يا شباب اختبرت ماده وانا مذاكر أخرى

[دمعتي غاليه]

السلام عليكمانا اختبرت ماده وانا مذاكر ماده ثانيه اهم شئ ماجاوبت ولا ع سؤال وش أسوي هل فيه حل
اختبرت استقطاب وانا مذاكر مشاريع
تكفون اللي يعرف رقم دكتور المادتين يعطيني إياه او يساعدني
الأخ عبدالله لا تخليني

[Expatriate]

وعليكمان السلام .. هذي الله يسلمك يسمونها فغاره .. والله يوفق في الاختبارات الجايه .. معوض خير .. انت عاد رفع في نفسك وقول استراحة محارب ..

[تركي فهد]

والله يا غالي ما لها حل والله اعلم لكن حاول تكلم دكتور الماده الخاص بالأستقطاب استعطفه ممكن يدفك ويساعدك .... وتفائل خير ترى المادة سهله ممكن تعدي

[تركي فهد]

دكتور المادة اشرف غريب من افضل التاس في تعامله وتسامحه والي اعرف ان الاختبار كان سهل جدا للصيفي أرسل له رساله على الأيميل

[تركي فهد]

دكتور المادة اشرف غريب قمه في التعاون جزاه الله كل خير و في تعامله وتسامحه والي اعرف ان الاختبار كان سهل جدا للصيفي أرسل له رساله على الأيميل

[dhme1408]

الأخ Expatriate قل خيرا أو أصمت
الأخ/ دمعتي غالية الله يسهل امورك راجع دكتور المادة وان شاءالله ذا ساعدك احمد الله ولاتعلم احد
تحياتي

[Expatriate]

حلوه لا تعلم احد .. اذا نصحتني لحلي فأنت نصحتني ، واذا نصحتني امام الناس فأنت اهنتني ..

[عبدالله 7z]

المشاركة الأصلية كتبت بواسطة دمعتي غاليه السلام عليكمانا اختبرت ماده وانا مذاكر ماده ثانيه اهم شئ ماجاوبت ولا ع سؤال وش أسوي هل فيه حل اختبرت استقطاب وانا مذاكر مشاريع تكفون اللي يعرف رقم دكتور المادتين يعطيني إياه او يساعدني الأخ عبدالله لا تخليني

وعليكم السلام ورحمة الله

الامر على الاغلب حسم وتم التصحيح ورصد الدرجات على النظام ولا في اي مجال للتعديل او التدخل في الامر لو انك متغيب وجبت عذر كان تاخذ اختبار بديل او او لو كلمت محاضر الماده بعد الاختبار مباشره حتى يتم مساعدتك والحقيقه المادتين مدرسيها قمه في الاخلاق والتعاون

ما نقول غير الله يعوضك خير في الجايات وكان الله بعونك

المشاركة الأصلية كتبت بواسطة expatriate وعليكمان السلام .. هذي الله يسلمك يسمونها فغاره .. والله يوفق في الاختبارات الجايه .. معوض خير .. انت عاد رفع في نفسك وقول استراحة محارب ..

اخي الكريم لا تحكم على الناس وانت مو عارف ظروفهم ما تدري ايش حالهم وايش هم عليه - - احسن الظن والتمس العذر لاخوانك بارك الله فيك

[Expatriate]

اخوي عبدالله والله اني انحرج منك ومن اسلوبك .. ولكن ترى مو قصدي شي بل تحمست بزيادة وانا مو قصدي اني اعيبه او اعيره .. وانا واعوذ بالله من كلمة انا في بعض الاحيان اقول عن نفسي فاغر اذا سويت شي يدل عل الفغاره .. فيه مره رحت لاصحابي وقلت لهم قصة ، كنت بالمعهد ادرس لغة ولما انتى الكلاس ذهبت الى سيارتي وفتشت في جيبي ما حصلت المفتاح روحت وهزأة العمال انهم اخذوه واشتكيت لمدير المعهد لاني متعود اضع مفتاحي بالدرج حق الماصه اين ذهب ..؟ بالاخير كنت باخذ تكسي واروح البيت اتجهت الى السياره اولا فوجددت المفتاح معلق بالباب .. بالهه هذي وش اسمها ..؟
فغااااره
اكرر اعتذاري للجميع انا انسان احب المناقشات القويه ومرح ولا ازعل بتات البته ومسامح كل احد .. وشكراً

[دمعتي غاليه]

شكرًا للجميع وأخوي اللي قال فاغر ترا عادي انا اعرف أن قصدك تمزح
والله اعلم بكل الظروف اللي تخلينا ننسا اسامينا هالايام
بس اللي عنده أيميل الدكتورين ياليته يرسلي
لأني ذاكرت الاستقطاب ع انه مشاريع
وذاكرت المشاريع ع انه استقطاب
يعني بالمادتين فكري كان ضائعة
والله ينجحنا باختبار الاخره أخير من الأولى وأبقى