طالبات بحث و تدريب / د. نجلاء يحيى عبدالرحمن

[tuqa]

السلام عليكم

الطالبات اللي مع د. نجلاء هل نزلت لكم المادة في السنترا ؟

[ToOty & SoOso]

انا مع أميمه ومانزلت لي
شكل الماده هذي مالها سنترا
مع انه في الجدول الاسبوعي طالع عندي وقتها من 9:55 الى 10:55
وقتها غلط بس مانزلت اصلا

[(صعبة المنال)]

نزلت بالسنترا بس النظام عطلان صورة مايله وصوت معدوم تماما

لانه اخر ترم قالوا نجننهم قبل التخرج

الصبر الصبر

[tuqa]

صعبة المنال انتي مع أستاذة نجلاء ؟
إذا كنتي معاها ايش هي الأشياء المهمة اللي ذكرتها في المحاضرات

[إيموووووو]

انا مع د.نجلاء ...

ما نزلتلي المحاضرة في السنترا
بس روحتلها الجامعة وكان عندها مجموعة بنات

قالت لنا انو اللي راح تتدرب راح يكون التدريب 60 ساعه تعادل أسبوعين تقريبا

البحث << 15 صفحة - البحث لازم يكون لون الخط كلو اسود - و حجم الخط 14 - و نوع الخط Arial - تختاري أي موضوع انتي حابته و تتكلمي عنه مثلا تروحي المكتبة و تآخذي رسالة ماجستير والا رسالة دكتوراه و تآخذي منها كلام مناسب للموضوع اللي انتي بتتكلمي عنه في البحث ولازم يكون في البحث دراسات سابقة و ضروري تذكري المراجع في البحث

أما التقرير << 12 صفحة - التقرير عادي يكون الخط ملون - وإذا حابه تحطي أشكال مثلا مربعات أو دوائر أو رسم تشكيلي أو هيكل تنظيمي بالمكان اللي تدربتي فيه المهم تقدري تتفنني بالتقرير مؤ زي البحث لازم يكون شيء رسمي - و بالنسبة للتقرير قالت تكتبي فيه كل شيء سويتيه في التدريب و ضروري في التقرير تربطي بين التطبيق العملي و الدراسة النظرية

^^^ هادا الكلام كلو للبنات اللي راح يتدربو ....

&&&&&&&&&&

أما اللي ماتقدر او مو حابه تتدرب راح تسوي بحث متكااااامل بالتفصيل وراح تكون عدد صفحات البحث كثير طبعا مو زي اللي راح تتدرب 15 صفحة بس
و كمان تسوي تقرير - و استبيان



الساعات المكتبية للدكتوره نجلاء / يوم ( الأحد - الثلاثاء - الخميس ) من الساعه 10 الى الساعه 11
مكتبها / مبنى الاقتصاد والإدارة > مبنى (2) - الدور الثاني - اول ماتطلعي الدرج روحي يمين حتلاقي مكتبها آخر شيء على يمينك

((( آخر يوم للتسليم و للمناقشة راح يكون 10 محرم و بعدها الدكتوره ماراح تكون موجوده بالجامعة )))

ان شاءالله أكون أفدتكم
و بالتووووفيق يآآرب للجميع

[يالبى قلبي]

ايمو الله يجزاك الخير عالمعلومات ويارب يوفقنا ويسهل علينا