين عبي رغباتك .. ولازم تشيك كل يوم لان ماتدري متى راح يقفل التسكين وقلي ذحين يوم 17 راح تنزل النتايج بالنسبة للي عبى رغباته من اول .. وقلي وبالنسبة للي مثلي ومثلك راح تنزل النتايج في العيد !! وقلتله طالما كذا ماراح يكون لنا مكان في الرغبة الاولى للي مثلنا .. بس قلي الا راح يكون في مكان .. هذا هو الكلام والبقية على الله .. ولا تنسى تدعي ان الله يفرجها اخوي عبد االرحمن .. ادعي كثير كثير وفي رمضان كمان لاتنسى .. واتمنى اني اكون افدتك والله يوفق الجميع

الموظف اللي انت رحت سألته قالك لمن يفتح التسكين عبي رغباتك السؤال هو .. متى يفتح التسكين أساسا ؟ كل يوم ندخل نشيك على الاودس ما فيه فايده .. لو كان عندهم وقت معين يقولولونا عليه يفتح فيه التسكين كنا راح نشعر بإرتياح أكبر بدل التوتر الكبير اللي احنا فيه .. لكن للأسف كل موظف يقول كلام غير أنا رحت يا أخ ابراهيم عمادة القبول والتسجيل يوم الاربعاء ورحت طوالي على مكتب العميد لأنه هو الوحيد اللي راح يقدر ينهي الأزمة اللي احنا فيها هاذي ويعطيني كلمة حاسمة ، وقابلت مدير مكتب العميد وقلت له على مشكلتي وقالي التسكين راح يرجع يفتح يوم الخميس للي ما لحقوا ولطلاب الصيفي وطلاب الترم الثاني .. بس مثل ما انت شايف عدى يوم الخميس اللي كان امس وما انفتح التسكين للأسف .. وقالي كمان مدير مكتب العميد اكتب خطاب وقدمه لي .. وفعلا كتبت خطاب واعطيته هو وقالي راجعنا بعد كم يوم وان شاءالله خير وجزاك الله ألف خير على تفاعلك الإيجابي ومساعدتك يا أخ ابراهيم والله يفرج كربتك ويعز شأنك ومقدارك مثل مارفعت معنوياتي .. الرسول عليه الصلاة والسلام يقول خير الناس أنفعهم للناس .. وانت فيك الخير والله إنك ساعدتني واتجاوبت معاي لأنك بتعاني من نفس مشكلتي .. وان شاءالله إذا صار شيء جديد معاي راح اكتبه هنا على طول عشان تتطلع عليه .. وأنا متفاءل إنه بإذن الله تنحل المشكلة هاذي وندخل رغباتنا

[عبدالرحمن محمد ع.]

المشاركة الأصلية كتبت بواسطة مسكوت معليش ع التاخير انا دقيت أكثر من مره كلهاا تم الرد على بس المشكله في الكنترول مافي غير واحد وهذا شيء غير مضمون انت دق عليه الساعه 9 الصباح رد تمام مارد روح للجامعه الله يعينك العمادة تقفل الساعه 2 بس اذا بتروح روح للعميد مباشرة لاتكلم الاستقبال او اي احد ثاني العميد يرسلك للمكتب المناسب لحالتك ان شاء الله يفيدك

جزاك الله ألف خير يا أخ مسكوت وشكرا على التعاون والمساعدة .. وأنا فعلا عملت بنصيحتك ورحت لمكتب العميد دايركت واتفاهمت معاهم لأنه هوا هذا الحل الوحيد وان شاءالله خير وبالنسبة للرقم راح اجرب اتصل تسعه الصبح واشوف ..