البنات اللي اتدربو في بنك

[memo moon]

السلام عليكم ورحمة الله وبركاته ..
كل عام وانتو بخير ياحلوين اتمنى تفيدوني يابنات انا مره اتاخرت المفروض كان اتدربت قبل الحج ومره حايسه ومتردده بس ناويه اتدرب في بنك ابغى اعرف قبل مااروح اتدرب كيف طريقة تدريبهم واللي طلبوه منكم وكدا يعني
اتمنى تردو عليا وتساعدوني وتساعدو كل البنات اللي ضايعين زيي وشكرا

[%بحر العطاء%]

أنا كمان زيك لأني سددت متأخر وأضفت متأخر .. إن شاء الله نلقى اللي يساعدنا

بس هو تاخذي أوراق من الجامعة مختومة حق التدريب أنا أخذتها وراسلت أستاذة المادة ما ردت عليا :( بس مدري بعدين اش السالفة :)

[memo moon]

حبيبتي بحر العطاء هوا الورق موجود في الموقع لانو بكل الاحوال ماينفع تعبيه بخط يدك لازم تعبي المعلومات بالكمبيوتر وبعد ماتخلصي تطبعي الورق وتوديه للجامعه بس قبل دا كلو لازم تعرفي وين حتدربي عشان تتاكدي من مكان التدريب وتكتبي في الخانه عند جهة التدريب بالكمبيوتر وبعد ماتخلصي خلاص تاخدي الورق اللي هيا 3 ورقات تختميها في الجامعه عند مبنى الاداره حقنا وبعد كدا وتوديه للدكتوره حقتك توريها هوا ويمكن تختملك عليه تاني وتاخدي الورقه اللي تخص التدريب اللي هيا نموذج التقييم اظن وتوديها للمكان اللي حتدربي فيه وخلاص تبداي تدريب
والله يوفقنا كلنا :)

[انفاس زوجها]

انا باقي ماتدربت واحس اني من جد ضائعه
مين استاذتكم انا عند لطيفة باعشن وماني قادرة اوصلها

[%بحر العطاء%]

ميمو

لا هم الجامعة أعطتني الورق وعادي .. لو عن طريق الكمبيوتر كان قالتلي

حتى لما أعطتني الورق ختمتلي عليه


أنفاس

أنا عند أ- جيهان فكهاني ونفس الشي لسا بحاول أتواصل معاها

[memo moon]

بحر العطاء ايوا يمديكي تاخذيها من الجامعه مختومه بس اللي اعرفو لازم تعبي البيانات بالكمبيوتر مو بخط اليد
المهم احنا الثلاثه اللي ضايعين تعالو اقولكم انا امس رحت 4 فروع للبنك الاهلي اتهجولت هجوله مايعلم بيها الا الله ولمن لقيت فرع عاملين قسم خاص بالتدريب دخلت وسالت قابلتي البنت المسؤوله عن التدريب قالتلي للاسف اكتفينا وطبعا ماالومها لاني اتاخرت مره المهم اللي اكتشفتو انو البنوك مكتفين وحنضيع وقت وماحنلاقي بعد كدا رحت مستشفى رقبان اختي اتخرجت الترم اللي فات اتدربت عندهم قلت مالي غيرهم فعلا رحت ولقيت وانا لحالي حتدرب يعني مافي زحمه وكدا اذا حابين تلاقو مكان على طول عشان تلحقو وماتضيعو وقت تعالو اتدربو معايا انا اليوم بروح الجامعه اختم اوراقي واروح المستشفى اديهم وابدا تدريب

[الانس]

فين المستشفى ؟
أول مرة اسمع عنه

[memo moon]

عيادات الدكتور هاني عبدالله رقبان
رقمهم 0216946207
انا ان شاء الله على الساعه 9 بروح اعطيهم ورقه القبول واختمها من عندهم وبروح على الجامعه عشان اكمل ختم النماذج الثانيه واعطيها دكتورتي
اللي يدرب واحد مصري شكلو مررررررره طيب والمكان رايق وهادئ ومافي متدربين انا اول متدربه عندهم اللي تبغى تجي تتدرب معايا تعطيني خبر
موفقين

[memo moon]

على فكره العياده ف النهضه

[asfr]

انا زيكم ضااايعه رحت قبل اجازه الحج للبنك الفرنسي واخذو اوراقي وقالو راح نكلممك وسحبو عليه للان لاردو عليه ولا رجعو ليه اوراقي مرررررره محتاسه مدري وش اسوي