اقدر ادخل طب ؟

[Positive]

السلام عليكم
لو جبت في كل المواد +a
بغض النظر اذا كانت فل مارك ولا لا
اقدر ادخل طب ؟
حلمي ادخل الطب
قسم بالله صرت موسوسة بالدرجات
أنام اقوم احلم فيها 💔😭

[BbiRiBpapa]

حتى انا حابه اسأل
لانو سارتلي ظروف
وجبت في الستاتستك 19 والانقلش 87 من 100
وكلو بسبب ظروف
واختبار البايو والكيمستري لسا ما اختبرتهم

انا في غير الطب محالاقي نفسي :(
تتوقعو لو جبت في كل المواد 28 و 29 باستثنا اول دوري ستاتستك و انقلش عندي امل ان شاء الله ""(؟

[iK6]

هذه شروط كلية الطب، وطب الأسنان، والصيدلة،
لكن يبقى شرطين عامة وهي اللي تفصل في مسألة القبول، ألا وهي الافضلية للمعدل النسبي الأعلى وحسب الطاقة الاستيعابية للكلية،
لذا يفضل أنك تحافظي على معدل عالي ودرجات عالية جداً، وخصوصاً أن التسكين في الكليات يعتمد على النسبة الموزونة أي درجة كل مادة من مئة مضروبة في عدد ساعاتها، ويقسم مجموع درجات المواد على عدد الساعات الإجمالي.
لذا الدرجات تصنع فرق إذا كانت A+ 95 أو كانت A+ 100 في التسكين.
وأخيراً المقابلة الشخصية في حالة تخطي كل ذلك،
وتوفيق وإرادة الرحمن الرحيم.

[Ranad Ayman]

انتي حدك 5 درجات تنقصيها لو نقصتيها حاولي ما ينزل عن ال90 لانه مرة حسبتها انه لو جبتي في كل المواد بين 90 و 95 معدلك بيكون في الترم الاول 4.79
ولو كل موادك بين ال95 و ال100 تنحسب 5

فحاولي تخلي اقصى حاجة انه ما يقل عن ال90 .
والله يوفقك حبيبتي .

[Dinah]

المشاركة الأصلية كتبت بواسطة BbiRiBpapa حتى انا حابه اسأل لانو سارتلي ظروف وجبت في الستاتستك 19 والانقلش 87 من 100 وكلو بسبب ظروف واختبار البايو والكيمستري لسا ما اختبرتهم انا في غير الطب محالاقي نفسي :( تتوقعو لو جبت في كل المواد 28 و 29 باستثنا اول دوري ستاتستك و انقلش عندي امل ان شاء الله ""(؟

مبدئياً الأفضل ما تنقصي أكثر من خمس درجات في الاحياء و الكيمياء والأنجلش كمان
وعندك الأحصاء حاولي تشدي حيلك وما تنقصي أكثر من اللي نقصتيه كفايه كذا

لأنو حسبت لك اذا الاحياء 95 من 100
والكيمياء 95 من 100
والاحصاء 81 من 100 لأنو نقصتي
والانجلش 87 من 100
وفيه انجلش ثاني قلت انو 100 من 100 إن شاء الله

نسبتك %93
______________

إذا شديتي حيلك بالترم الجاي واخذتي نسبة %95

راح يصير معدلك النهائي 4.75 ونسبتك %94

ودي السنة وقف القبول بالطب البشري موازي طبعاً %94

وكل سنة تتغير على حسب الدفعة وشطارتها يعني

_____________

عندك هدف وقوة وإصرار على تحقيقه ما راح يأثر عليكي كم درجه تنقصيها ربك كريم وما حيضيع تعبك شدي حيلك وذاكري أول بأول بذات الكيمياء والأحصاء لأنها فهم ولازم تتدربي على الأسئلة وغير كذا الأحياء حفظ مع شويه فهم رتبي وقتك ونظميه مزبوط وبإذن الله تحققي حلمك
وادعي ربك دائماً انو يكتب لك اللي فيه الخير لك .


