دكاترة خطة ب

[x3bade]

السلام عليكم ورحمة الله وبركاته
اخبار الشباب ان شاء الله بخير؟
خلاص الاجازه قربت تخلص وكل واحد اجهز نفسو

المهم
انا بعد بحث طويل عن افضل دكاترة خطة ب لقيت الاغلب امدح في الدكاتره الي حكتبهم بعد شويه

دكتور ياسر العنقري(كيمياء)


دكتور سعيد الغامدي(احصاء)


دكتور سفيان العسولي(احياء)


فالي اعرف اوقات و ايام محاضرات الدكاترة الصباحيه واسماء شعبهم الله لا يهينكم اكتبوها عشان الكل استفيد

[x3bade]

مافي احد نزلو الدكاتره الي كتبتهم يا شباب

[A.A.Y]

أنا كنت في الأحياء عند العسولي ؛ ملل!! حتى الملل يمل من الملل نفسه!! بس يقرأ من السلايدات .

في المجمل العام ؛ ما تحتاج تروح عند هذا الدكتور أو ذاك الدكتور لأنه أفضل في الشرح ..

المادة حفظ, الدكتور بس بيقرأ المكتوب في السلايدات, وما بـ تستفيد أي شيء, إذا تبغى رأيي بحكم إني كنت خطة ب ..

شوف لك دكتور أحياء ما يحضّر, لأن المحاضرة مملة ومافيها فايدة على الأقل بالنسبة لي, وفي الأخير كل شيء راجع لك .

[Mr.Hamada]

ايش رايكم في دكتور هادي مرواني.


و. دكتور مصطفى رشدي النجار

[~Me~]

المشاركة الأصلية كتبت بواسطة mr.hamada ايش رايكم في دكتور هادي مرواني. و. دكتور مصطفى رشدي النجار

مرواني مدري عنو

بس النجار يقولو تعبان

الله يعين

[Mr.Hamada]

مين عنده احياء من الساعة 1. الى. 1:50. احد و ثلاثاء و خميس.

غير مصطفى النجار.

[A.A.Y]

^

هادي المرواني للكيمياء؟

يقولون كويس .

[Mr.Hamada]

طيب رايك في مصطفى رشدي النجار احياء ناس تقول سيء و ناس تقول ممتاز مين نصدق يعني هه

[A.A.Y]

^
ما أعرفه ..

لكن خذها كـ قاعدة ؛ دائمًا لا تعتمد على أحكام الآخرين, لأن كل واحد ينظر من زاويته الخاصة ..

ممكن كان له موقف مع هذا الدكتور أو ذاك ويبغى يشوه سمعته وممكن إنه يعرف الدكتور معرفة شخصية ويبغى يمدحه ..

إنت احضر عند دكتورك, شفته ماهو كويس انقل ..

-

[حمودي813]

شوف الاحياء ماتفرق معك انا كنت عند نزار رضوان احسن واحد ولا استفدت لانها ماده تعتمد بشكل كبير بالحفظ اما الكيمياء ياسر العنقري لازم تروح عنده شرحه مزبوط ويعطيك كيف طريقه الاختبار اما الاحصاء احمد العم او الداغستناني وافضل عند منسق الماده سعيد الغامده عشان يعلمك كيف طريقه الاختبار وبس ويالله قولولي على خطه ا