سؤال لطالبات الطب ضروري

[مناال]

السلام عليكم عندي سؤال وياليت تفيدوني بحسب خبرتكم في الدراسة انا سنة تحضيري وابغى ادرس طب لكن انا زواجي في الاجازة وخايفة احس اني مارح اقدر اوفق بين دراسة الطب وبيت واولاد فا ياليت تنصحوني اش اسوي اغير الرغبات واترك الطب والا ارفض الزواج والا هل بامكاني الجمع بينهم جاوبوني بصراحة هل وحدة مرت بهدا الشي وقدرت تكمل وال لا الله يسعدكم انا جالسة على اعصابي استنى ردودكم

[مناال]

ليش ما في احد يرد انا جالسة استنى...

[مناال]

فينكم يا طالبات الطب ليش مافي وحدة تساعدني..ولها الاجر من الله

[rnd]

و عليكم السلام و رحمة الله و بركاته ..

انا بقولك بحكم ان اعرف وحده تقربلي دكتورة اطفال..

الحقيقه هي غير متزوجه .. لكن تقول الحمد لله انه ما تزوجت ..

لانه بعد ما خلصت 7 سنوات الاولى صارت عندها مناوبات.

36 ساعه .. 6 مرات بالشهر ..

وكل ما زدتي سنه كل ما زادت الساعات ..وزاد الكرف ..

تحكينا عن صديقاتها .. عيالهم مرميين يا عند الشغالات و المربيات يا عند امهاتهم ..

ومشاكل بين ازواجهم بسبب كثرة الغياب عن البيت .. او الطمع بالراتب ..

يعني بالنهايه الطب يبغاله وحده فااااااااضيه .. عشان لا تتعب ..

ما قصدي اقول لك لا تتزوجي.. او انك اتركي الطب.. لكن عشان لا تصير مشاكل بعدين تندمي.


والله هذا الللي اعرفه .. وانت الحكم بيدك ..

فكري واستخيري ربنا .. وتذكري انه شهادتك اهم شي بالدنيا ..

الله يختار لك اللي فيه الخير ..

[مناال]

مشكورة الله يسعدك ويديك الي تتمنينه ويحقق كل الي في بالك
وياليت كمان احد يقولي رايه

[د.أحلام]

بصراحه أنا الآن ثالث طب وأتمنى أتزوج ؟!
تدرين ليش لأن الحياه مو بالصوره إلي نشوفها من جانب ضيق وعدسه سوداء أتمنى إني أقنعك بكلامي لأن الحياه
تفاهم بين الطرفين وتنازلات وأشياء كثيره ..ممكن لا استطيع وصفها بكلمات
يا أختي إنتي متردده عشان خايفه على مستقبل أولادك وإلا خايفه إنك ما تستطيعين ؟؟
أقلك شي بنات الدفعه عندنا المتزوجات هم المتفوقات تدرين ليش!
لأنهم مرتبين وقتهم .(.أنا ألحين أدرس ..شوي ماني فاضيه عندي زوجي وعيالي .. )
وأخالف الأخت إلي تقول إنه يبغاله وحده فاضيه أعرف وحده إستشاريه ومن أنجح الناس بحياتها الزوجيه وعندها سبعه عيال الله يحفظهم لها .
أنا نفسي أكمل رد لكن والله بكرا عندي إختبار باث دعواتك وأوعدك برجع

[د.أحلام]

نسيت أقول مبرووووووووووووووك مقدماً

[مناال]

الله يبارك فيك والله يوفقك وانا بصراحة خايفة اني ما اقدر انجح في دراستي لان اكيد لو جوني اولاد رح اكون مشغولة في تربيتهم ..الله يوفقك في اختبارك وانا لسى كمان استنى ردك

[مناال]

كمان عندي اسئلة ياليتك تفيديني والله يفرج همك كيف نظام الدراسة في السبع سنوات وبعد السبع سنوات ممكن تتوظفي والا لازم تكملي 4 سنوات عشان تتخصصي وكيف دوام الدراسة كل يوم ترجعوا متاخر والا فيه ايام تطلعوا بدري وهل الدوام يتغير مع الوقت وبالنسبة للامتحانات انا سامعة انه كل سبت يمتحنوا وانه مررررة ضغط الوقت مايكفيك تزاكري ...واخر سؤال هو عن مذاكرتكم تكون من نفس الكتب او من الاشياء الي تكتبوها في المحاضرات ودكاترة الطب يعني مساعدينكم ويراعون لو كانت عندك ظروف معليش يا د/احلام طولت عليك بس ابغى اعرف ازا كان دا الشي صحيح ولا كلها اشاعات ومبالغة في الامر.

[المتفائلة]

السلام عليكم
اعتذر على التأخير

وماشاء الله د. أحلام ماقصرت ربي يسعدها

اول شي الف مبروووووووك والله يتمم لك على خير

قبل مااقول رأيي اول شي استخيري مره واثنين وعشره والله يوفقك يارب

من ناحية الدراسه وفي كل الكليات الصحيه لااخفيكي مذاكره وتعب .. لكن حلوه والله بتعبها ومرها
وبخصوص هل المتزوجه توفق بين دراستها وحياتها الزوجيه
فهذا على حسب البنت نفسها هل هي منظمة ولا لا

من واقع الحياة ومن صديقتي المتزوجه
ماشاء الله عليها عندها طفلين واهو ماشاء الله بتكمل دراستها وممتازه

اهم شي انك تحاولي تعطي كل شي حقه ولا تقصري في شي

الله يوفقك يارب
وينور دربك