درستوا خطة ب الترم الأول ؟ تعالوا ساعدوني :)

[Positive]

السلام عليكم ورحمة الله وبركاته
كيفكم ان شاء الله تمام ؟
خلص الترم الأول على خير وان شاء الله تطلع درجاتنا وتكون كويسة يارب
حبيايبي البنات اللي درسوا مواد خطة ب
أبغى طريقة دراستكم لكل مادة بالتفصيل الممل
وايش المصادر اللي اعتمدتوا عليها
سمعت بس ما أبغى أخاف وانا لسى ما جربت انه الاحصاء جداً صعب
وكمان الكيمياء البنات اخذوا درجات متدنية ؟؟! أنتوا آيش رأيكم
افيدوني
الله يعطيكم العافية

[AoDi]

ممكن اقول شئ عن الأحياء و الكيمياء بس الاحصاء....

الاحياء ذاكري أول بأول .

بعض صديقاتي اللي مستواهم في الانقلش غير عالي أحتاجوا يذكروا أكثر من اللي يعرف انقلش أنا بالنسبة ليا ختمت قبل الدوري الاول مرتين و الدوري التاني مرة و النهائي مرة


بس أفضل طريقة كانت انتي أقرأ كل درس بعد ما أخذو"يعني في نفس اليوم " عشان اربط كلام المس بالشرح ..بس لا تعتمدي على شرح المش لأنهم مايشرحوا كل كلمه و الاحياء كل كلمة معانا

الحمدلله جبت في الدوريين الفل مارك و بونس
....
الكيمياء حلو وسهل و مافي تعمق زي الثانوي ..

انواع المسائل الموجودة في المذكرات "هيا من الكتاب" بالأضافة لمسائل التست بانك راح تساعدك ذاكري كل أخر اسبوع لو على الاقل طرق حل المسائل لشابتر "3 و5"

حاولي تحفظي التسميات في شابتر 2 من بدري .ماهي صعبة بس حفظها أخذ وق

شابتر 7 و 8 و 9 غالبا فهم وحفظها قليل..

في الكيماء نادرا ماتجي تعاريف في الاختبار ممكن يجيك سؤالين او ثلاثة و كلها فهم فلا تضيعي و قتك بحفظ النصوص بس شوفي الكلمات المفتاحية

الحمد لله درجاتي في الدرويين في الكيمياء كاملة
.....

الاحصاء ما راح افتي لأني خبصت في..

بس المنهج سهل ومفهوم بس حاولي تدوري على أنواع اسئلة أكثر عشان الاختبار..........؟؟!!؟!


و الله يوفقك

و يوفقــني

[safwanj]

البنات نزلت الدرجات ولا لا ؟

[AoDi]

لا ماطلعت اللي حسبتها درجاتي طلعت متوسط الدرجات للدوريين...؟

[x3bade]

ممكن تنصحوني مين افضل دكاترة لمواد خطة b ؟؟

[Reem Mohammed~]

الله يعطيكي العافية اودي
وحبيت اسالك كمان
الاحياء تحفظيه ؟ ولا تربطي الكلمات مع بعض وتكرريها وانتهينا
واعتمادك على الكتب ولا سلايدات ؟

والله يجزاك كل خير <3

[غروور انثئ]

اﻻحياء تحفظيه حفظ والمذاكرة رح تكون فقط من السلايدات ..

[Somaiah Yousef]

وممكن تفيدونآ لو سمحتو عن أفضل دكتورة للإحصاء والكيمياء ؟

[Mirinoxd]

