مهم بـشأن القرار الجديد

[B.Q]

طلاب اول سنة هندسة
نزل قرار جديد ومحتواها ان لابد من كل طالب ان يدرس جميع مواد السنة الاولى حتى يتخصص

بما اني ما نزّلت ie200 ولا ie201 ذا الترم
راح آخذ ترم زيادة قبل ما اتخصص , لكن سمعت أخبار انهم بينزلون ie200 وie201 ذا الصيف

هل ذا الكلام صحيح ؟

[B.Q]

ولا أي رد

[zelme]

ما ودي احبطك
لكن هذي المادتين مستحيل تنزل في الصيف
لان الصيف ما يغطي منهجها الكثيف
لكن مو مشكلة.. انت خذ ie200 الترم القادم وحتى لو تاجل التصميم بعد ما تتخصص.. شباب كثير سوو الحركة ذي

لكن السؤال انت كم منزل ساعة الترم ذا وايش موادك??
لان حتى تتخصص لازم تغلق خلال الترمين هذي 50 ساعة وie200

[B.Q]

المشاركة الأصلية كتبت بواسطة zelme ما ودي احبطك لكن هذي المادتين مستحيل تنزل في الصيف لان الصيف ما يغطي منهجها الكثيف لكن مو مشكلة.. انت خذ ie200 الترم القادم وحتى لو تاجل التصميم بعد ما تتخصص.. شباب كثير سوو الحركة ذي لكن السؤال انت كم منزل ساعة الترم ذا وايش موادك?? لان حتى تتخصص لازم تغلق خلال الترمين هذي 50 ساعة وie200

انت ما فهمتني , القرار الجديد انك ما تخصص الا لما تاخذ كل المواد
يعني صعبة اني اجمع ie200 و ie201 مع بعض في الترم الثاني
يعني بتأخّر ترم

[B.Q]

انا كنت مخطط 12 ساعة الترم الاول , 12 ساعة الترم الثاني , 6 ساعات صيفي

[zelme]

الله اعلم عن القرار الجديد
لكن اللي اعرفه ان هذا القرار يختص بـie200 فقط بدون التصميم

لكن انت حتى تكون في السليم
اذا اخذت الترم هذا 12 ساعة.. شد حيلك الترم القادم وخذ 14 ساعة الى 15 ساعة مع ie200 وبالتالي تكون غلقت اكثر من 50 ساعة مع ذي المادة
وما اعتقد والله اعلم ان التصميم داخل في شرط التخصيص

معلومة اخيرة: لا تعتمد على الصيف.. لان في احتمال ان ما يكون في صيف بسبب ضيق وقت الدراسة في الصيف
وبالتوفيق

[Majest!C]

IE200 من بعد اذن ZLME أعتقد تقدر تنزلها بالصيف لأنها بحث وتقدر تخلصها بشهر ( لكن قبلها تأكد من جدول الجامعة، هل سيكون فيه ترم صيفي ولا لأ ! )
بالنسبة ie201 فأحلم ثم أحلم تنزل لك صيفي ..

وفيه شيء مهم أبغى اقوله للطلاب الجدد ، لا تشيلون هم دخول التخصص، لأنك راح تجلس تقريبا سنتين إلى سنتين وترم بالهندسة تدرس مواد عامة بدءً من المواد العامة للأقسام الهندسية مروراً بمواد كلية الآداب والعلوم ..
المهم هو أن المواد العامة لازم تعرف أيش داخل بتخصصك وأيش ماهو داخل، فمثلا اللي يبغى يتخصص هندسة صناعية غير ملزم ومجبر على دراسة مادة الفلود في قسم الحرارية أو الستاتيكا قي قسم المدنية ( على ايام دفعتي 10 ، مدري اذا فيه تغيرات جديدة طرأت )

ولا تنسى فيه مواد غثيثة تضطر تاخذها من تخصصات ثانية، فتأكد أنها متطلب بقسمك + تقدر تنزلها صيفي وما تشيل همها ترم كامل

[zelme]

^^
كلامك سليم
وحتى يكونون في السليم احسلهم يمشون على الخطة الدراسية
لكل قسم برنامج دراسي فيه جميع المواد اللي لازم تغلقها وانت غير ملزم غيرها
هذا البرنامج الدراسي للكيميائيين
http://engineering.kau.edu.sa/Pages-...8A%D8%A92.aspx

[B.Q]

الله يوفّقكم رفعتوا معنوياتي