التحويل للعلوم التطبيقيه .. تبادل

[Hatoon hamed]

يا عسلات انا تخصص طب اسنان مساعد طبيب .. و بدي احول للعلوم الطبيه التطبيقيه ..
و حابه وحده تبادلني التخصص .. فاللي حابه نتبادل تكلمني و نروح الجامعه سوا ..
و بالتوفيق للجميع ياااارب ..

[l.f]

حييبتي متأكدين ممن موضوع التبادل !! كل شويه أشوف بنات منزلين مواضيع يبغو يعملو تبادل التسكين تم ع أسس معينه مااتوقع في تحويل بدي السهوله .. مووفقين يارب

[Hatoon hamed]

انا مني متأكده صراحه .. لكن فكرت بمنطقيه انو مو هما يقولو مافي مكان ؟
خلاص انا جبت وحده و اتبادل معاها المكان عادي .. بس اهم شي يكون المعدل يسمح لي انو احول للكليه اللي ابغاها ..
لكن ما أدري عنهم اذا بيرضولي او لا .. مع انو الموضوع المفروض يكون سهل ..
بس هما يصعبوها علينا والله ..و ان شاء الله خير

[بتولآ]

اذا مالقيتي بنت تتبادل معاك .. روحي اول يوم واطلبي منهم يحولوك ..
حاولي ولاتيأسي ..

[Hatoon hamed]

انا طلبت يحولوني .. و كمان حأروح تاني الين يرضولي ..
مني قادره استحمل قسمي والله

[R..F]

الله يسهلّك نقلك ياارب
ادعي دحين في العشر الاواخر وان شاءالله يصير كل خير

[Hatoon hamed]

آمييين يارب .. والله بأدعي من قبل اتخصص الى يومك دا .. و يااارب اتوفق و اتحول ..
والله حأكون اسعد شي .. ربي كريم و قادر

[rooose93]

حبيبي لو موزونك أعلى من أخر نسبة قفلت عليهآ الكلية لآتخافي حيحولكِ باذن الله

أنا العام سكنوني بالادارة والاقتصاد وكان موزوني عالي ورحت طلبت تحويل للعلوم ودخلوني " لأن موزوني كآن أعلى بكثير وكانت تخيرني بين التمريض والعلوم بس أنا فضلت العلوم " وبنهاية رمضآن طلعت نتيجة تحويلي :)

[rooose93]

^ ملاحظة هذآ م يتعبر تحويل هذآ بس كأنكك تغيري رغبة التسكين * لو موزونك يسمح *

[Hatoon hamed]

لا انا موزونتي اقل من اخر موزونه قبلوها بقليل ..
عشان كدا قلقانه شويه .. بس ان شاء الله يحولوني