رجاء دخول من فاته اختبار القبول لقسم اللغات فرع الفيصلية

[NuranoO]

السلام عليكم ورحمة الله وبركاته

حابه استفسر عن موعد اختبار القبول بقسم اللغات الأوروبية بفرع الفيصلية لأنه فاتني الاختبار الأول
وقالوا فيه اختبار تاني وعبينا استمارات فيها اسمائنا بس للآن مو عارفين متى الموعد !
فتح التسكين وحطيت اول رغبة لُغة انجليزية وأنا لسى ما اختبرت القبول ! طيب كيف يعني هل الاختبار بداية السنة ولا هم حينزلو إعلان هنا في المنتدى ولا كيف ،، وإذا فاتني الاختبار تاني لاني مو عارفة الموعد ايش يصير ؟؟! يحطوني تاني رغبة ولا ادرس مواد تانية !! ماني عارفة


رجاءً اللي عندو اي اي معلومة بهذا الخصوص يفيدني مشكورين

[شـروق الزهراني <3]

وعليكم السلام ورحمة الله وبركاته


ان شاء الله في يوم 25 لما تبدأ الدراسه روحي وهم يحددون لكم يوم ! لاني مو عارفةة ! مو معقولة يخلون البنات يجون بنت بنت تسأل الا اذا بدأت الدراسه فعليًا !


بالتوفيق لككِ =)

[suliman az]

ممكن استفسار بخصوص قسم اللغه الفرنسيه هل له اختبار قبول ولا ع طول تتخصص

[NuranoO]

الله يعطيكِ العافية شروق مشكورة
خلاص عرفت يسسسس الحمدلله ، الإختبار يوم 27 ولازم يكون معانا كشف الدرجات ، واللي ما أعطتهم كشف الدرجات تروح لهم يبدأ استقبال الطلبات من السبت 1443/8/20 الى الأربعاء 1434/8/23 وأيضاً من السبت 1434/10/10 الى الأربعاء 1434/10/20


وبالنسبة لقسم اللغة الفرنسية صراحة ما عندي خلفية عنه ، نزلي موضوع عشان اللي يعرف يجاوبك الله يوفقك يا رب ( )

[روح فانية]

طيب وطالبات فرع السليمانية هل لازم نروح لهم قبل بدء الدراسة ولاكيف ياجماعه اللي عنده خبر يفيدنا.!

[NuranoO]

المشاركة الأصلية كتبت بواسطة روح فانية طيب وطالبات فرع السليمانية هل لازم نروح لهم قبل بدء الدراسة ولاكيف ياجماعه اللي عنده خبر يفيدنا.!

،
شوفي هذا الموضوع ان شاء الله يفيدك ، قريت ان الاختبار راح يكون بداية الترم الجاي للي في السليمانية


http://www.skaau.ws/vb/showthread.php?t=696609

[No0sa]

طيب انا التحضيري درستو في السليمانية ورحت سجلت في اختبار القبول
وقبلوني دحين في الفيصلية
يعني دحين فين راح يكون اختباري في السليمانية ولا الفيصلية؟؟؟