لاااااا تستسلمي أبداً

وانتي كمان Positive شدي حيلك

كل ما حسيتو انو تعبتو من المذاكرة وقرفتو منها لا تفقدوا الأمل فكروا بلذة تحقيق الحلم لما تطلع نتائج التسكين و تفتحوا الأودس تحصلوا اول رغبة مكتوب قدامها (( حققت رغبة الطالب )) حتقولوا يستاهل و الله كل هالجهد و التعب ودموع الفرح وكذا لأنها أهم حاجه لما يتحقق لك اللي تتمنيه لأنو اللي جربها ولذتها يطمع انو يجربها ثاني وثالث ورابع مرة


بالتوفيق للجميع :)

[Yasmina95]

يعتمد على شطارة الدفعة

[قاهر الاحزان]

المعدل ما يدخل في التسكين بما انكم تحضيري لكن تفرق معاكم النسبة الموزونه

بما معنى انو كلكم a+ لكن اللي جاب 99 مو زي اللي جاب 95 !! اللي جاب 99 تنحسب له زياده بالنسبة

انا دفعة 12 وعلى وقت دفعتي المنتدى هنا قلب نياح من خيبة الامل ! واولهم انا لاني كنت ابغا هندسة عامة لكني انقبلت هندسة تصاميم للاسف والان مرة مو مرتاح فيها وكاره عمري واتمنى احول للاداره والاقتصاد بس ما قدرت لانو معدلها 4 وهو اعلى معدل بين الكليات بالتحويل والحين عالق بكليتي لي سنه ونص و حسبي الله ونعم الوكيل وطبعا (دعواتكم احول بين الترمين)

لذلك من بدري شوفوا درجاتكم وعلى خبري عند البنات وقف الطب لدفعة 13 على نسبة موزونه 97 ! يعني المهمه مرة صعبه وفي بنات معدلاتهم 5 وما دخلوا طب !

لذلك من بدري شوفوا ايش يناسبكم وشوفوا النسب ولا تعلقوا امالكم وخليكم مستعدين لانكم ما تنقبلوا بالكليات اللي تبغوها !

اتذكر كان في بنت معي بالدفعه مرة متفائله وكانت محتاره كمان بين الصيدله وبين طب الاسنان ولقيت نفسها ادارة واقتصاد ! يعني ما حصلت ولا كلية طبيه ! فانتبهوووووووا

انا ما احطمكم بالعكس الله يوفقكم ويحقق لكم امانيكم لكن انا احذركم من انسان عايش التجربة وذاق مرارتها !

[Ahmed Khojah -14]

أولا/ هذا شرح مفصل لطريقة حساب المعدل الجامعي

نبدأ بشرح نظام النقاط ودرجاتها

من( 95-100 ) تحسب الوحدة الدراسية بـ 5 نقاط

من(90 -94 ) تحسب الوحدة الدراسية بـ 4.75 نقاط

من( 85-89 ) تحسب الوحدة الدراسية بـ 4.50 نقاط

من( 80-84 ) تحسب الوحدة الدراسية بـ 4 نقاط

من( 75-79 ) تحسب الوحدة الدراسية بـ 3.50 نقاط

من(70-74 ) تحسب الوحدة الدراسية بـ 3 نقاط

من( 65-69 ) تحسب الوحدة الدراسية بـ 2.50 نقاط

من(60-64 ) تحسب الوحدة الدراسية بنقطتين

f تحسب الوحدة الدراسية بنقطة واحدة

مثال :

مادة اللغة العربية مسجلة بـ 3 وحدات دراسية أي اقوم بضرب 3 بعدد النقاط الموجوده في الشرح علاه حسب درجتي

نفرض إنك حصلت على 80 في اللغة العربية فتيتم ضرب 3*4=12 نقاط

* يتم تجميع النقاط لكل المواد الحاصل عليها في جميع الفصول الدراسية وقسمتها على عدد الساعات المسجلة لحساب المعدل


ملاحظات من خلال شرح العملية الحسابية :

