قروب بحث وتدريب استاذه نسمه عبد المجيد حشمت

فريرو روشيه · #1 20-09-2013, 05:02 PM

السلام عليكم ورحمه الله وبركاته

كيفكم صباايااا
يابناتيت انا مخصصه دا الموضوع لمادة بحث وتدريب لاستاذه نسمه
وان شاء الله يارب تكون كويسه وتساعدنا لانو كل اشعب مقفوله وسالت عنها قالو حقانيه بالدرجات وان شاء الله تدينا على قد تعبنا فاي وحده عندها معلومات عن دي الماده او الاستاذه راحتلها ولا كلمتها تدينا خبر
انا بروح لها ان شاء الله يوم الربوع ان الله قدرني
وسلامتكم يله بناات اشوف تعاونكم مع بعض طيب

جوري..~ · 20-09-2013, 09:06 PM

انا كمان ضفت الماده عندها ورحتلها بنفس اليوم.. قالت اهم شي ندرب بدري عشان ماننضغط قبل فتره الاختبارات وانو اي موضوع حابه تكتبي فيه البحث الافضل ترسليلها ايميل بالموضوع اللي ناويه تكتبي فيه وتكوني محدده كذا موضوع يعني اذا مو تمام هذا الموضوع ممكن اككتب عن كذا او كذا وهيا تختار الافضل تقول عشان بدل ماترسلي واقلك لا وترجعي ترسلي وتضيعي وقتك خلي في بالك كذا موضوع لان في بنات يشطحو يكتبو عن مواضيع مالها علاقه بقسمنا وتعطيكي الاوكي وتبدأي تتوكلي ع الله .. وعالموم قالت انو بالسنترا راح توضح كل شي بالتفصيل :)

وان شاء الله تطلع كويسه وتدينا حقنا بالدرجات زي ماتقولي :)

جوري..~ · 20-09-2013, 09:08 PM

ساعاتها المكتبيه :)

الاحد
10-1

الثلوث
10-1

الخميس
10-12

فريرو روشيه · 22-09-2013, 04:29 AM

اها طيب اووكي
ممتاز احد ادنا خبر بساعاتها المكتبيه
لانو كنت ناويه اروح الربوع وتكون روحتي ع الفاضي
طيب على ايت ايميل نراسلها
وانا سمعت انو البنات اللي يكونو مجنهدين ويجو ويسالو وكده الاستاذات يحفظوهم ويسيرو متابعين معاهم تمام

شفتو اديتكم سررر نقرتين لعرض الصورة في صفحة مستقلة

ويله فالنا ال a+ان شاء الله

جوري..~ · 26-09-2013, 11:34 PM

شوفي في محاضرات السنترا حاطه ايميلها ..

على فكره ردو الجامعه لاحد بلموافقه في التدريب لان انا رحت الثلوث وكتبت اسم المدرسه اللي ابغا اتدرب فيها .. وللان ماوصلني ايميل منهم

همسات الليالي · 27-09-2013, 12:24 AM

انا كمان معاكم مع استاده نسمه حشمت ان شاء الله تكون كويسه انا مو قادره ادخل سنترا حبيت اسالكم عن خطتها في البحث ادا نزلتهت لكم اولا موقعها لحد الان مافيه خطه ودا نزلت خطه البحث ياليت احد ينزلها ف المنتدى ومشكورين حبايبي وفالكم a بلس يارب