استفسار عن المعدل الموزون

[ranumg]

السلام عليكم ورحمه الله وبركاتو

بسال عن المعدل الموزون للقبول في كليه الطب

في ناس تقول هما يطالعو في مواد معينه عشان تنقبلي طب والمواد هادي هيا *كيميا واحيا وانجلش وفيزيا *

والمواد التانيه مايطالعو فيها

هل هذا صحيح

وكيف احسب معدلي اللي يطالعو فيه لمن ابا اتخصص طب وشكرا.

[Mirinoxd]

لا خطأ

هما حياخذو المعدلين كلهم
المعدل الخاص والعام في القبول
المعدل الخاص تنقبلي فيه في الكلية
لكن العام حق كل المواد هو الي حيستخدموه في المفاضلة لين يخلص ال200 مقعد

[Yasmina95]

شوفي

النسبة الخاصة هي: احياء وفيزياء و كيمياء و انجليزي بمستوياته ماعدا الاول
تضربي النتيجة الي أخدتيها للمواد الأربع بعدد ساعاتها وتقسميهاا على عدد الساعات
هذي النسبة ضروري عشان تدخلي بالمفاضلة وتكون من85 و اعلى


النسبة العامة جميع المواد تأخذي درجة اللي اخذتيها وتضربيها بعدد الساعات وتقسميهاا على عدد الساعات
والنسبة العامة اهم لانو يبدأ المفاضلة على اول 200 مقعد فيها