1-للرسوب تاثير سلبي على المعدل ولكن يخف هذا التأثير في حال الحصول على درجات مرتفعة في باقي المواد وعند النجاح في المادة الراسب فيها

2- تكتب درجتك ( المواد المتعثر فيها بعد دراستها والنجاح فيها) كما نجحت وليس فقط درجة النجاح (60) كما لا يحذف (f) من كشف الدرجات ويبقى حتى التخرج

3- سمي المعدل تراكميا لان نتائج المواد المسجلة تتراكم مع بعضها من اول ترم حتى اخر ترم في الدراسة وتأثيرها يبقى في المعدل ايجابيا او سلبيا

4- الفصل الصيفي مثله مثل أي فصل دراسي

[Noce]

المشاركة الأصلية كتبت بواسطة ik6 هذه شروط كلية الطب، وطب الأسنان، والصيدلة، لكن يبقى شرطين عامة وهي اللي تفصل في مسألة القبول، ألا وهي الافضلية للمعدل النسبي الأعلى وحسب الطاقة الاستيعابية للكلية، لذا يفضل أنك تحافظي على معدل عالي ودرجات عالية جداً، وخصوصاً أن التسكين في الكليات يعتمد على النسبة الموزونة أي درجة كل مادة من مئة مضروبة في عدد ساعاتها، ويقسم مجموع درجات المواد على عدد الساعات الإجمالي. لذا الدرجات تصنع فرق إذا كانت a+ 95 أو كانت a+ 100 في التسكين. وأخيراً المقابلة الشخصية في حالة تخطي كل ذلك، وتوفيق وإرادة الرحمن الرحيم.

الإنجليزي يطلبوا فيها 85 وفوق لكل ليفل ولا كيف ؟

[Mirinoxd]

المشاركة الأصلية كتبت بواسطة dinah مبدئياً الأفضل ما تنقصي أكثر من خمس درجات في الاحياء و الكيمياء والأنجلش كمان وعندك الأحصاء حاولي تشدي حيلك وما تنقصي أكثر من اللي نقصتيه كفايه كذا لأنو حسبت لك اذا الاحياء 95 من 100 والكيمياء 95 من 100 والاحصاء 81 من 100 لأنو نقصتي والانجلش 87 من 100 وفيه انجلش ثاني قلت انو 100 من 100 إن شاء الله نسبتك %93 ______________ إذا شديتي حيلك بالترم الجاي واخذتي نسبة %95 راح يصير معدلك النهائي 4.75 ونسبتك %94 ودي السنة وقف القبول بالطب البشري موازي طبعاً %94 وكل سنة تتغير على حسب الدفعة وشطارتها يعني _____________ عندك هدف وقوة وإصرار على تحقيقه ما راح يأثر عليكي كم درجه تنقصيها ربك كريم وما حيضيع تعبك شدي حيلك وذاكري أول بأول بذات الكيمياء والأحصاء لأنها فهم ولازم تتدربي على الأسئلة وغير كذا الأحياء حفظ مع شويه فهم رتبي وقتك ونظميه مزبوط وبإذن الله تحققي حلمك وادعي ربك دائماً انو يكتب لك اللي فيه الخير لك . لاااااا تستسلمي أبداً وانتي كمان positive شدي حيلك كل ما حسيتو انو تعبتو من المذاكرة وقرفتو منها لا تفقدوا الأمل فكروا بلذة تحقيق الحلم لما تطلع نتائج التسكين و تفتحوا الأودس تحصلوا اول رغبة مكتوب قدامها (( حققت رغبة الطالب )) حتقولوا يستاهل و الله كل هالجهد و التعب ودموع الفرح وكذا لأنها أهم حاجه لما يتحقق لك اللي تتمنيه لأنو اللي جربها ولذتها يطمع انو يجربها ثاني وثالث ورابع مرة بالتوفيق للجميع :)

لو سمحتي كيف حسبتي النسبة؟
اقصد كل درجة كم تساوي ف النسبة المئوية؟
وانا حاذفة الانقليزي ممكن تقوليلي كم كل درجة تساوي ف النسبة بدون الانقلش؟
يديكي العافية