بوسيتيف أول حاجة بقولك ان الخطة حلوه وسهله بس تتعب مررا كتير في المذاكرة
فعشان كدا اقلك لا تسوي غلطتي وذاكري اول بأول
الأحياء/ مادة مرا سهله وانظلمت صراحه لما قالو عنها مقبرة التحضيريه :|
وتسهل زيادة اذا انتي ذاكرتي اول بأول
مافي مصادر تانيه الا من السلايدات وبس ولو تبي تتدربي ممكن تحلي اسئله سابقه او التدريب التفاعلي
بس انا عني استخدمتهم الميد الاول بس وبعد ماشفت طريقه الاسئله مرا مايحتاج الا انك تكوني حافظة وفاهمة السلايدات
بالنسبة للدكتورات مايفرق صراحه بس انا عني ما احب انو يكون نطق الدكتورة ف الانقلش مو كويس لانو مرات اضيع وما اعرف هي تتكلم عن ايش وكلو لانها ماتنطق صح بس اذا شايله شلايداتك معاكي وماشيه معاها نقطة بنقطة حتفهمي باذن الله
الزبدة انو سهل ولا تشيلي هم بس ذاكري بعد كل محاضرة
*ربي يسعدها دكتورة حنان* < منسقه الاحياء


الكيمياء/ آممم دي المادة مو صعبه بس كمان مو مرا سهله
الميد الاول مذاكرتو حتكون متعبه بس الميد الثاني افضل
فيديوهات يوسف زويل + التست بانك + السلايدات حتكفيكي وتزيد
دكتورتي كانت ايمان حجازي، تشرح من قلبي وتحاول توصل المعلومة وتعيد لو مافهمتي وطيبه مرا
ما اعرف عن باقي الدكتورات صراحه

الأحصاء/ مادة سهله كمان مرا، ابلتي في الثانوي لها فضل بعد الله في فهمي للمادة
الميد الأول مرا سهل يعتمد على الحفظ مرا كتير < دا الباب لانو نظري اغلبو ويعتمد على انقليزيتك كتير بنات نقصو فيه
ف حاولي بعد كل محاضرة تسوي ملخص وتفرقي بين المعلومات
الميد التاني هو الي اغلبنا انصدم من درجاتو بسبب باب الاحتمالات
باب الاحتمالات ضروري تفرقي بين صيغ الأسئله
لانها تشبه بعض وتحسي تقدري تحليها بكم طريقه وتكون الأجوبة للطرق كلها موجودة ف الخيارات فتختاري خطأ
بعد كل محاضرة سوي ملخص واكتبي جنبو صيغه السؤال وكيف ممكن يجي
ولا تنسي ان القوانين موجودة ف ورقه تدخلي فيها الاختبار
دكتورتي كانت أريج عبدالعظيم، كويسة وتفهم وطيوبه بس في اللي احسن منها
سماح سندي مرا مرا كويسة
الكتاب + حضور السكشن وانصحك تحضريه مع سماح، انا كنت احضر مع عبير وماكانت تحل بالتفصيل كانت تفهمنا الطريقه بس
عبير جيدة مرا بس سريعه لو سالتيها حتحاول تفهمك بس لانها تحسيها مستعجله وتتكلم سريع سريع تنربشي وماتفهمي
حضرت مرا مع سماح وماشالله زي حصص الرياضيات ف الثانوي تحل كل سؤال ف السبورة بالتفصيل وتفهمك
والاسئله للسنوات الماضيه مرا كويسة وتفيدك حاولي تحلي كتير عشان تتعودي تفرقي بين الأسئله *باب الاحتمالات برضو xD*
ملخصات صراحة ماتحتاجي انا نزلت ملخص السعدي من النت
طبعا قديم وفيه دروس مو داخله معانا بس فادني اكتر شي في الابواب الاولى لانها نظري
بس باقي الابواب صراحه ما استخدمت الملخصات تحتاجي بس تعرفي القانون وخلاص

بالتوفيق ودعواتك 3>
*اذا في اغلاط سلكيلي لانو بكتب من الجوال

[Mirinoxd]

المشاركة الأصلية كتبت بواسطة فيونكـه وممكن تفيدونآ لو سمحتو عن أفضل دكتورة للإحصاء والكيمياء ؟

احصاء، سماح سندي و دعاء بوقري
بس غالبا كلهم كويسين لانو المنهج سهل بس دول احسن شي ويقنعوكي بالحل ماشاء الله
كيمياء/ دكتورتي ايمان حجازي مرا كويسة وليلى الحربي ويقولو نهى وزان
انا ماجربت الا ايمان وليلى