تخرجت ولله الحمد [ولكن فرحة ناقصة ] الرجاء الدخول

[طالب الحور]

اللهم لك الحمد حتى ترضى ولك الحمد اذا رضيت ولك الحمد بعد الرضاء.

[color="teal"][color="blue"]اولاً : ابارك لجميع اخواني واخواتي الخريجين والخريجات وأسأل الله لهم التوفيق في الدارين ..

ثانياً: بعد جهداً جهيد وتوفيقاً من العزيز الحميد تخرجنا من هذه الجامعة ، ولكن بعد حساب المعدل تجريبيا ً أصبح 3.74

سؤالي لأهل الخبرة

ماهو الحل حتى يزداد نقطة واحدة ويصبح جيد جداً وتتكتمل الفرحة !!؟؟


أسأل الله أن يوفق من يرشدني لحل وأن يحقق له كل مايتمنى

[احبك ياربي]

اول شي الف مبروك
ثاني شي روح للجامعه راجعهم وانشب لهم عشان يجبرولك المعدل مره قهر صراحة
سمعت قبل كذا انهم ممكن يجبرولك اذا بقيلك شي بسيط
وبالتوفيق

[انترنت]

قبل تروح للقسم تحاول معهم شوف دكاترة المواد اللي عندك في الصيف شوف اكثر واحد طيب وحاول معه يزود درجتك وحاول تقنعه انه باقي شي قليل على جيد جدا وان شاء الله تبشرنا بتغير تقديرك

[مشعل العجمي]

ما شاء الله تبارك الرحمن
الف مبروووك اخوي
تستاهل الخير
وفالك التوفيق

حاول مع الدكاترة الي اخذت عندهم مواد الصيفي
اتوقع 5 درجات تعدل معدلك
اعمل الي عليك ولا تخلي المعدل يأثر على فرحتك
تحياتي

[white rose]

ما شاء الله تبارك الكريم الرحمن

مبارك تخرجك اخوي الله يوفقك وينفعك بعلمك وعملك ويجعله لك ثقيلاً في ميزان حسناتك

ومنها للاعلى الله يبارك فيك

وبالنسبة لاستفسارك اجابك عنه الاخوان الله يجزاهم خير

الدكاترة هما اللي يقدرون يزيدونك بالدرجات عشان تقدر توصل للمعدل اللي تبغاه الله يسخرهم لك وييسر لك كل خير ويوفقك :-)

[نص دافور]

الف الف مبروك تستاهل كل خير

[ام حمدان]

ماشاء الله تبارك الله



مُبارك تخرجك اخي الكريم منها للاعلى ان شاء الله

والله يبارك بعلمك وينع بك ويرزقك المراتب العاليه في الدراين

المشاركة الأصلية كتبت بواسطة احبك ياربي اول شي الف مبروك ثاني شي روح للجامعه راجعهم وانشب لهم عشان يجبرولك المعدل مره قهر صراحة سمعت قبل كذا انهم ممكن يجبرولك اذا بقيلك شي بسيط وبالتوفيق

مثل ماقال الاخ انترنت

اذكر من زمان ان ما خانتني الذاكرة مر علي موضوع باحد الاقسام في المنتدى لطالبة او طالب مش فاكرة بالضبط بس المهم انهم ذكروا انه ممكن هالشي يصير لو راجعت دكاترة طيبين ومتعاونين وحاول فيهم يدفونك قدر المستطاع

ما اعرف لو كان هالشي الان بيوافقوا لك عليه لكن حاول مابتخسر شي والله يسخرهم لك ويتحقق لك مرادك

وفقك الله في سائر امورك

[الــــدب]

ما شاء الله لا قوة إلا بالله
الف الف الف مبروك وان شاء الله ربي يحقق لك امانيك

[طالب الحور]

وفقكم الله جميعاً وبارك فيكم

[مشاعر صماء]

أنا تدربت ب العمادة وشفتهم مرة يزيدون لطالبات الطب معدلاتهم اللي نفس وضعك تقريبا لكن قالوا هذا الشيء فقط مسموح للتخصصات الطبية. ، ولو انه ظلم مفروض يطبق ع الجميع كلنا نتعب .

آلمهم انت كلم ؤحدة الخريجين ب العمادة يزبطوا الوضع إذا رفضوا أسألهم كيف أقدر أعدله وربي يكتب لك الخير