بخصوص تخفيض السفر

[قمر عشر طعش]

بسم الله الرحمن الرحيم
السلام عليكم ورحمة الله وبركاته
اول شئ مبرووووووووك نهاية السنة التحضيرية وعقبال ماكل واحد يدخل التخصص اللي يبغاه
واللي ربي كاتب له الخير فيه .
انا حابه اسأل عن طريقة اخذ تخفيض السفر من الجامعة بالتفصيل , لاني دخلت ع الاوديس
ولقيت مكتوب ارغب بالسفر من .... الى ... الى.... الى....<< ايش المقصود من الثلاث فراغات؟
وهل اطبعه بالبيت وبعدين اوقعه من الشؤؤن ؟؟ او هما يطبعوه هناك ؟؟
وياليت تقولولي كم رقم الغرفة اللي يوقعوا فيها ع التخافيض؟
سووري ع كثر الاسئلة بس الجهل وما يسوي
انا عارفه ماراح تقصروا ومشكوورررين مقدما .

[nado0osha]

شوفي ياحلوة بالنسبة للتخفيض انا عملتو الترم الأول

انك تحطي في الاودس البلد يعني من فين لفين مالك دخل بباقي الخانات اهم شي حطي المدينتين وبعدين في زر تضغطي تحت اعتقد مكتوب عليه ارسال الطلب
حيقولك انو تم ارسالة ويتم استلامة بعد 24 ساعة
يعني روحي الجامعة بعد 24 ساعة
انا اقولك فين تروحي روحي مبنى 13 حق الشؤون وبعدين في غرفة والله ما ادري كم بس الللي جنب الباب هيا نفسها اللي عملنا فيها اختبار تحديد الميول وكمان هيا نفسها اللي تاخدي منها ورقة الدورات
المهم اذا ماعرفتي روحي لمكتب مديرة الشؤون واساليها واذا روحتي قوليلها انا قدمت طلب بتخفيض طيران وابغا استلمة حتقولك باسم مين وبعدين تطلعو وتطبعو وتختمو لكي وبس
ورحلة سعيدة

[υикиσωи]

وعليكم السلام ...
الله يبارك في عمرك ...

اطلبي دحينا من الادوس ...حطي ( الى ( وحدة من المدن ) ) ...والتانية سيبيها فاضية ...

بسس ..

بعدينا تروحي عند الشؤون ..ماني متزكرة رقم الغرفة ..
بسس ما تضيعي ان شالله ...
لو دخلتي من البوابة حقت 13 اللي قدام المكتبة المركزية ... البوابة التانية مو الاولى ...
أمشي قدام ... تجيكي لفة ع اليسار ... امشي كمانا .. اول غرفة حتقابلك ع اليسار خشيها ...
والحرمة بالتحديد ..اللي في تاني نكتب ع اليسار ...


آآخر مرة روحتلهم قبل اسبوعين ..كان النظام عطلان ..وكتبا ورقة خطية ...

بسس هما يوقعولك ويسوو كل شي ...
انتي دحينا بسس روحي اعملي طلب ...

[قمر عشر طعش]

مشكوووووووووورة الله يسعدك يا شيخة كفيتي ووفيتي
اعتقد من كلامك تقصدي غرفة 9
جزااك الله الف خير

[υикиσωи]

المشاركة الأصلية كتبت بواسطة nado0osha انا اقولك فين تروحي روحي مبنى 13 حق الشؤون وبعدين في غرفة والله ما ادري كم بس الللي جنب الباب هيا نفسها اللي عملنا فيها اختبار تحديد الميول وكمان هيا نفسها اللي تاخدي منها ورقة الدورات

لا مو في دي الغرفة ...

لا تلفي اصلا ..امشي كمانا قدام ..

[*ديـــم*]

وعليكم السلام ورحمة الله وبركاته ..

الله يبارك فيك ومبروك لك كمان :)

... شوفي ياعسل اللي اعرفه انك تطبعينها من عندك واكتبي بس من الى وتروحين ع الشؤون اللي في مبنى العلوم في الدور الثاني ..
بس انتبهي وانت تطبعين الورقه لاتطبعينها اكثر من نسخه لانها محسووبة او اذا طبعتي كذا نسخه خذيها كلها معاك ..

وسلااااااااامتك .. بالتــووفيق :)

سلمي ع اهلك << خخخخخخخخخخ

[قمر عشر طعش]

مشكوووين صبايا ماقصرتوا

[بيو كيميائية ^_^]

لا غيروا النظام

تروحين الشؤون غرفة 35 وتقولين لهم ويعطونك ورقة تعبينها بس مايحتاج تقدمين طلب

[υикиσωи]

<< زهورة عشان النظام كان تعباان

بسس منتي دارية تروحلهم بكرة يكون زبط ...ويقولولها ما ليكي طلب

فخدي احتياطك واعملي طلب

[بيو كيميائية ^_^]

من زمان من نهاية الترم الأول وهم ماصلحوه
تسوي ماراح تخسر شيء