ماهو الحل في عدم رد الدكتور المشرف على البحث

[samel3]

السلام عليكم ياشباب

ارسلنا ايميلات الين طفشنا ماحد رد علينا

واتوقع بعضكم كذلك

بخصوص تحديد بحث التخرج

لذلك عندي فكرة اني بكرة اروح للجامعة واقابل الدكتور وجها لوجه

تؤيدون ذلك ؟

تحياتي للجميع

[السهم الملتهب 999]

هلا وغلا اخوووي

اذا كنت بجده او قريب منها عادي تروح بس اذا بعيد لا تستعجل بيرد عليك الدكتور لا تشيل هم بس اصبر الى الاسبوع القادم والله يوفقك

[samel3]

انا بكرة مستأذن من العمل وعندي شغلات كثيرة

احتمال امر الجامعة واشوف الهرجة معهم وبالمرة الملخصات

شكرا لك ولمرورك الكريم ولك كل الود

[سلطان بن عبدالله]

المشاركة الأصلية كتبت بواسطة samel3 انا بكرة مستأذن من العمل وعندي شغلات كثيرة احتمال امر الجامعة واشوف الهرجة معهم وبالمرة الملخصات شكرا لك ولمرورك الكريم ولك كل الود

ياليت ياخوي تستفسر منهم والله طفشنا وحنا ننتظر ومحد رد علينا المشكله الوقت يمشي ...وانا برى الرياض اذا استفسرت منهم عطنى خبر الله يوفقك يارب..

[آخر الغيم]

تكفى ياخوي استفسر منهم ليه مايردون على الايميلات بخصوص استمارات التدريب .. كل التقدير لك.

[kahlid2005]

ياشباب وحسب تفسيري لعدم رد الدكاتره

هو هذا الاسبوع اخر اسبوع من دورات التاهيلية والدكاتره كلهم مشغولين فيها واتوقع ان الاسبوع القادم ان شاء الله يردو عليكم

[samel3]

السلام ياشباب

رحت للجامعة ومع الاسف ما لقيت الدكتور

ولقيت الاستاذ بدر الخضيري

وقال تابع مرة اخرى مع الدكتور اذا ما رد عليك

ارسل لي ايميل وانا اشوف الدكتور وارد عليكم

الايميل موجود في المنتدى

[الديوان]

مع التحيه والتقدير لأخي صاحب الموضوع..

لاتكلف على نفسك أكثر من وسعها فأنا أؤكد لك اذا راسلت دكتور مادة مشروع التخرج بالايميل اكثر من مره ( ولم يرد عليك ) ! فلك الحق ان تبدأ بإعداد وكتابة بحث نموذجي تختاره من عندك وتقدمة في موعد الاختبار وتؤدي ماعليك ولا داعي للقلق ..

ضع في اعتبارك المنطقي ان أي دكتور لايمكنه احتواء جميع طلبته المنتسبين معه وهذا ما أكده لي الدكتور الحبيب متوكل يماني وبالتالي من الاجدى لك أن تقوم بإعداد بحثك
ولكن !!! ليس الان .. انتظر لترى مجريات الامور الاسبوعين القادمين للتأكد

فائق الاحترام