مستجدة !

[shosho-9]

السلام عليكم ،،،
أنا اتسكنت في الادارة والاقتصاد بعد كم يبدا التخصص ؟!
وبالنسبة للجدول متى وكيف يتعمل ؟!

وشكرا ،،،

[nsetk]

وعليكم السلام والرحمة

نورتي الحته ياحببتي

طيب شوفي التخصص بعد ماتدرسي ثلاثه اترام في الكلية يعني بعد المستوى السادس
والجداول بكره تنفتح باذن الله لحد 16 رمضان تسجيل مبدئي وراح ينفتح ثاني بشوال

شوفي الخطه تبع الترم الاول ونزلي موادها والله يسهلك ياألبي

[نوونيتا]

يب ولازم تلتزموو بالخطه وما تخرجو عنها
لانو حيكون كدا اسهل عليكم

[mesho2011]

nsetk
مو بكره يبدأ التسجيل يبدأ يوم الأحد الجاي 28

[..Asayel]

طيب لو سمحتو وين ممكن نلتقي الخطه ؟
ايش هيا مواد الترك الاول

[الهيملي]

http://fea.kau.edu.sa/Default.aspx?Site_ID=120&Lng=AR

أدخلي على القسم وبعدها أدخلي على الخطة الدراسية.

موفقة إن شاء الله.

[نوونيتا]

حتلاقي الخطه في موقع الجامعه
مواد الترم الاول لمستجدين الاعمال هيه دي

مبادئ المحاسبة 1 ورمزها ACCT 117
المهارات اللغوية ورمزها ARAB 101
مبادئ الاقتصاد الجزئي ورمزها ECON 107
لغة انجليزية متقدمة 1 ورمزها ELIB 201
إحصاء أعمال ورمزها STAT 271

شوفي كمان دا الموضوع حيفيدك

http://www.skaau.com/vb/showthread.php?t=521035

[hatoonhilal]

طيب كيف أسجل ل الترم انا لسه جديده على دي الأشياء
لسه مكتوب عندي تحضيري مستوى اول شرفيه بعد التسجيل يتغير ؟
ياريت احد يساعدني

[الهيملي]

المشاركة الأصلية كتبت بواسطة hatoonhilal طيب كيف أسجل ل الترم انا لسه جديده على دي الأشياء لسه مكتوب عندي تحضيري مستوى اول شرفيه بعد التسجيل يتغير ؟ ياريت احد يساعدني

التسجيل يبدأ من بكرة بس كيف ما أعرف لكن الإخوان ماراح يقصروا بس أتوقع (تختاري المسار وتسوي الجدول ) ما أتوقع إن في أكثر من كذا.


بالتوفيق.

[lively life]

اممم طيب اسمعي عندك ادارة مستشفيات و الاقتصاد واتوقع ادارة عامة هادي تتخصصي فيها ع طول بس لو كنتي تبغي محاسبة تمويل نظم ادارة اعمال او تسويق فحتكوني مستجد اعمال لتلات مستويا وبعدين تتخصصي

("^_^) بس حبيت اخبرك ان شالله بتكوني عارفة قبل ماقولك