محتاجتكم بخصوص الجدول ...

[من تواضع لله رفعه]

السلام عليكم ورحمة الله ... كل عام وانتم بخير وربي يجعلها سنة خير على الجميع .

بكتبلكم المواد اللي باقيتلي وأبغاكم تساعدوني باختيار جدولي لأني مره متحيره وضايعه ومني عارفه ايش اختار ...

* اداره محليه . * ثقافه اسلاميه4 . *استشارات اداريه . * ثقافة المنظمه . *بحوث عمليات. *موازنه وماليه عامه . * تحليل تتنظيمي. * بحث وتدريب. * قراءات اداريه بالانجليزي.*أجهزه التطوير الاداري.*تقييم البرامج


الحكوميه. *وماده اختياريه. *ومادتين حره.

ها ايش رأيكم أنا قلت راح أختار (( اداره محليه .. ثقافه اسلاميه 4 ... متحيره بين بحوث عمليات وموازنه وماليه عامه ... وراح اخذ ماده اختياريه ادارةالعلاقات العامه )) باخذ 6 مواد يلا الله يوفقكم ساعدوني باختيار الجدول وافضل الاستاذات ...؟؟؟؟؟؟؟؟؟؟؟؟؟؟؟؟؟؟؟؟؟؟؟

[من تواضع لله رفعه]

افاااااااااااااااااا معقول في مشاهده بس مافي ولامشاركه هذا وانا طالبه مساعدتكم....!!!!!!!!!!!!!!!!!!!!!!!

[بكرى أحلى]

افضل الاستاذات دوري في هالبحث والله يوفقك يارب
http://www.google.com.sa/cse?cx=part...tive#gsc.tab=0

والباقي ان شاء الله يفيدونك بلي عندهم خبره ♥

[زينة الدنيا]

ادَارة محَلية ، كَانت حلوَه مَع عنود السَبعان المذَاكرة مِن ملزمة خَاصة فيها
وأسئلتها كانت تمَام ،
امَا موازنَة ومالية عَامة كانت مَع بدرية الجَهني ، وكانت اسئلتها نَفس اسئلة السنواتْ الماضية

بَاقي المواد ما اخذتهها ، وبالتوفيق ..

[فراشة جدة]

انا من راي تاخدي
1-ادارة محلية انا اخدتها عند سلوى وهي دايما بتنزل عند سلوى او العنود في ملخص الفتاة الحالمة مرره كويس ذاكري منه
2-بحوث عمليات مادة تعتمد على الفهم على حسب استاذتك امشي على كلامها وافضل استاذتين نسرين وامل تركستاني
3-موازنة عند بدرية الجهني وفي ملخص عذاري مرره ممتاز بس ضيفي عليه شرح الاستاذة كمان والاسئلة ماتخرج من شرحها
4-استشارات ادارية مادة سهلة بس مافي استاذات كويسة لي المادة بس منهجها قليل
5-تحليل تنظيمي او قراءات ادارية بالانجلش ،، لو نزلت قراءات ادارية عند نرفنا خديها مرره سهلة وقليل المنهج لو عند وحدة ثانية لا نزلي تحليل تنظيمي
6-ومادة اختيارية زي ماتحبي علاقات عامة او نظام سياسي سعودي
مانصح تاخدي ثقافة 4 دحين لاحقة عليها خلصي من مواد التخصص وهي سهلة اصلا مو صعبة

ان شاء الله اكون افدتك
موفقة

[من تواضع لله رفعه]

تسلمين يا فراشة جده وزينة الدنيا وبكرى أحلى وشكرا على مساعدتكم ونصايحكم ...